Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Bakaru Remawu Koiare Ure Boe Towuje Aino</div><div class="p"> 1Awu motokare raga mare Bakaru Remawu ure. Awu Bakaru Remawu mugure Pao Kurireu apo rugadu. Awu Bakaru Remawu Pao Kurireu nure ema. 2Bakaru Remawu mugure Pao Kurireu apo boetoji. Mare Jesus jire inagoino. 3Pao Kurireu koiare ure awu Bakaru Remawu udo boe jamedu boe towuje. Ia ukare towujeboe bokwakare moto jamedu boe parugajeje, baru tadaboe jamedu. Ure boe jamedu boe towuje rugadu. 4-5Nou Bakaru Remawu koiare ure boe edudo aino. Nou Bakaru Remawu ure nono ia jorugu pemegareu mogadure. Nou Bakaru Remawu umode boe erduwado turo pegareuji, turore jiboeji boe&#269;oji nou bakaru remawu ure nono jorugu mogadure. Mare jorugu ji karega inagoino. Nou Bakaru Remawu ure boe erduwado boe pemegareuji rugadu. Dujire inagoino. Nou Bakaru Remawu ure boe erduwado dukeje boe erduwamode turo pegareuji rugadu. Dujire inagoino. Ro pegareuge ere nono boe&#269;o mogadure. Mare boe&#269;o ji karega inagoino. Ro pegareuge erore jiboe pegare. Dujire inagoino. Mare ro pegareuge emodukare Bakaru Remawu akedudo jamedu.</div><div class="p"> 6Pao Kurireu ure tudugare imedu arego mato pagae. Nou imedu iere Jo&#227;o Batista. 7Jo&#227;o Batista aregodure tumagowo boei Jorugu Pemegareu paru tabo boe erduwawo ji emeartoruwo ji jamedu. 8Jorugu Pemegareu karegure ema. Mare aregodure tuwo boe erduwado Jorugu Pemegareuji. 9Jorugu remawu jire Jo&#227;o Batista akoino. Urugumode boe eiamedu boei. Mare jorugu karega. Jesus jire akoino.</div><div class="p"> 10Pao Kurireu koiare ure Bakaru Remawu udo moto towuje. Nou Bakaru Remawu aregodure moto ka. Jesus jire inagoino. Mare moto kejewuge erduwakare ji. 11Aregodure ture towujewu moto ka tuwobe etae, mare uwobe etaidukare ji. 12Iagere etaidure ji. Emeartorure ji. Nou meartorure jiwugere ure Pao Kurireu oredo emage. 13Ewodukare Pao Kurireu piji nono boe etore ewodu moga tujemage epiji dumogadure. Mare Pao Kurireu ure toredo emage. Emeartorure pudui dukodire ure toredo emage.</div><div class="p"> 14Bakaru Remawu ure imedudo pudumi. Rakojere pagabo. Emare meardu kurire boei rugadu. Emare ro pemegare boei jamedu. Boe jokodu jire akoino boe emeartoruwo ji rugadu. Pardure Pao Kurireu ure maku aiwu ro kurireuji. Pao Kurireu onaregedu mitodu nure ema dukodire ure turo rakareu maku nou tonaregedu ai.</div><div class="p"> 15Jo&#227;o Batista ure boe ewie ji. Akore: &#8211; Dujire ire tawie marigudu. Inagore aregodumoduie iregodaji. Kurimoduie ikori. Iwodukare raga dukeje emare rakojere baru tada marigudu.</div><div class="p"> 16Emare meardu kurire boei rugadu dukodire ro pemegare paiamedu boeji. Ukare turo pemegareu akedudo. 17Marigudu Pao Kurireu ure tumeardae maku Mois&#233;s ai Judeu doge eno bakaruwo ema. Mare maigodu aino &#269;are Jesus Cristo ure boe erduwado Pao Kurireu meardu kurire boei rugadu duji. Ure boe erduwado Pao Kurireu ro pemegareuji. Ure boe erduwado bakaru remawuji. 18Marigudu boe erdukare Pao Kurireuji. Pao Kurireu onaregedu ure mitotu je. Ure nono tuo mogadure. Mugure Pao Kurireu meki. Dukodire ure boe erduwado Pao Kurireuji rugadu.</div><div class="s">Ainore Jo&#227;o Batista Akore</div><div class="p"> 19Jerusal&#233;m ba kurireu kejewuge boe eimijerage ere ia boe etudo Jo&#227;o Batista ae. Iage Levita doge nure emage. Iage ure Judeu doge enomea maku Pao Kurireu aiwuge nure emage. Enarare Jo&#227;o Batistaji. Egore: &#8211; Ioguduba nure aki?</div><div class="p"> 20Jo&#227;o Batista mako pemegare ei. Ukare tumeardae biado epiji. Akore: &#8211; Pabagare bagaiwu umode boe ekinorudowu karegure imi.</div><div class="p"> 21Egore: &#8211; Mare ioguduba nure aki? Elias nure aki?</div><div class="p">Jo&#227;o Batista akore: &#8211; Boro. Elias karegure imi.</div><div class="p">Egore: &#8211; Pabagare bagaiwu makore Pao Kurireu bataru jiwu nure aki?</div><div class="p">Jo&#227;o Batista akore: &#8211; Boro.</div><div class="p"> 22Egore: &#8211; Dukodi &#269;ewie. Ioguduba nure aki? &#268;edaidure &#269;ewo &#269;egimijerage ewie kaboba ure aki. Emagere ere &#269;erojino &#269;erduwawo ai. Nuba akagomode &#269;ei?</div><div class="p"> 23Dukejere Jo&#227;o Batista makore Pao Kurireu bataruji ewiagai. Makore Isa&#237;as ure bu bapera kejewu Pao Kurireu bataruji ewiagai. Akore: &#8211; Kudugodure boe maereu kejewu nure imi. Ainore inagore boe ero pemegaiago Pagimijera aregoduwo boe etae.#1.23 Awu bataru padure Isa&#237;as 40.3 keje.</div><div class="p"> 24-25Jerusal&#233;m ba kurireu kejewuge boe eimijerage ere fariseu doge etudo nou Jo&#227;o Batista ae jamedu. &#268;are nou fariseu doge emagore Jo&#227;o Batistaji jamedu. Egore: &#8211; Ko&#269;are pabagare bagaiwu umode boe ekinorudowu karegure aki. Elias karegure aki. Pabagare bagaiwu makore Pao Kurireu bataru jiwu karegure aki. Kodiba are boe etao pegodo?</div><div class="p"> 26Jo&#227;o Batista akore: &#8211; Imi ire boe etao pegodo pobo tabo. Mare ia tarduwakare jiwu rakojere tagabo. 27Emare aregodumode iregodaji. Mare ipogurumode ipureduwo ji boe kurireu karegure imi dukodi.</div><div class="p"> 28Jord&#227;o po okwa abowu kejere Jo&#227;o Batista akoino nou boei ia boe eda keje. Nou boe eda iere Bet&#226;nia. Nonore Jo&#227;o Batista ure boe etao pegodo.</div><div class="s">Makudure Boe Ero Pegareu Mori &#268;ewu Pao Kurireu Aku Ovelha Reo</div><div class="p"> 29Nou barogwato Jo&#227;o Batista jordure Jesus kodure pudae duji. Akore: &#8211; Makudure boe ero pegareu mori &#269;ewu Pao Kurireu aku ovelha#1.29 Nou mariguduwu makudure Judeu doge etaiwu bakaru koiare Judeu doge ere ovelha bito tu tu je turo pegareu mori&#269;e. Mare ero pegareu mori remawu karegure nou ovelha&#269;e. Aino &#269;are Jesus aregodure bitoduwo boe ero pegareu mori&#269;e rugadu. Boe ero pegareu mori remawu nure ema rugadu. Dujire Jo&#227;o Batista akoino. reo. Emare umode boe ero pegareu barigu boe epiji.</div><div class="p">Jesus jire Jo&#227;o Batista akoino. 30Jo&#227;o Batista makore kimo. Akore: &#8211; Dujire ire tawie marigudu. Inagore ia imedu aregodumoduie iregodaji. Kurimoduie ikori. Iwodukare raga dukeje rakojere baru tada marigudu. 31Imi iorduwakare ioguduba ure ema. Mare ire boe etao pegodo pobo tabo. Nono Judeu doge erdure irore jiboeji dukeje erduwamode nou makudure boe ero pegareu mori &#269;ewu aregodumode kuri aino rugadu.</div><div class="p"> 32Jo&#227;o Batista ure boe etao pegodo mare ure boe erduwado jamedu. Akore: &#8211; Iordure Pao Kurireu Uwariji rugadu. Ure metugodo pudumi. Ure turawuje baru piji. Ure tumugudo Jesus keje. 33Dukodi aino iorduware ji. Pao Kurireu ure iwie marigudu. Akore: &#8220;Ardumode Iwariji. Umode turawuje baru piji tuwo tumugudo nou imedu kanaura keje. Nou imedu koiare umode Iwari metudo boe eiamedu boe etada.&#8221;</div><div class="p"> 34Jo&#227;o Batista mako kimore. Akore: &#8211; Iordure ji rugadu. Dukodire inagoino tai. Awu Jesus Pao Kurireu Onaregedu nure ema rugadu.</div><div class="s">Jesus Ure Jorduwadowu Boetojiwu Boe Doge Ereo</div><div class="p"> 35Nou barogwato Jo&#227;o Batista rakojere nono ia ture jorduwadowugebo. Ere pobetu je. 36Nono jordure Jesusji. Merure awaraji. Nono Jo&#227;o Batista akore: &#8211; Makudure boe ero pegareu mori &#269;ewu Pao Kurireu aku ovelha reo.</div><div class="p"> 37Nou ime pobedu doge emeardure nou Jo&#227;o Batista bataruji dukeje eture Jesus rekodaji. 38Jesus aiwore tuibagi dukeje jordure nou ime pobedu doge ekodure turegodaji duji. Unarare ei. Akore: &#8211; Kaba bagaiba taroino?</div><div class="p">Egore: &#8211; &#268;erduware jorduwareu nure aki duji. Kaiba amugure?</div><div class="p"> 39Jesus akore: &#8211; Mato itabo tarduwo.</div><div class="p">Merirekodutabore akoino ei. Nono eture Jesus apo. Erdure mugureuji. Eragojere apo nono nou meriji. 40Nouia imedu iere Andr&#233;. Sim&#227;o Pedro umana nure ema. 41&#268;a uture Jesus piji tiemaru tabo tuwie Sim&#227;o Pedro bagai. Jordure ji dukeje makore ji. Akore: &#8211; &#268;erdure umode boe ekinorudowuji. (Grego bataru tabore egore &#8220;Cristo&#8221; aino ji.) Pawobe epagare bagaiwu nure ema rugadu.</div><div class="p"> 42Nono Andr&#233; uture tuwie Sim&#227;o Pedro apo Jesus ae. Etaregodure ae dukeje Jesus aiwore Sim&#227;o Pedroji. Nono Jesus makore: &#8211; Akiere Sim&#227;o. Jo&#227;o onaregedu nure aki. Mare awu inodu otobiji akiemode Cefas.#1.42 Ewadaru tabo Cefas ure nono Pedro mogadure. Tori jire egoino.</div><div class="s">Jesus Makore Felipe Bagai, Natanael Bagai Jamedu.</div><div class="p"> 43Nou barogwato Jesus ure tumeardae tawuje tuduwo Galil&#233;ia moto ka. Nono jordure Filipiji. Makore ji. Akore: &#8211; Ako itabo.</div><div class="p"> 44Nou Filipe boture kejewu ba kurireu iere Betsaida. Nonore Andr&#233;, Pedro emugure jamedu. 45&#268;a Filipe uture imedu Natanael bagai jamedu. Jordure ji dukeje Filipe makore ji. Akore: &#8211; &#268;erdure boe epagare bagaiwuji. Dujire Mois&#233;s ure maku Judeu doge etaiwu bakaru akoino. Dujire jaoboe emagore Pao Kurireu bataru jiwuge ere bu bapera keje jamedu. Iere Jesus. Jos&#233; onaregedu nure ema. Mugure kejewu ba kurireu iere Nazar&#233;.</div><div class="p"> 46Mare Natanael akore: &#8211; Boe pemegareu aregodumodukare Nazar&#233; piji.</div><div class="p">Mare Filipe akore: &#8211; Mato itabo arduwo.</div><div class="p"> 47Jesus jordure Natanael kodure pudae duji. Dukodire &#269;are makore boei. Akore: &#8211; Judeu remawu nure ema. Marigudu ukare boe ekiripagado.</div><div class="p"> 48Natanael meardure Jesus akoinoduji. Nono akore: &#8211; Ko&#269;are arduware i na?</div><div class="p">Jesus akore: &#8211; Iorduware aragojere figo i paru akinaigodu duji. Dukejere Filipe aregodure akae. Iragojekare mare iorduware.</div><div class="p"> 49Nono Natanael akore: &#8211; Jorduwareu nure aki rugadu. Pao Kurireu Onaregedu nure aki rugadu. Israel doge eimijera kurireu nure aki rugadu.</div><div class="p"> 50Jesus makore ji pugeje. Akore: &#8211; Iorduware aragojere figo i paru duji dukodire ameartorure i. Iro biagareu reo. Iro kurimode rugadu kimo awu iro biagareu kori.</div><div class="p"> 51Nono Jesus makore nou boe dogei. Akore: &#8211; Boe jokodu jire inagoino tawiagai. Imedu Onaregedu remawu nure imi rugadu. Tardumode barure tuiado duji. Tardumode Pao Kurireu utugarege baru tadawugei etu pemegamode i rugadu.</div>
 </div>
 </div>
</div>

Awu motokare raga mare Bakaru Remawu ure. Awu Bakaru Remawu mugure Pao Kurireu apo rugadu. Awu Bakaru Remawu Pao Kurireu nure ema. Bakaru Remawu mugure Pao Kurireu apo boetoji. Mare Jesus jire inagoino. Pao Kurireu koiare ure awu Bakaru Remawu udo boe jamedu boe towuje. Ia ukare towujeboe bokwakare moto jamedu boe parugajeje, baru tadaboe jamedu. Ure boe jamedu boe towuje rugadu. Nou Bakaru Remawu koiare ure boe edudo aino. Nou Bakaru Remawu ure nono ia jorugu pemegareu mogadure. Nou Bakaru Remawu umode boe erduwado turo pegareuji, turore jiboeji boečoji nou bakaru remawu ure nono jorugu mogadure. Mare jorugu ji karega inagoino. Nou Bakaru Remawu ure boe erduwado boe pemegareuji rugadu. Dujire inagoino. Nou Bakaru Remawu ure boe erduwado dukeje boe erduwamode turo pegareuji rugadu. Dujire inagoino. Ro pegareuge ere nono boečo mogadure. Mare boečo ji karega inagoino. Ro pegareuge erore jiboe pegare. Dujire inagoino. Mare ro pegareuge emodukare Bakaru Remawu akedudo jamedu.
Pao Kurireu ure tudugare imedu arego mato pagae. Nou imedu iere João Batista. João Batista aregodure tumagowo boei Jorugu Pemegareu paru tabo boe erduwawo ji emeartoruwo ji jamedu. Jorugu Pemegareu karegure ema. Mare aregodure tuwo boe erduwado Jorugu Pemegareuji. Jorugu remawu jire João Batista akoino. Urugumode boe eiamedu boei. Mare jorugu karega. Jesus jire akoino.
Pao Kurireu koiare ure Bakaru Remawu udo moto towuje. Nou Bakaru Remawu aregodure moto ka. Jesus jire inagoino. Mare moto kejewuge erduwakare ji. Aregodure ture towujewu moto ka tuwobe etae, mare uwobe etaidukare ji. Iagere etaidure ji. Emeartorure ji. Nou meartorure jiwugere ure Pao Kurireu oredo emage. Ewodukare Pao Kurireu piji nono boe etore ewodu moga tujemage epiji dumogadure. Mare Pao Kurireu ure toredo emage. Emeartorure pudui dukodire ure toredo emage.
Bakaru Remawu ure imedudo pudumi. Rakojere pagabo. Emare meardu kurire boei rugadu. Emare ro pemegare boei jamedu. Boe jokodu jire akoino boe emeartoruwo ji rugadu. Pardure Pao Kurireu ure maku aiwu ro kurireuji. Pao Kurireu onaregedu mitodu nure ema dukodire ure turo rakareu maku nou tonaregedu ai.
João Batista ure boe ewie ji. Akore: – Dujire ire tawie marigudu. Inagore aregodumoduie iregodaji. Kurimoduie ikori. Iwodukare raga dukeje emare rakojere baru tada marigudu.
Emare meardu kurire boei rugadu dukodire ro pemegare paiamedu boeji. Ukare turo pemegareu akedudo. Marigudu Pao Kurireu ure tumeardae maku Moisés ai Judeu doge eno bakaruwo ema. Mare maigodu aino čare Jesus Cristo ure boe erduwado Pao Kurireu meardu kurire boei rugadu duji. Ure boe erduwado Pao Kurireu ro pemegareuji. Ure boe erduwado bakaru remawuji. Marigudu boe erdukare Pao Kurireuji. Pao Kurireu onaregedu ure mitotu je. Ure nono tuo mogadure. Mugure Pao Kurireu meki. Dukodire ure boe erduwado Pao Kurireuji rugadu.

Jerusalém ba kurireu kejewuge boe eimijerage ere ia boe etudo João Batista ae. Iage Levita doge nure emage. Iage ure Judeu doge enomea maku Pao Kurireu aiwuge nure emage. Enarare João Batistaji. Egore: – Ioguduba nure aki?
João Batista mako pemegare ei. Ukare tumeardae biado epiji. Akore: – Pabagare bagaiwu umode boe ekinorudowu karegure imi.
Egore: – Mare ioguduba nure aki? Elias nure aki?
João Batista akore: – Boro. Elias karegure imi.
Egore: – Pabagare bagaiwu makore Pao Kurireu bataru jiwu nure aki?
João Batista akore: – Boro.
Egore: – Dukodi čewie. Ioguduba nure aki? Čedaidure čewo čegimijerage ewie kaboba ure aki. Emagere ere čerojino čerduwawo ai. Nuba akagomode čei?
Dukejere João Batista makore Pao Kurireu bataruji ewiagai. Makore Isaías ure bu bapera kejewu Pao Kurireu bataruji ewiagai. Akore: – Kudugodure boe maereu kejewu nure imi. Ainore inagore boe ero pemegaiago Pagimijera aregoduwo boe etae.
Jerusalém ba kurireu kejewuge boe eimijerage ere fariseu doge etudo nou João Batista ae jamedu. Čare nou fariseu doge emagore João Batistaji jamedu. Egore: – Kočare pabagare bagaiwu umode boe ekinorudowu karegure aki. Elias karegure aki. Pabagare bagaiwu makore Pao Kurireu bataru jiwu karegure aki. Kodiba are boe etao pegodo?
João Batista akore: – Imi ire boe etao pegodo pobo tabo. Mare ia tarduwakare jiwu rakojere tagabo. Emare aregodumode iregodaji. Mare ipogurumode ipureduwo ji boe kurireu karegure imi dukodi.
Jordão po okwa abowu kejere João Batista akoino nou boei ia boe eda keje. Nou boe eda iere Betânia. Nonore João Batista ure boe etao pegodo.

Nou barogwato João Batista jordure Jesus kodure pudae duji. Akore: – Makudure boe ero pegareu mori čewu Pao Kurireu aku ovelha reo. Emare umode boe ero pegareu barigu boe epiji.
Jesus jire João Batista akoino. João Batista makore kimo. Akore: – Dujire ire tawie marigudu. Inagore ia imedu aregodumoduie iregodaji. Kurimoduie ikori. Iwodukare raga dukeje rakojere baru tada marigudu. Imi iorduwakare ioguduba ure ema. Mare ire boe etao pegodo pobo tabo. Nono Judeu doge erdure irore jiboeji dukeje erduwamode nou makudure boe ero pegareu mori čewu aregodumode kuri aino rugadu.
João Batista ure boe etao pegodo mare ure boe erduwado jamedu. Akore: – Iordure Pao Kurireu Uwariji rugadu. Ure metugodo pudumi. Ure turawuje baru piji. Ure tumugudo Jesus keje. Dukodi aino iorduware ji. Pao Kurireu ure iwie marigudu. Akore: “Ardumode Iwariji. Umode turawuje baru piji tuwo tumugudo nou imedu kanaura keje. Nou imedu koiare umode Iwari metudo boe eiamedu boe etada.”
João Batista mako kimore. Akore: – Iordure ji rugadu. Dukodire inagoino tai. Awu Jesus Pao Kurireu Onaregedu nure ema rugadu.

Nou barogwato João Batista rakojere nono ia ture jorduwadowugebo. Ere pobetu je. Nono jordure Jesusji. Merure awaraji. Nono João Batista akore: – Makudure boe ero pegareu mori čewu Pao Kurireu aku ovelha reo.
Nou ime pobedu doge emeardure nou João Batista bataruji dukeje eture Jesus rekodaji. Jesus aiwore tuibagi dukeje jordure nou ime pobedu doge ekodure turegodaji duji. Unarare ei. Akore: – Kaba bagaiba taroino?
Egore: – Čerduware jorduwareu nure aki duji. Kaiba amugure?
Jesus akore: – Mato itabo tarduwo.
Merirekodutabore akoino ei. Nono eture Jesus apo. Erdure mugureuji. Eragojere apo nono nou meriji. Nouia imedu iere André. Simão Pedro umana nure ema. Ča uture Jesus piji tiemaru tabo tuwie Simão Pedro bagai. Jordure ji dukeje makore ji. Akore: – Čerdure umode boe ekinorudowuji. (Grego bataru tabore egore “Cristo” aino ji.) Pawobe epagare bagaiwu nure ema rugadu.
Nono André uture tuwie Simão Pedro apo Jesus ae. Etaregodure ae dukeje Jesus aiwore Simão Pedroji. Nono Jesus makore: – Akiere Simão. João onaregedu nure aki. Mare awu inodu otobiji akiemode Cefas.

Nou barogwato Jesus ure tumeardae tawuje tuduwo Galiléia moto ka. Nono jordure Filipiji. Makore ji. Akore: – Ako itabo.
Nou Filipe boture kejewu ba kurireu iere Betsaida. Nonore André, Pedro emugure jamedu. Ča Filipe uture imedu Natanael bagai jamedu. Jordure ji dukeje Filipe makore ji. Akore: – Čerdure boe epagare bagaiwuji. Dujire Moisés ure maku Judeu doge etaiwu bakaru akoino. Dujire jaoboe emagore Pao Kurireu bataru jiwuge ere bu bapera keje jamedu. Iere Jesus. José onaregedu nure ema. Mugure kejewu ba kurireu iere Nazaré.
Mare Natanael akore: – Boe pemegareu aregodumodukare Nazaré piji.
Mare Filipe akore: – Mato itabo arduwo.
Jesus jordure Natanael kodure pudae duji. Dukodire čare makore boei. Akore: – Judeu remawu nure ema. Marigudu ukare boe ekiripagado.
Natanael meardure Jesus akoinoduji. Nono akore: – Kočare arduware i na?
Jesus akore: – Iorduware aragojere figo i paru akinaigodu duji. Dukejere Filipe aregodure akae. Iragojekare mare iorduware.
Nono Natanael akore: – Jorduwareu nure aki rugadu. Pao Kurireu Onaregedu nure aki rugadu. Israel doge eimijera kurireu nure aki rugadu.
Jesus makore ji pugeje. Akore: – Iorduware aragojere figo i paru duji dukodire ameartorure i. Iro biagareu reo. Iro kurimode rugadu kimo awu iro biagareu kori.
Nono Jesus makore nou boe dogei. Akore: – Boe jokodu jire inagoino tawiagai. Imedu Onaregedu remawu nure imi rugadu. Tardumode barure tuiado duji. Tardumode Pao Kurireu utugarege baru tadawugei etu pemegamode i rugadu.

Listen to João 1