New Testament in Ashéninka, Ucayali-yurúa (PE:cpb:Ashéninka, Ucayali-yurúa)

Asheninka Ucayali-Yurua - WBT Edition (NT) Non Drama

Asheninka Ucayali-Yurua - WBT Edition (NT) Drama

<div class="version vid569 iso6393cpb" data-vid="569" data-iso6393="cpb">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s">Ikenkithatakotziro Jes&#250;s kiteesheri rimakoryaantaitari</div><div class="r">(Mr. 2.23-28; Lc. 6.1-5)</div><div class="p"> 1Okanta apaani kiteesheri rimakoryaantaitari, ikenanake Jes&#250;s pankirentsimashiki. Tema ritasheyaiyatziini riyotaanewo, ikowiitanake okithokiki pankirentsi royaari. 2I&#241;aakeri Fariseo-paini, iro ikantantakariri Jes&#250;s: &#8220;Pamineri piyotaanewo. Jiroka kiteesheri rimakoryaantaitari ini, te ishinetaantsita inkowiitaite.&#8221; 3Rakanakeri Jes&#250;s ikantziri: &#8220;Tema pi&#241;aanatakotziri ikantakota David-ni, aantawetariri ritashe itsipayetakari ikaataiyini. 4Ikyaake pairani tasorentsipankoki, rowakawo tasorentsitatsiri, ipayetakeri eejatzi itsipatakari. Te ishinetaantsiweta, apatziro rowapiintawo Imperatasorentsitaarewo. 5Rosankenaitake eejatzi pairani Inintakaantaitanewo, okantzi: &#8216;Eero pantawaitantawo kiteesheri rimakoryaantaitari.&#8217; Iro kantzimaitacha riyaatapiintzi Imperatasorentsitaarewo kiteesheriki rimakoryaantaitari tasorentsipankoki, rantawaitapiintzi. Tekaatsi kisakotyaawone. 6Nokantzi naaka, eenitatsi jaka impinkathaperoiteri, iri anairori tasorentsipanko. 7Iro rosankenatantaitakawori pairani, kantatsiri:</div><div class="q1">Te apa nonkoweri pamayetaina pipira pitagainari.</div><div class="q1">Iro nokowaperotairi pineshironkayetairi pisheninka.</div><div class="m">Arikame pinkemathatero jiroka, eero pikantzirime jirikapaini, te ikaariperoshiretzi. 8Jirika Itomi Atziri ipinkathariperotzi irirori, ranairo kiteesheri rimakoryaantaitari.&#8221;</div><div class="s">Atziri kisoimpekiri</div><div class="r">(Mr. 3.1-6; Lc. 6.6-11)</div><div class="p"> 9Ikanta rowaaganaawo Jes&#250;s, ikyaapai eejatzi rapatotapiintaitaga. 10Ari risaikakeri janta atziri kisoimpekitatsiri. Ikanta Fariseo-paini, rosampitakeri Jes&#250;s, ikantziri: &#8220;&#191;Kameethatatsima petsiyatakotakagairi kisoimpekiri kiteesheriki rimakoryaantaitari?&#8221; Iroowa rosampitantariri ontzimantyaari inkantakoteriri. 11Rakanakeri irirori, ikantziri: &#8220;Te paminaminthatashitari pipira arika rotetya omoonaki kiteesheriki rimakoryaantaitari, petakotari, pagairi. 12Iriira retakoperoitari atziri, ranairi piratsi. Te owaariperoshiretantzi aneshironkatante kiteesheriki rimakoryaantaitari.&#8221; 13Ri&#241;aanatanakeri atziri kisoimpekiri, ikantziri: &#8220;Pampiryaawakotai.&#8221; Matanaka atziri, akotsitanai, oshiyanaawo otsipa rako. 14Kisaiyanakani Fariseo-paini. Jataiyakeni, ikenkithawaitaiyini, ikantzi: &#8220;&#191;Jimpe ankanterika Jes&#250;s, ampeyakaantyaariri?&#8221;</div><div class="s">Rosankenatakoitzitakari pairani Jes&#250;s</div><div class="p"> 15Yotake Jes&#250;s ikowaitatzi ritsitokaiteri, iro rowaagantanaari. Royaatanakeri osheki atziri, retsiyatakotakagairi maawoini mantsiyari. 16Ikantayewetakari: &#8220;Eerowa pithawetakotana.&#8221; 17Ari imonkaatari rosankenatakagaitakeriri pairani Kamantantaneri Isa&#237;as-ni, ikantzi:</div><div class="q1"> 18Jirika nimperatanewo, iri niyoyaakeri.</div><div class="q1">Netakotanewo rini, iri oimoshirenkanari.</div><div class="q1">Kisokero roweri Tasorenkantsi,</div><div class="q1">Inkenkithatakagairi kaari asheninkata, inkamantairi irooperotatsiri.</div><div class="q1"> 19Eero richeraawentawaita irirori,</div><div class="q1">Eero ikemaitziri ishintsite inkenkithatakotya,</div><div class="q1"> 20Eero rowatsiperotziro risatairo sonkare sataawetainchari,</div><div class="q1">Eero roitsiwakiro paampari paampamenkiwetainchari,</div><div class="q1">Irojatzi rimatantyaawori i&#241;eero irooperotatsiri. #12.20 Oshiyakaawentachari sonkare eejatzi paampamenkiwetainchari, iriitake atziripaini ikaatzi kemisantawetachari eepichokiini, ashironkaashireyetachari, mantsiyashireyetatsiri, jentashireyetatsiri, ari ineshironkayetairi Jes&#250;s jirikapaini, eero rishinetziri rashironkaayetaiya aawyaashireri inkantakaayetaiyaari, roshireperotakaayetaiyaari. </div><div class="p"> 21Iri royaakoneentairi kaari asheninkata raakotairi iwairo.</div><div class="s">Kishimatziriri Tasorenkantsi</div><div class="r">(Mr. 3.20-30; Lc. 11.14-23)</div><div class="p"> 22Ikanta ramaitakeniri Jes&#250;s raayiri peyari, ramashookitakaakari, ikisowaantetakaakeri eejatzi. Retsiyatakotakaawakeri, aminanai kameetha, &#241;aawaitanai eejatzi. 23Riyokitziitanake maawoini atziri, ikantaiyini: &#8220;&#191;Iriima jirika icharine David-ni oyaakoneentziri?&#8221; 24Kemaiyakeni Fariseo, ikantaiyanakeni irirori: &#8220;Jirika atziri ishintsitakaatziiri ashitariri peyari Beelzeb&#250;, iro rowawisaakotantariri raagayetziri peyari.&#8221; 25Iri kantzimaitacha Jes&#250;s riyotakotakeri ikenkithashireyetari, ikantanakeri: &#8220;Atziri ipinkathariwentaitziri tsikarikapaini, arika rantaminthatawakaiya, ari i&#241;aakero rookanawentawakaiya. Eejatzi arika rantaminthatawakaiya inampiki atziri, ari i&#241;aakero rookanawentawakaiya inampiki. Arika rantaminthatawakaiya atziri ikaatzi risaikawankotawakaa, ari i&#241;aakero rookanawentawakaiya ipankoki. 26Ari ikantari eejatzi peyari arika rantaminthatawaiyaame. Arika rookanawentawakaanakya, &#191;eeroma i&#241;iiro rithonkya? 27Iriirikame Kamaari Beelzeb&#250; shintsitakainane naaka, &#191;irijatzima Kamaari shintsitakayiriri piyotaanewo eeroka rowawisaakotantariri raagaitziri? Arika okanta pithawetakotatziiri piyotaanewo, ari inkisaneentawentakemiro okaatzi pikantakeri. 28Iri Tasorenkantsi po&#241;aachari Pawaki shintsitakaanari naaka nowawisaakotantariri raayiri peyari. Irijatzi Pawa omapokakemiri eeroka ipinkathariwentantzi. 29Arika inkowaite inkoshiiteri shintsitatsiri kameetha atziri, ontzimatye retaitawakyaari roosoiteri, eero ikisakowentantawo rashiwetari arika rayitaiteri. 30Ikaatzi kaari aapatziyanari naaka, iriitake kisaneentanari. Inkaate kaari amitakotenane rowiitakotena, reewanatakotatyaana. 31Iro kantzimaitacha nokantzi naaka: Kantacha impeyakotairi Pawa inkaate kaariperoshirewetachari, eejatzi inkantairi maawoini &#241;aawaiwetawori kaariperori &#241;aantsi. Iriima kishimatakerine Tasorenkantsi, eero ipeyakoitairi. 32Ari okantari eejatzi: Kantacha impeyakotairi Pawa inkaate kishimawetyaarine Itomi Atziri, iriima kishimatakerine Tasorenkantsi, eero i&#241;agairo impeyakoitairi. 33Oshiyawaityaawo arika i&#241;agaitero kameethari chochoki, riyotaitzi kameetha ini owaato tsika opo&#241;aakawo chochoki. Ari okantari eejatzi arika i&#241;agaitero chochoki piyantatsiri, riyotaitzi kaariperori ini owaato tsika opo&#241;aaka iroori. 34Poshiyakari maanke, kaariperoshireri pikantaiyakani. Tekaatsi pinkenakairo pi&#241;aawaitero kameethari, te ompantyaawo pikenkithashireyetari, iro okaariperotantakari pi&#241;aawaiyetziri. 35Tema apaani kameethashireri ikenkithashiretawo kameethatatsiri, iro okameethatantari rantayetziri. Iriima kaariperoshiretatsiri te ikenkithashiretapiintawo kameethatatsiri, iro okaariperotantari rantayetziri. 36Iro nokantantari naaka, ari raminakoitairo paata kaariperori ri&#241;aawaitaitziri. 37Kameetharika okaatzi pi&#241;aaneyetari, ari raakameethaitaimi. Irooma terika okameethatzi, inkantayeetaimi: &#8216;Kaariperoshireri pinake, osheki pinkemaatsitaiyaawo.&#8217; &#8221;</div><div class="s">Ikowaweta kaariperoshireri ritasonkawentantaite</div><div class="r">(Lc. 11.29-32)</div><div class="p"> 38Ikanta rakaiyanakeni Fariseo itsipatakari Yotzinkariite ikantanakeri: &#8220;Yotaantaner&#237;, nokowi no&#241;eemi pitasonkawentante.&#8221; 39Rakanake Jes&#250;s ikantzi: &#8220;Kaariperoshireri pinaiyini eeroka, pithainkanewo powakeri Pawa, pikowaiyini pi&#241;eena nitasonkawentante. Eeromaita no&#241;aayimiro, apatziro pi&#241;eero oshiyaawone awishimotakeriri pairani Jon&#225;s, 40iniyantakariri oshiyariri antari &#241;aaweri, tema mawa kiteesheri risaikake imotziki. Ari inkantyaari eejatzi jirika Itomi Atziri inkitawetapaintya mawa kiteesheri. 41Paata arika raminakoitairo okaatzi rantaitziri, ari riyakowentaimi N&#237;nive-satzi, tema ikemisantairi pairani irirori Jon&#225;s ripakaanairo ikaariperoshirewetaiyani. Tema jirika saikimotakemiri iro&#241;aaka ranairi Jon&#225;s. 42Paata arika raminakoitairo okaatzi rantaitziri, ari iyakowentaimi tsinane pinkathawotatsiri pairani nampitsiki Sab&#225;, tema ipokashitakeri iroori pinkathari Salom&#243;n, okemisantairi. Jirika saikimotakemiri iro&#241;aaka ranairi Salom&#243;n.&#8221;</div><div class="s">Ripiyashitanta peyari</div><div class="r">(Lc. 11.24-26)</div><div class="p"> 43&#8220;Oshiyawaitakawo risaikashiretantari peyari apaani atziri, ipankotetakawo ra&#241;aamento. Arika rookaweetakyaari, awisakowetaa atziri risaikantakari peyari. Jatawetaawo ikenawaitzi ochempiki, te i&#241;i jimpe risaike. 44Ikantashiretai peyari: &#8216;Nipiyaita nopankoki tsika nopo&#241;aanaka ketziroini.&#8217; Piyaawo peyari, i&#241;aapairi atziri kameetha opishitaka ra&#241;aamento, owaneenka okantaka. 45Riyaatashitakeri maperotzirori ipeyaritzi, inkantakeri: &#8216;Jame aate nopankoki, pintsipatena ampinkatharite.&#8217; Ramake ikaatzi 7. Ari rashironkaaperotyaari jirika atziri, eero roshiyaa rashironkaaweta pairani eepichokiini. Ari pinkantayetaiyaari iro&#241;aaka eerokapaini.&#8221;</div><div class="s">Ikenkithatakotziro Jes&#250;s inaanate eejatzi irirentzi</div><div class="r">(Mr. 3.31-35; Lc. 8.19-21)</div><div class="p"> 46Eekero ikenkithatakaatziiri Jes&#250;s atziri piyowentakariri, ari areetapaaka inaanate otsipatakari irirentzipaini, okatziyapaaka jakakeroki, okaimakaantapaakeri. 47Ikantaweetakari: &#8220;Ari ipoki pinaanate otsipatakari pirentzipaini, okowi o&#241;eemi.&#8221; 48Ari rakanake ikantzi: &#8220;&#191;Iitaka pikenkithashiryaari iroowa nonaanate, iriira nirentzitari?&#8221; 49Rookotanakeri ikaatzi riyotaayetapiintakeri, ikantzi: &#8220;Jirikapaini iriitake noshiyakagairi nirentzi, iro noshiyakagairi eejatzi nonaanate. 50Tema maawoini antanairori ikowayetziri Ashitairi Inkitesatzi, iriitake nirentzitaari, irootake nitsirotaari, irootake ninirotaari.&#8221;</div>
 </div>
 </div>
</div>

Okanta apaani kiteesheri rimakoryaantaitari, ikenanake Jesús pankirentsimashiki. Tema ritasheyaiyatziini riyotaanewo, ikowiitanake okithokiki pankirentsi royaari. Iñaakeri Fariseo-paini, iro ikantantakariri Jesús: “Pamineri piyotaanewo. Jiroka kiteesheri rimakoryaantaitari ini, te ishinetaantsita inkowiitaite.” Rakanakeri Jesús ikantziri: “Tema piñaanatakotziri ikantakota David-ni, aantawetariri ritashe itsipayetakari ikaataiyini. Ikyaake pairani tasorentsipankoki, rowakawo tasorentsitatsiri, ipayetakeri eejatzi itsipatakari. Te ishinetaantsiweta, apatziro rowapiintawo Imperatasorentsitaarewo. Rosankenaitake eejatzi pairani Inintakaantaitanewo, okantzi: ‘Eero pantawaitantawo kiteesheri rimakoryaantaitari.’ Iro kantzimaitacha riyaatapiintzi Imperatasorentsitaarewo kiteesheriki rimakoryaantaitari tasorentsipankoki, rantawaitapiintzi. Tekaatsi kisakotyaawone. Nokantzi naaka, eenitatsi jaka impinkathaperoiteri, iri anairori tasorentsipanko. Iro rosankenatantaitakawori pairani, kantatsiri:
Te apa nonkoweri pamayetaina pipira pitagainari.
Iro nokowaperotairi pineshironkayetairi pisheninka.
Arikame pinkemathatero jiroka, eero pikantzirime jirikapaini, te ikaariperoshiretzi. Jirika Itomi Atziri ipinkathariperotzi irirori, ranairo kiteesheri rimakoryaantaitari.”


Ikanta rowaaganaawo Jesús, ikyaapai eejatzi rapatotapiintaitaga. Ari risaikakeri janta atziri kisoimpekitatsiri. Ikanta Fariseo-paini, rosampitakeri Jesús, ikantziri: “¿Kameethatatsima petsiyatakotakagairi kisoimpekiri kiteesheriki rimakoryaantaitari?” Iroowa rosampitantariri ontzimantyaari inkantakoteriri. Rakanakeri irirori, ikantziri: “Te paminaminthatashitari pipira arika rotetya omoonaki kiteesheriki rimakoryaantaitari, petakotari, pagairi. Iriira retakoperoitari atziri, ranairi piratsi. Te owaariperoshiretantzi aneshironkatante kiteesheriki rimakoryaantaitari.” Riñaanatanakeri atziri kisoimpekiri, ikantziri: “Pampiryaawakotai.” Matanaka atziri, akotsitanai, oshiyanaawo otsipa rako. Kisaiyanakani Fariseo-paini. Jataiyakeni, ikenkithawaitaiyini, ikantzi: “¿Jimpe ankanterika Jesús, ampeyakaantyaariri?”

Yotake Jesús ikowaitatzi ritsitokaiteri, iro rowaagantanaari. Royaatanakeri osheki atziri, retsiyatakotakagairi maawoini mantsiyari. Ikantayewetakari: “Eerowa pithawetakotana.” Ari imonkaatari rosankenatakagaitakeriri pairani Kamantantaneri Isaías-ni, ikantzi:
Jirika nimperatanewo, iri niyoyaakeri.
Netakotanewo rini, iri oimoshirenkanari.
Kisokero roweri Tasorenkantsi,
Inkenkithatakagairi kaari asheninkata, inkamantairi irooperotatsiri.
Eero richeraawentawaita irirori,
Eero ikemaitziri ishintsite inkenkithatakotya,
Eero rowatsiperotziro risatairo sonkare sataawetainchari,
Eero roitsiwakiro paampari paampamenkiwetainchari,
Irojatzi rimatantyaawori iñeero irooperotatsiri.
Iri royaakoneentairi kaari asheninkata raakotairi iwairo.


Ikanta ramaitakeniri Jesús raayiri peyari, ramashookitakaakari, ikisowaantetakaakeri eejatzi. Retsiyatakotakaawakeri, aminanai kameetha, ñaawaitanai eejatzi. Riyokitziitanake maawoini atziri, ikantaiyini: “¿Iriima jirika icharine David-ni oyaakoneentziri?” Kemaiyakeni Fariseo, ikantaiyanakeni irirori: “Jirika atziri ishintsitakaatziiri ashitariri peyari Beelzebú, iro rowawisaakotantariri raagayetziri peyari.” Iri kantzimaitacha Jesús riyotakotakeri ikenkithashireyetari, ikantanakeri: “Atziri ipinkathariwentaitziri tsikarikapaini, arika rantaminthatawakaiya, ari iñaakero rookanawentawakaiya. Eejatzi arika rantaminthatawakaiya inampiki atziri, ari iñaakero rookanawentawakaiya inampiki. Arika rantaminthatawakaiya atziri ikaatzi risaikawankotawakaa, ari iñaakero rookanawentawakaiya ipankoki. Ari ikantari eejatzi peyari arika rantaminthatawaiyaame. Arika rookanawentawakaanakya, ¿eeroma iñiiro rithonkya? Iriirikame Kamaari Beelzebú shintsitakainane naaka, ¿irijatzima Kamaari shintsitakayiriri piyotaanewo eeroka rowawisaakotantariri raagaitziri? Arika okanta pithawetakotatziiri piyotaanewo, ari inkisaneentawentakemiro okaatzi pikantakeri. Iri Tasorenkantsi poñaachari Pawaki shintsitakaanari naaka nowawisaakotantariri raayiri peyari. Irijatzi Pawa omapokakemiri eeroka ipinkathariwentantzi. Arika inkowaite inkoshiiteri shintsitatsiri kameetha atziri, ontzimatye retaitawakyaari roosoiteri, eero ikisakowentantawo rashiwetari arika rayitaiteri. Ikaatzi kaari aapatziyanari naaka, iriitake kisaneentanari. Inkaate kaari amitakotenane rowiitakotena, reewanatakotatyaana. Iro kantzimaitacha nokantzi naaka: Kantacha impeyakotairi Pawa inkaate kaariperoshirewetachari, eejatzi inkantairi maawoini ñaawaiwetawori kaariperori ñaantsi. Iriima kishimatakerine Tasorenkantsi, eero ipeyakoitairi. Ari okantari eejatzi: Kantacha impeyakotairi Pawa inkaate kishimawetyaarine Itomi Atziri, iriima kishimatakerine Tasorenkantsi, eero iñagairo impeyakoitairi. Oshiyawaityaawo arika iñagaitero kameethari chochoki, riyotaitzi kameetha ini owaato tsika opoñaakawo chochoki. Ari okantari eejatzi arika iñagaitero chochoki piyantatsiri, riyotaitzi kaariperori ini owaato tsika opoñaaka iroori. Poshiyakari maanke, kaariperoshireri pikantaiyakani. Tekaatsi pinkenakairo piñaawaitero kameethari, te ompantyaawo pikenkithashireyetari, iro okaariperotantakari piñaawaiyetziri. Tema apaani kameethashireri ikenkithashiretawo kameethatatsiri, iro okameethatantari rantayetziri. Iriima kaariperoshiretatsiri te ikenkithashiretapiintawo kameethatatsiri, iro okaariperotantari rantayetziri. Iro nokantantari naaka, ari raminakoitairo paata kaariperori riñaawaitaitziri. Kameetharika okaatzi piñaaneyetari, ari raakameethaitaimi. Irooma terika okameethatzi, inkantayeetaimi: ‘Kaariperoshireri pinake, osheki pinkemaatsitaiyaawo.’ ”


Ikanta rakaiyanakeni Fariseo itsipatakari Yotzinkariite ikantanakeri: “Yotaantanerí, nokowi noñeemi pitasonkawentante.” Rakanake Jesús ikantzi: “Kaariperoshireri pinaiyini eeroka, pithainkanewo powakeri Pawa, pikowaiyini piñeena nitasonkawentante. Eeromaita noñaayimiro, apatziro piñeero oshiyaawone awishimotakeriri pairani Jonás, iniyantakariri oshiyariri antari ñaaweri, tema mawa kiteesheri risaikake imotziki. Ari inkantyaari eejatzi jirika Itomi Atziri inkitawetapaintya mawa kiteesheri. Paata arika raminakoitairo okaatzi rantaitziri, ari riyakowentaimi Nínive-satzi, tema ikemisantairi pairani irirori Jonás ripakaanairo ikaariperoshirewetaiyani. Tema jirika saikimotakemiri iroñaaka ranairi Jonás. Paata arika raminakoitairo okaatzi rantaitziri, ari iyakowentaimi tsinane pinkathawotatsiri pairani nampitsiki Sabá, tema ipokashitakeri iroori pinkathari Salomón, okemisantairi. Jirika saikimotakemiri iroñaaka ranairi Salomón.”


“Oshiyawaitakawo risaikashiretantari peyari apaani atziri, ipankotetakawo rañaamento. Arika rookaweetakyaari, awisakowetaa atziri risaikantakari peyari. Jatawetaawo ikenawaitzi ochempiki, te iñi jimpe risaike. Ikantashiretai peyari: ‘Nipiyaita nopankoki tsika nopoñaanaka ketziroini.’ Piyaawo peyari, iñaapairi atziri kameetha opishitaka rañaamento, owaneenka okantaka. Riyaatashitakeri maperotzirori ipeyaritzi, inkantakeri: ‘Jame aate nopankoki, pintsipatena ampinkatharite.’ Ramake ikaatzi 7. Ari rashironkaaperotyaari jirika atziri, eero roshiyaa rashironkaaweta pairani eepichokiini. Ari pinkantayetaiyaari iroñaaka eerokapaini.”


Eekero ikenkithatakaatziiri Jesús atziri piyowentakariri, ari areetapaaka inaanate otsipatakari irirentzipaini, okatziyapaaka jakakeroki, okaimakaantapaakeri. Ikantaweetakari: “Ari ipoki pinaanate otsipatakari pirentzipaini, okowi oñeemi.” Ari rakanake ikantzi: “¿Iitaka pikenkithashiryaari iroowa nonaanate, iriira nirentzitari?” Rookotanakeri ikaatzi riyotaayetapiintakeri, ikantzi: “Jirikapaini iriitake noshiyakagairi nirentzi, iro noshiyakagairi eejatzi nonaanate. Tema maawoini antanairori ikowayetziri Ashitairi Inkitesatzi, iriitake nirentzitaari, irootake nitsirotaari, irootake ninirotaari.”

Listen to Mateo 12