<div class="version vid1918 iso6393syl" data-vid="1918" data-iso6393="syl">
 <div class="book bk1PE">
 <div class="chapter ch1" data-usfm="1PE.1">
 <div class="label">1</div><div class="p"> 1Allar fosond &#7731;ora zoto bonda o&#7731;ol Fonto, Galatia, Kappadokia, Asiya ar Bitunia desho sitria bin-deshi hishabe boshot &#7731;orra, tarar gese ami al-Mosir sahabi Fitore ou sohifa&#7731;an le&#7731;ram. 2Gaibi baf Allae tan munshae tumrare fosond &#7731;orsoin ar Pak Ruhe fobitro &#7731;orsoin. Er uddesho oilo, tumra zate Isa al-Mosir baiddo o ar tan lou si&#7789;aia tumrare fak-saf &#7731;ora oy.</div><div class="p">Allae tumrare besh &#7731;ori rohomot ar shanti dan &#7731;oroukka.</div><div class="s">Imandar o&#7731;lor nazator asha</div><div class="p"> 3Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda &#7731;oria, tan moha doyae amrare noya zonom dan &#7731;orsoin, ete amra e&#7731; zinda asha faisi. 4Mani amra ola e&#7731; donor asha faisi, ze don kunudin nos&#7789;o oito nae, hara zibon noya ta&#7731;bo, ermaze &#7731;araf kunta ta&#7731;to nae. Nazator i don tumrar lagi behesto ra&#7731;a oise. 5Tumra furafur nazat na faoa forzonto, Allai shoktie imanor mazdi tumrare hefazote ra&#7731;a oise. Ou nazat &#7789;ik kora oise, a&#7731;erator shomoy zair oar lagi. 6Zudio &#7731;oy dinor lagi nanan zat forikkar mazdi tumra o&#7731;on duk-kosh&#7789;o &#7731;orrae, ta-o ou nazator ashae to tumrar mon kushie bora. 7Ou forikka o&#7731;ol soler, tumra zen imane &#7731;a&#7789;i o&#7731;an forman &#7731;orar lagi. Ar Isa al-Mosir zair oar shomoy, tumra zanu tarif, gourob ar shomman fao. Ze shuna koy oizae, ou shunare-o agunit fu&#7771;ia zasai kora oy. Ar tumrar imanor dam to ou shunar saite-o bout beshi, erlagi ou forikka soler. 8Zudio al-Mosire tumra de&#7731;so na, tebou tumra tanre mohobbot &#7731;orrae. Ar o&#7731;ono tanre souke na de&#7731;le-o, kushi oia tanre ekin &#7731;orrae, i kushi to bashae &#7731;oa zae na, ita &#7731;ali behesti kushi. 9&#7730;aron tumrar imanor a&#7731;eri fol fairae, ik&#7789;a oilo tumrar zanor furafur nazat.</div><div class="p"> 10Ze dua tumrar faoar &#7731;ota, i befare bout age nobi o&#7731;ole bataisoin. Tara ou nazator befar zanar lagi bout kuz-&#7731;obor &#7731;orsoin. 11Tarar dilo al-Mosir ruhe age-u shakki dia &#7731;oisoin, tanre &#7731;osh&#7789;o &#7731;orte oibo ar bade tain mohima faiba. Nobi o&#7731;ole zanta saisla, al-Mosir ou ruhe kun shomoykur ar kun halotor &#7731;ota tarare zanaira. 12Oile Allae tarare de&#7731;aia disoin, tara zeta bataira ita dia tarar nizor kezmot na &#7731;oria, tumrar kezmot &#7731;orra. Asman taki fa&#7789;ail Pak Ruhu dia, zera tumrar gese al-Mosir befare kush-&#7731;obri toblig korsoin, tara tumrare nobi o&#7731;lor &#7731;ota-u zanaisoin. Firista o&#7731;ole-o ita befar zanar lagi kiali.</div><div class="s">Fak-fobitro oar daot</div><div class="p"> 13Erlagi tumrar monre hozag koro ar nizore shamlaia ra&#7731;o. Al-Mosi zair oar bade ze rohomot tumra faibae, ou rohomoti nazat faoar lagi furafur asha loia tumra bar sao. 14Tumrar agor obuz halotor &#7731;araf &#7731;am-&#7731;az mafik zindegi ka&#7789;aio na, borong Allar hukum manra aolad hishabe din &#7731;a&#7789;ao. 15Zein tumrare daot disoin, tain zela fobitro, tumra-o oula ho&#7731;ol sola-firat fobitro o. 16Pak Kitabo Allae &#7731;oisoin, &#8220;Ami fobitro, erlagi tumra-o fobitro o.&#8221;</div><div class="p"> 17Allae forte&#7731; manshor amol-nama dekia bisar &#7731;oroin, &#7731;eur mukor bae saia bisar &#7731;oroin na. Erlagi tanre zudi tumra gaibi baf &#7693;a&#7731;o, te zotodin tumra ou duniat musafir halote ta&#7731;bae, otodin tumra tanre &#7693;oraia zindegi ka&#7789;ao. 18Tumra zano, tumrar baf-dada taki faoa be&#7731;ama sal-cholonor fot taki, koy oar zuka shuna-rufar la&#7731;an kunuta dia tumrare azad &#7731;ora oise na. 19Borong tumrare azad &#7731;ora oise, al-Mosir moha dami lou dia, nikut-niskolonko me&#7771;a-baichchar lou dia. 20Dunia foyda oar age-u Allae tanre &#7789;ik kori ra&#7731;soin, oile ou hesh-mesh shomoy tain tumrar lagi-u zair oisoin. 21Allae enre mora taki zinda &#7731;ori tulia mohima dan &#7731;orsoin ar tan mazdi tumra Allar ufre iman ancho. Erlagi-u tumrar iman ar asha Allar ufre-u ase.</div><div class="p"> 22O&#7731;on hok-halali mania, tumrar dilre fak-saf &#7731;orso ar imandar bai o&#7731;ol zebla tumrar gese mayar manush oisoin, te ami koiram, tumra e&#7731;e-oinnore dile-zane maya &#7731;oro. 23Ze bis nos&#7789;o oizae, tumrar zonom to ila bisor nae. Borong zeta nos&#7789;o oy na, ota taki-u tumrar noya zonom oise. Ou bis oilo Allar siro&#7731;alin zinda kalam. 24Allar kalamo le&#7731;a ase,</div><div class="b"></div><div class="q1">Ho&#7731;ol manush-u gashor la&#7731;an,</div><div class="q2">gash fulor la&#7731;an tara shundor;</div><div class="q1">gash hukai zae, ful-o zori zae,</div><div class="q2"> 25&#7731;ali Allar kalam roy siro&#7731;al.</div><div class="b"></div><div class="m">Ar ou kalam-u oilo kush-&#7731;obri, zeta tumrar gese toblig kora oise.</div>
 </div>
 </div>
</div>

Allar fosond ḳora zoto bonda oḳol Fonto, Galatia, Kappadokia, Asiya ar Bitunia desho sitria bin-deshi hishabe boshot ḳorra, tarar gese ami al-Mosir sahabi Fitore ou sohifaḳan leḳram. Gaibi baf Allae tan munshae tumrare fosond ḳorsoin ar Pak Ruhe fobitro ḳorsoin. Er uddesho oilo, tumra zate Isa al-Mosir baiddo o ar tan lou siṭaia tumrare fak-saf ḳora oy.
Allae tumrare besh ḳori rohomot ar shanti dan ḳoroukka.

Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi. Mani amra ola eḳ donor asha faisi, ze don kunudin nosṭo oito nae, hara zibon noya taḳbo, ermaze ḳaraf kunta taḳto nae. Nazator i don tumrar lagi behesto raḳa oise. Tumra furafur nazat na faoa forzonto, Allai shoktie imanor mazdi tumrare hefazote raḳa oise. Ou nazat ṭik kora oise, aḳerator shomoy zair oar lagi. Zudio ḳoy dinor lagi nanan zat forikkar mazdi tumra oḳon duk-koshṭo ḳorrae, ta-o ou nazator ashae to tumrar mon kushie bora. Ou forikka oḳol soler, tumra zen imane ḳaṭi oḳan forman ḳorar lagi. Ar Isa al-Mosir zair oar shomoy, tumra zanu tarif, gourob ar shomman fao. Ze shuna koy oizae, ou shunare-o agunit fuṛia zasai kora oy. Ar tumrar imanor dam to ou shunar saite-o bout beshi, erlagi ou forikka soler. Zudio al-Mosire tumra deḳso na, tebou tumra tanre mohobbot ḳorrae. Ar oḳono tanre souke na deḳle-o, kushi oia tanre ekin ḳorrae, i kushi to bashae ḳoa zae na, ita ḳali behesti kushi. Ḳaron tumrar imanor aḳeri fol fairae, ikṭa oilo tumrar zanor furafur nazat.
Ze dua tumrar faoar ḳota, i befare bout age nobi oḳole bataisoin. Tara ou nazator befar zanar lagi bout kuz-ḳobor ḳorsoin. Tarar dilo al-Mosir ruhe age-u shakki dia ḳoisoin, tanre ḳoshṭo ḳorte oibo ar bade tain mohima faiba. Nobi oḳole zanta saisla, al-Mosir ou ruhe kun shomoykur ar kun halotor ḳota tarare zanaira. Oile Allae tarare deḳaia disoin, tara zeta bataira ita dia tarar nizor kezmot na ḳoria, tumrar kezmot ḳorra. Asman taki faṭail Pak Ruhu dia, zera tumrar gese al-Mosir befare kush-ḳobri toblig korsoin, tara tumrare nobi oḳlor ḳota-u zanaisoin. Firista oḳole-o ita befar zanar lagi kiali.

Erlagi tumrar monre hozag koro ar nizore shamlaia raḳo. Al-Mosi zair oar bade ze rohomot tumra faibae, ou rohomoti nazat faoar lagi furafur asha loia tumra bar sao. Tumrar agor obuz halotor ḳaraf ḳam-ḳaz mafik zindegi kaṭaio na, borong Allar hukum manra aolad hishabe din ḳaṭao. Zein tumrare daot disoin, tain zela fobitro, tumra-o oula hoḳol sola-firat fobitro o. Pak Kitabo Allae ḳoisoin, “Ami fobitro, erlagi tumra-o fobitro o.”
Allae forteḳ manshor amol-nama dekia bisar ḳoroin, ḳeur mukor bae saia bisar ḳoroin na. Erlagi tanre zudi tumra gaibi baf ḍaḳo, te zotodin tumra ou duniat musafir halote taḳbae, otodin tumra tanre ḍoraia zindegi kaṭao. Tumra zano, tumrar baf-dada taki faoa beḳama sal-cholonor fot taki, koy oar zuka shuna-rufar laḳan kunuta dia tumrare azad ḳora oise na. Borong tumrare azad ḳora oise, al-Mosir moha dami lou dia, nikut-niskolonko meṛa-baichchar lou dia. Dunia foyda oar age-u Allae tanre ṭik kori raḳsoin, oile ou hesh-mesh shomoy tain tumrar lagi-u zair oisoin. Allae enre mora taki zinda ḳori tulia mohima dan ḳorsoin ar tan mazdi tumra Allar ufre iman ancho. Erlagi-u tumrar iman ar asha Allar ufre-u ase.
Oḳon hok-halali mania, tumrar dilre fak-saf ḳorso ar imandar bai oḳol zebla tumrar gese mayar manush oisoin, te ami koiram, tumra eḳe-oinnore dile-zane maya ḳoro. Ze bis nosṭo oizae, tumrar zonom to ila bisor nae. Borong zeta nosṭo oy na, ota taki-u tumrar noya zonom oise. Ou bis oilo Allar siroḳalin zinda kalam. Allar kalamo leḳa ase,

Hoḳol manush-u gashor laḳan,
gash fulor laḳan tara shundor;
gash hukai zae, ful-o zori zae,
ḳali Allar kalam roy siroḳal.

Ar ou kalam-u oilo kush-ḳobri, zeta tumrar gese toblig kora oise.

Listen to Injil 21: 1-Fitor 1