This translation, published by the Bible Society of Uganda, was first published in 1985.

Acholi - 1985 Edition (NT)

<div class="version vid559 iso6393ach" data-vid="559" data-iso6393="ach">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Yecu ki Jakayo</div><div class="p"> 1Yecu odonyo i Jeriko kun oekato akata. 2Ono&#331;o tye kunnu dano mo ma nyi&#331;e Jakayo, lajogmucoro madit, dok lalonyo bene. 3Oparo pi neno Yecu, ento pe otwero pi lwak, pien en cek. 4Ori&#331;o anyim, oito i wi yat olam wek enen, pien Yecu ono&#331;o oewok ki i yo-nu. 5Ka Yecu oo i kabedo-nu, oneno malo, owacce ni, &#8220;Jakayo, lor piny oyotoyot; pien tin myero abed i odi.&#8221; 6Jakayo olor oyotoyot, ojole ki yomcwiny. 7Ka dano ducu guneno, ci gu&#331;ur kun giwaco ni, &#8220;En odonyo i ot ka bedo welo pa dano ma labalo.&#8221; 8Jakayo oa malo, owaco bot Rwot ni, &#8220;Nen, Ladit, abimiyo nucu jamina bot lucan; ka abumo &#331;at mo i gin mo, abicule wa&#331; a&#331;wen.&#8221; 9Yecu owacce ni, &#8220;Tin lar obino i ot man, pien en bene lakwar Abraim. 10#Mat 18.11 Pien Wod pa dano obino ka yenyo ki ka laro jo ma orwenyo.&#8221;</div><div class="s1">Carolok i kom cili&#331; alip acel</div><div class="r">(Mat 25.14-30)</div><div class="p"> 11 # 
 Mat 25.14-30
 Ka pud giwinyo lok man, Yecu omedde ki lokke, obolo botgi carolok, pien ono&#331;o do&#331; cok ki Jerucalem, dok pien ono&#331;o gitamo ni ker pa Luba&#331;a binen cutcut. 12Pi meno owaco ni, &#8220;Yam tye wod ker mo ma oa ocito i lobo mabor ka limo twerone me loc ka do&#331; odwog cen. 13Olwo&#331;o luticce apar, opoko botgi cili&#331; alip acel, owaco botgi ni, &#8216;Wucat ki wil nio wa&#331; ma an adwogo.&#8217; 14Ento dano me lobone gukwere, gucwalo lukwena i kore ki lok ni, &#8216;Pe wamito dano man olowa.&#8217; 15Ka do&#331; en odwogo, ma do&#331; ocamo ker, ociko ni gilwo&#331; lutic ma yam emiyogi lim-mi, wek e&#331;e wel magoba ma gulimo i cato wilgi. 16Dano mukwo&#331;o obino i nyime, owaco ni, &#8216;Ladit, cili&#331; miya ma imiya-ni omedde iye cili&#331; alip acel mukene.&#8217; 17Ogamo ni, &#8216;Ber, in latic maber! Pien yam ibedo lagen i kom jami matidi mo, ibibedo ki twero i kom ga&#331;i apar.&#8217; 18Dano me aryone obino, owaco ni, &#8216;Ladit, cili&#331; miya dok omedde iye cili&#331; miya abic mukene.&#8217; 19Owacce ni, &#8216;In bene ibibedo ki twero i kom ga&#331;i abic.&#8217; 20&#330;at mukene dok obino, owaco mere ni, &#8216;Ladit, limmi en, agwoko, aboyo i kitambara, 21pien ono&#331;o alwori, pien in i dano magwa; ikwanyo gin ma pe ikano, ikayo ka ma pe icoyo.&#8217; 22Owacce ni, &#8216;Abi&#331;olo kop loyi kun lubo lok ma oa ki i dogi keni, in latic marac! Yam i&#331;eyo ni an a dano magwa, akwanyo gin ma pe akano, akayo ka ma pe acoyo, 23pi&#331;o do&#331; pe ikano limma i be&#331;&#331;e, wek ka adwogo, ano&#331; kun acoko limma ki magobane?&#8217; 24Owaco bot jo ma gucu&#331; ka &#331;ete ni, &#8216;Wugam cili&#331; miya-ni woko ki bote wumi bot won cili&#331; alip acel-li.&#8217; 25Guwacce ni, &#8216;Ladit, en do&#331; tye ki cili&#331; alip acel!&#8217; 26#Mat 13.12; Mar 4.25; Luka 8.18 Ci en owacci, &#8216;Atito botwu ni, dano ducu ma mere tye gibimedo bote gin mo; ento &#331;at ma mere pe, gibikwanyo woko ki bote kadi wa gin ma tye bote. 27Ento lukworra magi, ma gin gukwera ni pe alogi-ni, wukelgi kany, wunekgi ki pala lucwan i nyima.&#8217; &#8221;</div><div class="s1">Yecu odonyo i Jerucalem calo kabaka</div><div class="r">(Mat 21.1-11; Mar 11.1-11; Jon 12.12-19)</div><div class="p"> 28Ka Yecu otyeko loko lok man, ci owoto anyim kun cito malo i Jerucalem. 29Ka do&#331; onyiko cok ki Betepage ki Betania, i te got ma gilwo&#331;o Jeituni, Yecu ocako oro jo aryo ki i kin lupwonynyene, 30kun cikogi ni, &#8220;Wucit i ga&#331; ma tye i nyimwu. Ka ce wudonyo iye wubino&#331;o latin kana ma gitweyo, ma &#331;at mo peya oito i wiye; ci wugony, wukel kany. 31Ka &#331;atti mo openyowu ni, &#8216;Wugonye pi&#331;o?&#8217; wun wubidok iye kit man ni, &#8216;Rwot aye mito.&#8217; &#8221; 32Kit meno jo ma giorogi gucito, ci guno&#331;o kit macalo Yecu otito botgi-ni. 33Ka gitye ka gonyo latin kana, wegine gupenyogi ni, &#8220;Wugonyo latin kana pi&#331;o?&#8221; 34Gudok iye botgi ni, &#8220;Rwot aye mito.&#8221; 35Gukelo latin kana bot Yecu. Ka do&#331; gupeto ginarukagi i wiye, ci gicibo Yecu i wiye. 36Ka en oewoto, gipeto ginarukagi i wa&#331;ayo. 37Ma do&#331; onyiko cok ki Jerucalem, i lu&#331; me got Jeituni, lwak lupwonnyene ducu cwinygi obedo yom, gupako Luba&#331;a ki dwan malo&#331;o pi tic madito ma guneno, 38#Jab 118.26 kun giwaco ni,</div><div class="q1">&#8220;Luba&#331;a omi gum i kom Kabaka ma bino i nyi&#331; Rwot!</div><div class="q1">Kuc obed i wi polo,</div><div class="q1">ki deyo obed i kabedo ma malo twal!&#8221;</div><div class="m"> 39Luparicayo mogo ma i kin lwak guwacce ni, &#8220;Lapwony, juk lupwonnyeni.&#8221; 40Yecu odok iye ni, &#8220;Atito botwu ni, ka kono jo-ni guli&#331;, godi magi kikomgi kono guda&#331;&#331;e.&#8221;</div><div class="p"> 41Ka do&#331; onyiko cok, ma oneno ga&#331;, okok pire, 42kun waco ni, &#8220;Tin-ni ka kono i&#331;eyo lok ma kelo kuc boti, kono ber! Ento koni gikano woko ki boti. 43Pien kare bibino i komi ma lukworri gibitoro lobo rumi dyere, gibidiri tu&#331;&#331;i ki tu&#331;&#331;i, 44gibireti piny, in ki litinoni; pe gibiweko gwe&#331; mo acel i ii do&#331; ma ododde i wi wadi; pien yam pe i&#331;eyo kare ma gibilimi iye.&#8221;</div><div class="s1">Yecu olonyo ot pa Luba&#331;a</div><div class="r">(Mat 21.12-17; Mar 11.15-17; Jon 2.13-22)</div><div class="p"> 45Yecu odonyo i ot pa Luba&#331;a, ocako ryemo lucat-wil woko ki iye, 46#Ic 56.7; Jer 7.11 kun waco botgi ni, &#8220;Yam gicoyo ni &#8216;Oda bibedo ot me lega&#8217;; ento wun wuloko odoko boro pa luyak.&#8221;</div><div class="p"> 47 # 
 Luka 21.37
 Yecu obedo ka pwony i ot pa Luba&#331;a nino ducu. Ajwagi madito pa Luba&#331;a ki lupwony-cik ki jo madito i kin lwak guyenyo yo me neke; 48ento pe guno&#331;o gin mo ma myero gutim i kome, pien dano ducu guketo cwinygi ka winyo lokke.</div>
 </div>
 </div>
</div>

Acholi Bible © Bible Society of Uganda, 1985.

Yecu odonyo i Jeriko kun oekato akata. Onoŋo tye kunnu dano mo ma nyiŋe Jakayo, lajogmucoro madit, dok lalonyo bene. Oparo pi neno Yecu, ento pe otwero pi lwak, pien en cek. Oriŋo anyim, oito i wi yat olam wek enen, pien Yecu onoŋo oewok ki i yo-nu. Ka Yecu oo i kabedo-nu, oneno malo, owacce ni, “Jakayo, lor piny oyotoyot; pien tin myero abed i odi.” Jakayo olor oyotoyot, ojole ki yomcwiny. Ka dano ducu guneno, ci guŋur kun giwaco ni, “En odonyo i ot ka bedo welo pa dano ma labalo.” Jakayo oa malo, owaco bot Rwot ni, “Nen, Ladit, abimiyo nucu jamina bot lucan; ka abumo ŋat mo i gin mo, abicule waŋ aŋwen.” Yecu owacce ni, “Tin lar obino i ot man, pien en bene lakwar Abraim. Pien Wod pa dano obino ka yenyo ki ka laro jo ma orwenyo.”


Ka pud giwinyo lok man, Yecu omedde ki lokke, obolo botgi carolok, pien onoŋo doŋ cok ki Jerucalem, dok pien onoŋo gitamo ni ker pa Lubaŋa binen cutcut. Pi meno owaco ni, “Yam tye wod ker mo ma oa ocito i lobo mabor ka limo twerone me loc ka doŋ odwog cen. Olwoŋo luticce apar, opoko botgi ciliŋ alip acel, owaco botgi ni, ‘Wucat ki wil nio waŋ ma an adwogo.’ Ento dano me lobone gukwere, gucwalo lukwena i kore ki lok ni, ‘Pe wamito dano man olowa.’ Ka doŋ en odwogo, ma doŋ ocamo ker, ociko ni gilwoŋ lutic ma yam emiyogi lim-mi, wek eŋe wel magoba ma gulimo i cato wilgi. Dano mukwoŋo obino i nyime, owaco ni, ‘Ladit, ciliŋ miya ma imiya-ni omedde iye ciliŋ alip acel mukene.’ Ogamo ni, ‘Ber, in latic maber! Pien yam ibedo lagen i kom jami matidi mo, ibibedo ki twero i kom gaŋi apar.’ Dano me aryone obino, owaco ni, ‘Ladit, ciliŋ miya dok omedde iye ciliŋ miya abic mukene.’ Owacce ni, ‘In bene ibibedo ki twero i kom gaŋi abic.’ Ŋat mukene dok obino, owaco mere ni, ‘Ladit, limmi en, agwoko, aboyo i kitambara, pien onoŋo alwori, pien in i dano magwa; ikwanyo gin ma pe ikano, ikayo ka ma pe icoyo.’ Owacce ni, ‘Abiŋolo kop loyi kun lubo lok ma oa ki i dogi keni, in latic marac! Yam iŋeyo ni an a dano magwa, akwanyo gin ma pe akano, akayo ka ma pe acoyo, piŋo doŋ pe ikano limma i beŋŋe, wek ka adwogo, anoŋ kun acoko limma ki magobane?’ Owaco bot jo ma gucuŋ ka ŋete ni, ‘Wugam ciliŋ miya-ni woko ki bote wumi bot won ciliŋ alip acel-li.’ Guwacce ni, ‘Ladit, en doŋ tye ki ciliŋ alip acel!’ Ci en owacci, ‘Atito botwu ni, dano ducu ma mere tye gibimedo bote gin mo; ento ŋat ma mere pe, gibikwanyo woko ki bote kadi wa gin ma tye bote. Ento lukworra magi, ma gin gukwera ni pe alogi-ni, wukelgi kany, wunekgi ki pala lucwan i nyima.’ ”


Ka Yecu otyeko loko lok man, ci owoto anyim kun cito malo i Jerucalem. Ka doŋ onyiko cok ki Betepage ki Betania, i te got ma gilwoŋo Jeituni, Yecu ocako oro jo aryo ki i kin lupwonynyene, kun cikogi ni, “Wucit i gaŋ ma tye i nyimwu. Ka ce wudonyo iye wubinoŋo latin kana ma gitweyo, ma ŋat mo peya oito i wiye; ci wugony, wukel kany. Ka ŋatti mo openyowu ni, ‘Wugonye piŋo?’ wun wubidok iye kit man ni, ‘Rwot aye mito.’ ” Kit meno jo ma giorogi gucito, ci gunoŋo kit macalo Yecu otito botgi-ni. Ka gitye ka gonyo latin kana, wegine gupenyogi ni, “Wugonyo latin kana piŋo?” Gudok iye botgi ni, “Rwot aye mito.” Gukelo latin kana bot Yecu. Ka doŋ gupeto ginarukagi i wiye, ci gicibo Yecu i wiye. Ka en oewoto, gipeto ginarukagi i waŋayo. Ma doŋ onyiko cok ki Jerucalem, i luŋ me got Jeituni, lwak lupwonnyene ducu cwinygi obedo yom, gupako Lubaŋa ki dwan maloŋo pi tic madito ma guneno, kun giwaco ni,
“Lubaŋa omi gum i kom Kabaka ma bino i nyiŋ Rwot!
Kuc obed i wi polo,
ki deyo obed i kabedo ma malo twal!”
Luparicayo mogo ma i kin lwak guwacce ni, “Lapwony, juk lupwonnyeni.” Yecu odok iye ni, “Atito botwu ni, ka kono jo-ni guliŋ, godi magi kikomgi kono gudaŋŋe.”
Ka doŋ onyiko cok, ma oneno gaŋ, okok pire, kun waco ni, “Tin-ni ka kono iŋeyo lok ma kelo kuc boti, kono ber! Ento koni gikano woko ki boti. Pien kare bibino i komi ma lukworri gibitoro lobo rumi dyere, gibidiri tuŋŋi ki tuŋŋi, gibireti piny, in ki litinoni; pe gibiweko gweŋ mo acel i ii doŋ ma ododde i wi wadi; pien yam pe iŋeyo kare ma gibilimi iye.”


Yecu odonyo i ot pa Lubaŋa, ocako ryemo lucat-wil woko ki iye, kun waco botgi ni, “Yam gicoyo ni ‘Oda bibedo ot me lega’; ento wun wuloko odoko boro pa luyak.”
Yecu obedo ka pwony i ot pa Lubaŋa nino ducu. Ajwagi madito pa Lubaŋa ki lupwony-cik ki jo madito i kin lwak guyenyo yo me neke; ento pe gunoŋo gin mo ma myero gutim i kome, pien dano ducu guketo cwinygi ka winyo lokke.

Listen to Luka 19