Tsikimba

<div class="version vid426 iso6393kdl" data-vid="426" data-iso6393="kdl">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s">Yesu suki ama amangatatsunkupa n ama a re</div><div class="p"> 1An nala u wurai, Yesu &#599;anga&#817;sai ama a amangatatsunkupa n ama a re u suku le ama a re ama a re.#10:1 Akorongi a cau a roku aza &#599;a a pura&#817;i a tagara&#817;da u Luka a korongu ta&#817; &#8220;70.&#8221; A lasa yi urawa a asu u &#599;a dem wa ciga u bana. 2U tonuko le, &#8220;Manyan ma ukapa ma&#817; ta&#817; ushani, shegai ayain a manyan yi kenu &#599;a a&#42892;a&#817;ri. Adama a nala, foloi Magono ma Zuba ma ukapa u suku ayain a manyan a kapuka yi. 3Walai, n suku &#599;a&#817; ta&#817; tyoku u mmuku ma&#817; ncon a mere ma nleweni. 4Kotsu i bidya makpaka&#817;ta ma ikebe wa, ko katsa&#817;n, ko akpata a roku wa. Kpam kotsu i shamgba idyani i bululu n uza a ure wa.</div><div class="p"> 5&#8220;Kuwa ka baci dem i uwai i gita&#817; i dana, &#8216;Ndishi n shinga n rongo a kuwa ku na ki.&#8217; 6Uza u ndishi n shinga wa&#817; baci pini a kuwa ki, wa wusha ta&#817; n &#599;a. Wa&#817; tani baci pini wa, ma gono ta&#817; ara &#599;e. 7I dusuku pini a kuwa ki, i lyai i soi icun i ilikulya i&#42892;ya baci dem a na&#817;ka&#817; &#599;a&#817;, kpaci kayain ka manyan ka gan ta&#817; ka wushi katsupi ka ne. Kotsu i rongo a usava&#599;a&#817;sa a&#42892;uwa wa.</div><div class="p"> 8&#8220;Ilyuci i&#42892;ya baci dem i uwai a wusha &#599;a&#817;, i lyai i soi i&#42892;ya a na&#817;ka&#817; &#599;a&#817;. 9I ta&#817;na&#817;sa&#817; aza a m&#595;a&#817;la&#817; a &#599;a a&#42892;a&#817;ri pini. I tonuko le, &#8216;Tsugono tsu Kashila&#817; tsa&#817; ta&#817; evu n a&#817;&#599;a&#817;.&#8217; 10Shegai ilyuci i&#42892;ya baci dem i uwai i&#42892;ya bawu a wusha &#599;a&#817;, i kyawan a ure dem n i dansi, 11&#8216;Ko kabuta&#817; ka ilyuci i &#599;e ka ka pa&#599;arai a a&#42892;ene a tsunu, tsu ka&#817;pa&#817;tsa&#817;ka&#817; &#599;a&#817; ka &#599;e. Shegai gba&#817; n nala, i reve tsugono tsu Kashila&#817; tsu yan &#599;e evu.&#8217; 12N tonuko &#599;a&#817;, kain ka nala ki, ilyuci i cingi i Sodom gba&#817;m ya yan ta&#817; shana n ilyuci i nala yi.&#8221;</div><div class="s">Ilyuci i&#42892;ya i &#42892;yuwain uwusha kadyanshi ki</div><div class="r">(Matiyu 11:20-24)</div><div class="p"> 13Yesu doki u danai, &#8220;Ter &#599;e aza a Korasinu, ter &#599;e aza a Besaida. A&#42892;a&#817;ri a da baci ukunosavu u &#599;a a yain a asuvu a &#599;e u &#599;a a yain a Taya n Sida, an a&#42892;a&#817;ri a kpatala &#599;e caupa. A rongo ta&#817; n akashi u&#42892;uki n a polusi kakomo, adama a katsuma&#817; ka lima&#817;. 14Shegai kain ka afada, Taya n Sida a ka laka ta&#817; utsa&#817;ra&#817; ajebigi kapala n a&#817;&#599;a&#817;. 15A&#817;&#599;a&#817; kpam aza a Kafarnahum &#42892;ya&#817;nga&#817;sa&#817; &#599;a a ka &#42892;ya&#817;nga&#817;sa&#817; &#599;a&#817; hal ubana a zuba? Nala wa, shegai a gonuko &#599;a&#817; hal ubana a asu u ukpa&#817; u ama a cingi.</div><div class="p"> 16&#8220;Uza &#599;a pana&#817;ka &#599;a&#817;, mpa u pana&#817;kai. Uza &#599;a kpam u &#42892;yuwan &#599;a&#817;, mpa u &#42892;yuwain. Uza &#599;a u &#42892;yuwan mu, mpa u &#42892;yuwain wa. Uza &#599;a u suku mu, aya u &#42892;yuwain.&#8221;</div><div class="p">Pini nala, aku a lazai.</div><div class="s">Ugono u ama amangatatsunkupa n ama a re</div><div class="r">(Matiyu 11:25-27; Matiyu 13:16-17)</div><div class="p"> 17Aku ama amangatatsunkupa n ama a re vi a gonoi n ipeli, a danai, &#8220;Asheku, hal ityoni i cingi dem i pana&#817;ka tsu, adama a kala ka vunu.&#8221;</div><div class="p"> 18U tonuko le, &#8220;N wene ta&#817; Kanangasi#10:18 Kanangasi; wata, &#8220;Shetan&#8221; kala ka dem ka Kala&#817;pa&#817;nsi. ka wuta&#817;i a zuba ka rukpa&#817;i tyoku u ula&#599;a. 19U &#599;a na n na&#817;ka&#817; &#599;a&#817; ucira u udeshe a&#42892;ali n ada&#595;u, kpam i lyai ucira u utokulalu vi. Ili i&#42892;a&#817; la i&#42892;ya ya ne &#599;a&#817; usa&#817;n wa. 20Gba&#817; n nala, kotsu i yain ipeli an ityoni i cingi i pana&#817;ka &#599;a&#817; wa, shegai i yain ipeli an a korongi a&#42892;ala a &#599;e a zuba.&#8221;</div><div class="p"> 21A&#42892;ayin a nala yi, Yesu yan ta&#817; ipeli cika n Kulu Keri, u danai, &#8220;N cikpa vu ta&#817;, Tata Magono ma Zuba n likimba, kpaci vu sokongu ta&#817; ukuna u na vi a asu u arevi n aza &#599;a a rotsongusi. Vu to&#599;ugboi u &#599;a a asu u aza &#599;a bawu a revei ili. Kpaci nala u yan vu, vu yain ili i shinga.</div><div class="p"> 22&#8220;Gba&#817; ili, Tata u va&#817; na&#817;ka&#817; mu i&#42892;ya &#599;e. Uza wa&#817; tani la u revei Maku mi wa, she Tata vi. Uza wa&#817; kpam la u revei Tata vi wa, she Maku mi, she kpam aza &#599;a Maku mi ma cigai u wenike.&#8221;</div><div class="p"> 23Aku u kpatalai u we&#595;elei atoni a ne u tonuko le usokongi, &#8220;Aza a una&#817; u shinga a &#599;a a&#42892;eshi a &#599;a a wenei ili i shinga i&#42892;ya i wenei. 24N tonuko &#599;a&#817;, ntsumate na&#817; ngono ushani aza &#599;a a cigai a wene ili i&#42892;ya i wenei, shegai a wene wa. A pana kpam ili i&#42892;ya i panai, shegai a pana wa.&#8221;</div><div class="s">Uza u Samariya u yain ili i shinga</div><div class="p"> 25Aku uza u te a asuvu a arevi a Mele u &#42892;ya&#817;nga&#817;i kushani wa ciga u kondo Yesu, u danai, &#8220;Kawenishiki, ndya ma yan kotsu n tsa&#817;ra&#817; uma u &#599;a bawu wa&#817;ri n utyoku?&#8221;</div><div class="p"> 26Yesu tonuko yi, &#8220;Ndya i&#42892;a&#817;ri a asuvu a Mele? Ni&#599;a vu tsu yan i&#42892;ya Ka&#817;neshi?&#8221;</div><div class="p"> 27Aku u danai, &#8220;Vu cigi Magono ma Zuba Kashila&#817; ka vunu n katakasuvu ka vunu, n uma u vunu gba&#817;. Vu cigi yi n ucira u vunu n kakiri ka vunu gba&#817;. Vu cigi kpam uza u karen u vunu tyoku &#599;a va ciga kaci ka vunu.&#8221; #U.Ml. 6:5; A&#599;kp. 19:18.</div><div class="p"> 28Yesu tonuko yi, &#8220;Vu wushuku ta&#817; mai. Yansa nala, va tsa&#817;ra&#817; ta&#817; uma.&#8221; #A&#599;kp. 18:5.</div><div class="p"> 29Shegai vuma vi an wa ciga u gonuko kaci ka ne dere, u wecei Yesu, &#8220;Ya uza u karen u va&#817;?&#8221;</div><div class="p"> 30Yesu wushunku yi n agisani, &#8220;Vuma roku u &#599;a u &#42892;ya&#817;nga&#817;i a Urishelima wa bana a Jeriko. Aku aza a maga&#817;la&#817;ka&#817; a ka&#817;ngu yi, a monduso yi aminya, a lapa yi cika. Aku a lazai a a&#817;sa&#817;ka&#817; yi a una&#817; u ukpa&#817;. 31Pini nala, ka&#599;ara&#817;kpi ka roku ka tono pini a ure u nala vi. An u wene yi, aku u katsai a ikengi u lazai ili i ne. 32Nala kpam uza u Levi u roku, an u rawai pini a asu vi u wene yi, eyi dem u katsai ikengi u lazai u a&#817;sa&#817;ka&#817; yi. 33A&#42892;a&#817;ri pini uza u Samariya u roku u wuta&#817;i nwalu u rawai pini a asu u &#599;a wa&#817;ri vi, an u wene yi, aku asuvayali a ka&#817;na&#817; yi. 34U banai pini a asu u vuma vi, u sira&#817;sa yi a asu u &#599;a u tsa&#817;ra&#817;sa&#817;i usa&#817;n vi, u tsungusu yi manivi n mini ma aguma&#817;. Aku u ta&#599;angu yi a zuba u makparyagi ma ne, u banka yi a kuwa ku amoci, u kiranai n eyi. 35An kain ka wansai, u bidyai ikebe i azurufa i re,#10:35 Kondo &#8220;Ikebe i azurufa&#8221; a kaci ka idani ka &#8220;Ikebe&#8221; a Idani i U&#595;a&#817;nga&#817;. u na&#817;ka&#817;i uza u kuwa vi. U danai, &#8216;Vu kirana n eyi, gba&#817; i&#42892;ya baci vu wunai bamu n i na yi, n gono baci ma tsupa vu ta&#817;.&#8217;</div><div class="p"> 36&#8220;A asuvu a ama a tatsu a na yi, ya vu wenei wa&#817;ri uza u karen u vuma &#599;a aza a maga&#817;la&#817;ka&#817; a lapai vi?&#8221;</div><div class="p"> 37Aku u danai, &#8220;Uza &#599;a u yanka yi ili i shinga.&#8221;</div><div class="p">Yesu tonuko yi, &#8220;Bana dem vu yansa nala.&#8221;</div><div class="s">Yesu a kuwa ku Meri n Marta</div><div class="p"> 38An Yesu n atoni a ne a&#42892;a&#817;ri a nwalu, aku a uwai a une u roku. Uka roku uza u kala Marta u cipuka&#817; yi a kuwa ku ne. 39Wa&#817; ta&#817; n utaku, uza u kala Meri uza &#599;a u dusuki a kapala ka Asheku wa pana kadyanshi ka ne. 40Shegai Marta afo&#595;i a pura&#817; yi ugboji, aku u banai ara ne u danai, &#8220;Asheku, avu wene utaku u va&#817; u a&#817;sa&#817;ka&#817; mu ma yan manyan utyoku u va&#817; wa? Tonuko yi u tuwa&#817; u &#595;a&#817;nga&#817; mu wa&#817;wa.&#8221;</div><div class="p"> 41Shegai Asheku a wushunku yi, &#8220;Marta, Marta, vu dambula ta&#817;, kpam va dambula a kaci ka ili ushani. 42Shegai ili i te i&#42892;ya a ka ciga, Meri &#599;anga&#817;sa ta&#817; ili i shinga. A ka wusa yi tani i&#42892;ya wa.&#8221;</div>
 </div>
 </div>
</div>

An nala u wurai, Yesu ɗanga̱sai ama a amangatatsunkupa n ama a re u suku le ama a re ama a re. A lasa yi urawa a asu u ɗa dem wa ciga u bana. U tonuko le, “Manyan ma ukapa ma̱ ta̱ ushani, shegai ayain a manyan yi kenu ɗa aꞌa̱ri. Adama a nala, foloi Magono ma Zuba ma ukapa u suku ayain a manyan a kapuka yi. Walai, n suku ɗa̱ ta̱ tyoku u mmuku ma̱ ncon a mere ma nleweni. Kotsu i bidya makpaka̱ta ma ikebe wa, ko katsa̱n, ko akpata a roku wa. Kpam kotsu i shamgba idyani i bululu n uza a ure wa.
“Kuwa ka baci dem i uwai i gita̱ i dana, ‘Ndishi n shinga n rongo a kuwa ku na ki.’ Uza u ndishi n shinga wa̱ baci pini a kuwa ki, wa wusha ta̱ n ɗa. Wa̱ tani baci pini wa, ma gono ta̱ ara ɗe. I dusuku pini a kuwa ki, i lyai i soi icun i ilikulya iꞌya baci dem a na̱ka̱ ɗa̱, kpaci kayain ka manyan ka gan ta̱ ka wushi katsupi ka ne. Kotsu i rongo a usavaɗa̱sa aꞌuwa wa.
“Ilyuci iꞌya baci dem i uwai a wusha ɗa̱, i lyai i soi iꞌya a na̱ka̱ ɗa̱. I ta̱na̱sa̱ aza a mɓa̱la̱ a ɗa aꞌa̱ri pini. I tonuko le, ‘Tsugono tsu Kashila̱ tsa̱ ta̱ evu n a̱ɗa̱.’ Shegai ilyuci iꞌya baci dem i uwai iꞌya bawu a wusha ɗa̱, i kyawan a ure dem n i dansi, ‘Ko kabuta̱ ka ilyuci i ɗe ka ka paɗarai a aꞌene a tsunu, tsu ka̱pa̱tsa̱ka̱ ɗa̱ ka ɗe. Shegai gba̱ n nala, i reve tsugono tsu Kashila̱ tsu yan ɗe evu.’ N tonuko ɗa̱, kain ka nala ki, ilyuci i cingi i Sodom gba̱m ya yan ta̱ shana n ilyuci i nala yi.”


Yesu doki u danai, “Ter ɗe aza a Korasinu, ter ɗe aza a Besaida. Aꞌa̱ri a da baci ukunosavu u ɗa a yain a asuvu a ɗe u ɗa a yain a Taya n Sida, an aꞌa̱ri a kpatala ɗe caupa. A rongo ta̱ n akashi uꞌuki n a polusi kakomo, adama a katsuma̱ ka lima̱. Shegai kain ka afada, Taya n Sida a ka laka ta̱ utsa̱ra̱ ajebigi kapala n a̱ɗa̱. A̱ɗa̱ kpam aza a Kafarnahum ꞌya̱nga̱sa̱ ɗa a ka ꞌya̱nga̱sa̱ ɗa̱ hal ubana a zuba? Nala wa, shegai a gonuko ɗa̱ hal ubana a asu u ukpa̱ u ama a cingi.
“Uza ɗa pana̱ka ɗa̱, mpa u pana̱kai. Uza ɗa kpam u ꞌyuwan ɗa̱, mpa u ꞌyuwain. Uza ɗa u ꞌyuwan mu, mpa u ꞌyuwain wa. Uza ɗa u suku mu, aya u ꞌyuwain.”
Pini nala, aku a lazai.


Aku ama amangatatsunkupa n ama a re vi a gonoi n ipeli, a danai, “Asheku, hal ityoni i cingi dem i pana̱ka tsu, adama a kala ka vunu.”
U tonuko le, “N wene ta̱ Kanangasi ka wuta̱i a zuba ka rukpa̱i tyoku u ulaɗa. U ɗa na n na̱ka̱ ɗa̱ ucira u udeshe aꞌali n adaɓu, kpam i lyai ucira u utokulalu vi. Ili iꞌa̱ la iꞌya ya ne ɗa̱ usa̱n wa. Gba̱ n nala, kotsu i yain ipeli an ityoni i cingi i pana̱ka ɗa̱ wa, shegai i yain ipeli an a korongi aꞌala a ɗe a zuba.”
Aꞌayin a nala yi, Yesu yan ta̱ ipeli cika n Kulu Keri, u danai, “N cikpa vu ta̱, Tata Magono ma Zuba n likimba, kpaci vu sokongu ta̱ ukuna u na vi a asu u arevi n aza ɗa a rotsongusi. Vu toɗugboi u ɗa a asu u aza ɗa bawu a revei ili. Kpaci nala u yan vu, vu yain ili i shinga.
“Gba̱ ili, Tata u va̱ na̱ka̱ mu iꞌya ɗe. Uza wa̱ tani la u revei Maku mi wa, she Tata vi. Uza wa̱ kpam la u revei Tata vi wa, she Maku mi, she kpam aza ɗa Maku mi ma cigai u wenike.”
Aku u kpatalai u weɓelei atoni a ne u tonuko le usokongi, “Aza a una̱ u shinga a ɗa aꞌeshi a ɗa a wenei ili i shinga iꞌya i wenei. N tonuko ɗa̱, ntsumate na̱ ngono ushani aza ɗa a cigai a wene ili iꞌya i wenei, shegai a wene wa. A pana kpam ili iꞌya i panai, shegai a pana wa.”

Aku uza u te a asuvu a arevi a Mele u ꞌya̱nga̱i kushani wa ciga u kondo Yesu, u danai, “Kawenishiki, ndya ma yan kotsu n tsa̱ra̱ uma u ɗa bawu wa̱ri n utyoku?”
Yesu tonuko yi, “Ndya iꞌa̱ri a asuvu a Mele? Niɗa vu tsu yan iꞌya Ka̱neshi?”
Aku u danai, “Vu cigi Magono ma Zuba Kashila̱ ka vunu n katakasuvu ka vunu, n uma u vunu gba̱. Vu cigi yi n ucira u vunu n kakiri ka vunu gba̱. Vu cigi kpam uza u karen u vunu tyoku ɗa va ciga kaci ka vunu.”
Yesu tonuko yi, “Vu wushuku ta̱ mai. Yansa nala, va tsa̱ra̱ ta̱ uma.”
Shegai vuma vi an wa ciga u gonuko kaci ka ne dere, u wecei Yesu, “Ya uza u karen u va̱?”
Yesu wushunku yi n agisani, “Vuma roku u ɗa u ꞌya̱nga̱i a Urishelima wa bana a Jeriko. Aku aza a maga̱la̱ka̱ a ka̱ngu yi, a monduso yi aminya, a lapa yi cika. Aku a lazai a a̱sa̱ka̱ yi a una̱ u ukpa̱. Pini nala, kaɗara̱kpi ka roku ka tono pini a ure u nala vi. An u wene yi, aku u katsai a ikengi u lazai ili i ne. Nala kpam uza u Levi u roku, an u rawai pini a asu vi u wene yi, eyi dem u katsai ikengi u lazai u a̱sa̱ka̱ yi. Aꞌa̱ri pini uza u Samariya u roku u wuta̱i nwalu u rawai pini a asu u ɗa wa̱ri vi, an u wene yi, aku asuvayali a ka̱na̱ yi. U banai pini a asu u vuma vi, u sira̱sa yi a asu u ɗa u tsa̱ra̱sa̱i usa̱n vi, u tsungusu yi manivi n mini ma aguma̱. Aku u taɗangu yi a zuba u makparyagi ma ne, u banka yi a kuwa ku amoci, u kiranai n eyi. An kain ka wansai, u bidyai ikebe i azurufa i re, u na̱ka̱i uza u kuwa vi. U danai, ‘Vu kirana n eyi, gba̱ iꞌya baci vu wunai bamu n i na yi, n gono baci ma tsupa vu ta̱.’
“A asuvu a ama a tatsu a na yi, ya vu wenei wa̱ri uza u karen u vuma ɗa aza a maga̱la̱ka̱ a lapai vi?”
Aku u danai, “Uza ɗa u yanka yi ili i shinga.”
Yesu tonuko yi, “Bana dem vu yansa nala.”

An Yesu n atoni a ne aꞌa̱ri a nwalu, aku a uwai a une u roku. Uka roku uza u kala Marta u cipuka̱ yi a kuwa ku ne. Wa̱ ta̱ n utaku, uza u kala Meri uza ɗa u dusuki a kapala ka Asheku wa pana kadyanshi ka ne. Shegai Marta afoɓi a pura̱ yi ugboji, aku u banai ara ne u danai, “Asheku, avu wene utaku u va̱ u a̱sa̱ka̱ mu ma yan manyan utyoku u va̱ wa? Tonuko yi u tuwa̱ u ɓa̱nga̱ mu wa̱wa.”
Shegai Asheku a wushunku yi, “Marta, Marta, vu dambula ta̱, kpam va dambula a kaci ka ili ushani. Shegai ili i te iꞌya a ka ciga, Meri ɗanga̱sa ta̱ ili i shinga. A ka wusa yi tani iꞌya wa.”

Listen to Luka 10