Runyoro-Rutoro - 2008 BSU (NT) Drama

<div class="version vid2806 iso6393nyo" data-vid="2806" data-iso6393="nyo">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Okurangirra kwa Yohaana Omubatiza</div><div class="r">(Mar 1:1-8; Luk 3:1-18; Yoh 1:19-28)</div><div class="p"> 1Omu biro ebi, Yohaana Omubatiza akaija naarangirra omwirungu lya Buyudaaya, 2#Mat 4:17; Mar 1:15.naagamba ati: &#8220;Mwegarukemu, habwokuba obukama bw'omwiguru buli haihi.&#8221;</div><div class="q"> 3 # 
 Is 40:3. Nuwe ogu omurangi Isaaya ou yagambireho ati:</div><div class="q">&#8220;Iraka ly'ogu arukwamiira omwirungu ati:</div><div class="q">Muteekanirize MUKAMA omuhanda,</div><div class="q">mutereekereze obuhanda bwe.&#8221;</div><div class="m"> 4 # 
 2 Bakam 1:8. Yohaana ogu yajwaraga ekijwaro ky'ebyoya by'engamiya, yayeteegesaaga orukoba rw'oruhu; kandi yalyaga enzige n'obwoki bw'enjoki ez'omwirungu. 5Abantu baarugaga Yerusaalemu n'omu isaza lyona erya Buyudaaya n'omunsi eziheriire ekisaaru Yorudaani, nibaija nambere ali. 6Yababatirizaaga omu kisaaru Yorudaani nibaatura ebibi byabu.</div><div class="p"> 7 # 
 Mat 12:34; 23:33. Yohaana obu yarozire Abafalisaayo baingi n'Abasadukaayo nibaija kubatizibwa, yabagambira ati: &#8220;Inywe abaana b'enjoka! Nooha ayabahabwire kwiruka obukaya bwa Ruhanga obutagarukirra? 8Mukole ebikorwa ebirukwoleka nkooku mwegarukiremu. 9#Yoh 8:33.Muleke kwesigura muti: &#8216;Twina isenkuru itwe Abburahamu&#8217;; baitu nimbagambira nti: Amabaale ganu, Ruhanga asobora kugaihiramu Abburahamu abaijukuru. 10#Mat 7:19.Nangwa na hati endemu etairwe ha bikoro by'emiti. Omuti gwona ogutarukwana bijuma ebirungi nigwija kutemwa, gunagwe omu murro.</div><div class="p"> 11&#8220;Nyowe nimbabatiza n'amaizi habw'okwegarukamu, baitu ogu arukwija enyuma, nankiza obusobozi, kandi tinsemeriire n'okumukwatiraho enkaito ze; uwe alibabatiza na Mwoyo Ahikiriire n'omurro; 12#Ama 5:14,23.kandi akwasire orugali rwe kuhehemukya, naija kusingorra orubuga rwe, nukwo ahunike oburo omu nguli ye, kandi ebisunga abyokye omu murro ogutaraara.&#8221;</div><div class="s">Yesu naabatizibwa</div><div class="r">(Mar 1:9-11; Luk 3:21-22)</div><div class="p"> 13Nubwo Yesu yarugire Galiraaya, yagenda Yorudaani kubatizibwa Yohaana. 14Baitu Yohaana yagonza kumwangirra naagamba ati: &#8220;Nyowe ninyetaaga ombatize, kandi iwe noija hali nyowe?&#8221; 15Baitu Yesu yamugarukamu ati: &#8220;Hati iwe ikiriza tukole tuti, nukwo tuhikirize byona Ruhanga ebi arukutugondeza.&#8221; Aho Yohaana yaikiriza. 16Yesu obu yamazire kubatizibwa, ahonaaho yaruga omu maizi, iguru lyakinguka, yarora Mwoyo wa Ruhanga naamusirimukaho omu kisisani ky'eriiba, naamwijaho; 17#Kub 22:2; Zab 2:7; Is 42:1; Mat 12:18; 17:5; Mar 1:11; Luk 9:35.n'iraka lyaruga omwiguru nirigamba liti: &#8220;Ogu nuwe Mwana wange omugonzibwa ou nsiima muno.&#8221;</div>
 </div>
 </div>
</div>

Bible in Runyoro/Rutooro Interconfessional Translation © Bible Society of Uganda, 2008.

Omu biro ebi, Yohaana Omubatiza akaija naarangirra omwirungu lya Buyudaaya, naagamba ati: “Mwegarukemu, habwokuba obukama bw'omwiguru buli haihi.”
Nuwe ogu omurangi Isaaya ou yagambireho ati:
“Iraka ly'ogu arukwamiira omwirungu ati:
Muteekanirize MUKAMA omuhanda,
mutereekereze obuhanda bwe.”
Yohaana ogu yajwaraga ekijwaro ky'ebyoya by'engamiya, yayeteegesaaga orukoba rw'oruhu; kandi yalyaga enzige n'obwoki bw'enjoki ez'omwirungu. Abantu baarugaga Yerusaalemu n'omu isaza lyona erya Buyudaaya n'omunsi eziheriire ekisaaru Yorudaani, nibaija nambere ali. Yababatirizaaga omu kisaaru Yorudaani nibaatura ebibi byabu.
Yohaana obu yarozire Abafalisaayo baingi n'Abasadukaayo nibaija kubatizibwa, yabagambira ati: “Inywe abaana b'enjoka! Nooha ayabahabwire kwiruka obukaya bwa Ruhanga obutagarukirra? Mukole ebikorwa ebirukwoleka nkooku mwegarukiremu. Muleke kwesigura muti: ‘Twina isenkuru itwe Abburahamu’; baitu nimbagambira nti: Amabaale ganu, Ruhanga asobora kugaihiramu Abburahamu abaijukuru. Nangwa na hati endemu etairwe ha bikoro by'emiti. Omuti gwona ogutarukwana bijuma ebirungi nigwija kutemwa, gunagwe omu murro.
“Nyowe nimbabatiza n'amaizi habw'okwegarukamu, baitu ogu arukwija enyuma, nankiza obusobozi, kandi tinsemeriire n'okumukwatiraho enkaito ze; uwe alibabatiza na Mwoyo Ahikiriire n'omurro; kandi akwasire orugali rwe kuhehemukya, naija kusingorra orubuga rwe, nukwo ahunike oburo omu nguli ye, kandi ebisunga abyokye omu murro ogutaraara.”


Nubwo Yesu yarugire Galiraaya, yagenda Yorudaani kubatizibwa Yohaana. Baitu Yohaana yagonza kumwangirra naagamba ati: “Nyowe ninyetaaga ombatize, kandi iwe noija hali nyowe?” Baitu Yesu yamugarukamu ati: “Hati iwe ikiriza tukole tuti, nukwo tuhikirize byona Ruhanga ebi arukutugondeza.” Aho Yohaana yaikiriza. Yesu obu yamazire kubatizibwa, ahonaaho yaruga omu maizi, iguru lyakinguka, yarora Mwoyo wa Ruhanga naamusirimukaho omu kisisani ky'eriiba, naamwijaho; n'iraka lyaruga omwiguru nirigamba liti: “Ogu nuwe Mwana wange omugonzibwa ou nsiima muno.”

Listen to Mat 3