If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkZEC">
 <div class="chapter ch14" data-usfm="ZEC.14">
 <div class="label">14</div><div class="s">Nt&#251;&#251;ra ya Jerusalemu na m&#238;gongo &#238;ng&#238; ntuk&#251; ya &#238;gamba</div><div class="p"> 1At&#238;r&#238;, ntuk&#251; n&#238; yeengeerie g&#251;kinya &#238;r&#238;a MWATHANI agaatu&#238;ra ant&#251; &#238;gamba. R&#238;u into bir&#238;a bikeeth&#238;rwa bitai Jerusalemu bikagawa bak&#238;onaga. 2N&#238;kw&#238;th&#238;rwa &#251;&#251;ni MWATHANI nkooth&#251;rania m&#238;gongo iith&#251;k&#238;re nt&#251;&#251;ra ya Jerusalemu, batae nt&#251;&#251;ra, aka bathengeerwe kwa inya, na nusu ya ant&#251; ba nt&#251;&#251;ra bagaaikua k&#238;tham&#238;rioone, &#238;nd&#238; ant&#251; bau bang&#238; bat&#238;thaamua kuuma nt&#251;&#251;reene. 3R&#238;u MWATHANI akaumagara akarwee na m&#238;gongo &#238;&#238;u, ta &#251;r&#238;a aar&#251;jaga nabo mbereene. 4&#206;giita r&#238;u r&#238;akinya MWATHANI akaar&#251;ngama k&#238;r&#238;meene k&#238;a M&#238;zeituni bwa &#251;motho ya Jerusalemu. Nak&#238;o K&#238;r&#238;ma k&#238;u k&#238;a M&#238;zeituni g&#238;kaga&#251;kanua ja&#238;r&#238; n&#238; m&#251;guuru j&#251;mwari&#238; kuuma gaiti gw&#238;ta r&#251;g&#251;r&#251;. Tont&#251; b&#251;&#251;, r&#251;teere r&#251;mwe r&#251;kare bwa &#251;r&#238;o na r&#251;ng&#238; bwa &#251;motho. 5Naabu&#238; b&#251;kamat&#251;k&#238;&#238;ra m&#251;guuruune j&#251;u j&#251;gaan&#238;tie k&#238;r&#238;ma ja&#238;r&#238;. B&#251;kamat&#251;ka o ta &#251;r&#238;a bi&#251;j&#251;j&#251; bieenu biathith&#238;rie r&#238;r&#238;a nth&#238;g&#251;r&#251; yainain&#238;re &#238;giiteene r&#238;a Uzia m&#251;nene wa Juda. Nawe MWATHANI M&#251;rungu weenu akeeja na bar&#238;a atheru bonthe.</div><div class="p"> 6Ntuk&#251; &#238;&#238;u yakinya g&#251;t&#238;&#238;th&#238;rwa k&#251;r&#238; na mpio kana nduume. 7Nayo ntuk&#251; &#238;&#238;u g&#251;t&#238;tuka, na kinya &#251;tuk&#251; g&#251;keeth&#238;rwa k&#251;r&#238; na weer&#251;. Ntuk&#251; &#238;&#238;u nayo n&#238; MWATHANI ak&#238; wiij&#238; r&#238;r&#238;a &#238;gaakinya.</div><div class="p"> 8 # 
 Ezek 47.1; Joh 7.38; K&#251;g 22.1 Ntuk&#251; &#238;&#238;u r&#251;&#251;j&#238; r&#251;rwega r&#251;kauma Jerusalemu. Nusu ya r&#251;&#251;j&#238; r&#251;u r&#251;geeta &#238;rieene r&#238;a Chumb&#238;, na nusu ya r&#251;&#251;j&#238; r&#251;ng&#238; rw&#238;te &#238;rieene r&#238;a Mediterania. Naru r&#251;kethag&#238;rwa r&#251;r&#238; o magiita jonthe. 9R&#238;u MWATHANI akaa m&#251;nene wa nth&#238;g&#251;r&#251; yonthe. Ant&#251; bonthe bakaamenya ri&#238;twa r&#238;mwe r&#238;aawe na bathaathagie MWATHANI &#251;mwe.</div><div class="p"> 10Nth&#238;g&#251;r&#251; yonthe &#238;kaang'anan&#238;rua kuuma Geba bwa r&#251;g&#251;r&#251; mwanka Rimoni bwa &#251;motho. Nayo Jerusalemu &#238;keeth&#238;rwa y&#251;k&#238;&#238;r&#238;te nk&#251;r&#251;ki ya g&#251;nt&#251; k&#251;u, nt&#251;&#251;ra &#238;&#238;u &#238;&#238;th&#238;rwe yum&#238;te Mping&#238;roone ya Benjamini mwanka g&#251;kinya Mping&#238;roone ya M&#251;thia, ar&#238;a kwaar&#238; na k&#238;r&#238;ngo k&#238;a Hananeli mwanka g&#251;kinya k&#238;miriine k&#238;a m&#251;nene k&#238;a nzabib&#251;. 11#K&#251;g 22.3 Ant&#251; bagaat&#251;&#251;ra kiindaj&#238; Jerusalemu g&#251;t&#238; na &#251;gwati bwa k&#251;thirua.</div><div class="p"> 12Nar&#238;o &#238;kan&#251;kia r&#238;r&#238;a MWATHANI agakan&#251;kia nar&#238;o bar&#238;a bar&#251;jaga na Jerusalemu n&#238; r&#238;r&#238;; bakoora nyama cia mw&#238;r&#238; o bar&#238; mwoyo; ning&#238; meetho jaao jakoora jar&#238; nc&#251;g&#251;niine cia meetho, na nd&#251;&#251;me ciaao ciore o ir&#238; t&#251;nyueene twaao. 13&#206;giita r&#238;u MWATHANI akaabangaratania abeek&#238;re &#251;guaa mwanka ant&#251; bagar&#251;kan&#238;re booragane bongwa munt&#251; na &#251;ng&#238;. 14Ning&#238; kinya ant&#251; ba Juda bakaarw&#238;r&#238;ra Jerusalemu. &#219;tonga bwa m&#238;gongo yonthe &#238;r&#238;a &#238;bathi&#251;r&#251;k&#238;te b&#251;kooth&#251;ranua, ta thaabu, na fetha, na ngu&#251; kwa wing&#238;.</div><div class="p"> 15Ning&#238; m&#251;rimo j&#251;m&#251;th&#251;&#251;ku j&#251;kagwata mbarathi, na ny&#251;mb&#251;, na nkam&#238;&#238;ra, na ntigiri, na nyomoo ing&#238; cionthe ir&#238;a ikeeth&#238;rwa ir&#238; kamb&#238;&#238;ne ya anth&#251;.</div><div class="p"> 16 # 
 Ala 23.39-43
 Nabo bonthe bar&#238;a bagaatigara kuuma k&#238;r&#238; ant&#251; ba m&#238;gongo &#238;r&#238;a iith&#251;kag&#238;ra Jerusalemu, bageeta o mwaka o mwaka k&#251;thaathayia m&#251;nene, MWATHANI Mweneinya, na g&#251;k&#251;ng&#251;ag&#238;ra mambura ja t&#251;gaanda. 17Ning&#238; kinya m&#251;gongo j&#251;mwe nth&#238;g&#251;r&#251;&#251;ne j&#251;karega gw&#238;ta k&#251;thaathayia m&#251;nene, MWATHANI Mweneinya, ngai &#238;tiura nth&#238;g&#251;r&#251;&#251;ne. 18Nabo ant&#251; ba Misri barega gw&#238;ta g&#251;k&#251;ng&#251;&#238;ra mambura ja t&#251;gaanda, bagaakan&#251;kua na m&#238;rimo &#238;r&#238;a MWATHANI aug&#238;&#238;te agaakan&#251;kia nayo m&#238;gongo &#238;r&#238;a &#238;regaga g&#251;k&#251;ng&#251;&#238;ra. 19&#206;kan&#251;kia r&#238;u n&#238;r&#238;o Misri na m&#238;gongo &#238;ng&#238; &#238;r&#238;a &#238;t&#238;k&#251;ng&#251;ag&#238;ra mambura jau ja t&#251;gaanda bagaakan&#251;kua nar&#238;o.</div><div class="p"> 20&#206;giita r&#238;u r&#238;akinya ntuara cia mbarathi ikaand&#238;kwa at&#238;r&#238;, &#8220;&#206;ntheru n&#238;&#251;nt&#251; bwa MWATHANI.&#8221; Nacio nyong&#251; cia k&#238;&#251;r&#251; k&#238;a MWATHANI ikaa intheru o ta mpak&#251;ri ir&#238;a ir&#238; mbere ya k&#238;rit&#238;ro k&#238;a igongwana. 21Nacio nyong&#251; ir&#238;a ir&#238; Jerusalemu cionthe na ir&#238;a ir&#238; Juda ikaa intheru n&#238;&#251;nt&#251; bwa MWATHANI Mweneinya, n&#238;kenda itumag&#238;rwa n&#238; bonthe bar&#238;a beetaga k&#251;rita igongwana, bachamukia nacio nyama iu cia igongwana. Ntuk&#251; &#238;&#238;u yakinya g&#251;t&#238; m&#251;biashara &#251;gaatigwa k&#238;&#251;r&#251;&#251;ne k&#238;a MWATHANI Mweneinya.</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

Atîrî, ntukû nî yeengeerie gûkinya îrîa MWATHANI agaatuîra antû îgamba. Rîu into birîa bikeethîrwa bitai Jerusalemu bikagawa bakîonaga. Nîkwîthîrwa ûûni MWATHANI nkoothûrania mîgongo iithûkîre ntûûra ya Jerusalemu, batae ntûûra, aka bathengeerwe kwa inya, na nusu ya antû ba ntûûra bagaaikua kîthamîrioone, îndî antû bau bangî batîthaamua kuuma ntûûreene. Rîu MWATHANI akaumagara akarwee na mîgongo îîu, ta ûrîa aarûjaga nabo mbereene. Îgiita rîu rîakinya MWATHANI akaarûngama kîrîmeene kîa Mîzeituni bwa ûmotho ya Jerusalemu. Nakîo Kîrîma kîu kîa Mîzeituni gîkagaûkanua jaîrî nî mûguuru jûmwariî kuuma gaiti gwîta rûgûrû. Tontû bûû, rûteere rûmwe rûkare bwa ûrîo na rûngî bwa ûmotho. Naabuî bûkamatûkîîra mûguuruune jûu jûgaanîtie kîrîma jaîrî. Bûkamatûka o ta ûrîa biûjûjû bieenu biathithîrie rîrîa nthîgûrû yainainîre îgiiteene rîa Uzia mûnene wa Juda. Nawe MWATHANI Mûrungu weenu akeeja na barîa atheru bonthe.
Ntukû îîu yakinya gûtîîthîrwa kûrî na mpio kana nduume. Nayo ntukû îîu gûtîtuka, na kinya ûtukû gûkeethîrwa kûrî na weerû. Ntukû îîu nayo nî MWATHANI akî wiijî rîrîa îgaakinya.
Ntukû îîu rûûjî rûrwega rûkauma Jerusalemu. Nusu ya rûûjî rûu rûgeeta îrieene rîa Chumbî, na nusu ya rûûjî rûngî rwîte îrieene rîa Mediterania. Naru rûkethagîrwa rûrî o magiita jonthe. Rîu MWATHANI akaa mûnene wa nthîgûrû yonthe. Antû bonthe bakaamenya riîtwa rîmwe rîaawe na bathaathagie MWATHANI ûmwe.
Nthîgûrû yonthe îkaang'ananîrua kuuma Geba bwa rûgûrû mwanka Rimoni bwa ûmotho. Nayo Jerusalemu îkeethîrwa yûkîîrîte nkûrûki ya gûntû kûu, ntûûra îîu îîthîrwe yumîte Mpingîroone ya Benjamini mwanka gûkinya Mpingîroone ya Mûthia, arîa kwaarî na kîrîngo kîa Hananeli mwanka gûkinya kîmiriine kîa mûnene kîa nzabibû. Antû bagaatûûra kiindajî Jerusalemu gûtî na ûgwati bwa kûthirua.
Narîo îkanûkia rîrîa MWATHANI agakanûkia narîo barîa barûjaga na Jerusalemu nî rîrî; bakoora nyama cia mwîrî o barî mwoyo; ningî meetho jaao jakoora jarî ncûgûniine cia meetho, na ndûûme ciaao ciore o irî tûnyueene twaao. Îgiita rîu MWATHANI akaabangaratania abeekîre ûguaa mwanka antû bagarûkanîre booragane bongwa muntû na ûngî. Ningî kinya antû ba Juda bakaarwîrîra Jerusalemu. Ûtonga bwa mîgongo yonthe îrîa îbathiûrûkîte bûkoothûranua, ta thaabu, na fetha, na nguû kwa wingî.
Ningî mûrimo jûmûthûûku jûkagwata mbarathi, na nyûmbû, na nkamîîra, na ntigiri, na nyomoo ingî cionthe irîa ikeethîrwa irî kambîîne ya anthû.
Nabo bonthe barîa bagaatigara kuuma kîrî antû ba mîgongo îrîa iithûkagîra Jerusalemu, bageeta o mwaka o mwaka kûthaathayia mûnene, MWATHANI Mweneinya, na gûkûngûagîra mambura ja tûgaanda. Ningî kinya mûgongo jûmwe nthîgûrûûne jûkarega gwîta kûthaathayia mûnene, MWATHANI Mweneinya, ngai îtiura nthîgûrûûne. Nabo antû ba Misri barega gwîta gûkûngûîra mambura ja tûgaanda, bagaakanûkua na mîrimo îrîa MWATHANI augîîte agaakanûkia nayo mîgongo îrîa îregaga gûkûngûîra. Îkanûkia rîu nîrîo Misri na mîgongo îngî îrîa îtîkûngûagîra mambura jau ja tûgaanda bagaakanûkua narîo.
Îgiita rîu rîakinya ntuara cia mbarathi ikaandîkwa atîrî, “Întheru nîûntû bwa MWATHANI.” Nacio nyongû cia kîûrû kîa MWATHANI ikaa intheru o ta mpakûri irîa irî mbere ya kîritîro kîa igongwana. Nacio nyongû irîa irî Jerusalemu cionthe na irîa irî Juda ikaa intheru nîûntû bwa MWATHANI Mweneinya, nîkenda itumagîrwa nî bonthe barîa beetaga kûrita igongwana, bachamukia nacio nyama iu cia igongwana. Ntukû îîu yakinya gûtî mûbiashara ûgaatigwa kîûrûûne kîa MWATHANI Mweneinya.

Listen to Zek 14