Iban - Today's Iban Version (NT)

<div class="version vid171 iso6393iba" data-vid="171" data-iso6393="iba">
 <div class="book bk1JN">
 <div class="chapter ch5" data-usfm="1JN.5">
 <div class="label">5</div><div class="s">Pengarap Ngalahka Dunya</div><div class="p"> 1 Barang sapa arapka Jesus nya Kristus, sigi anak Allah Taala, lalu barang sapa rinduka apai, rindu mega ke anak. 2Baka tu ku jalai kitai nemu diri rinduka bala anak Allah Taala, lebuh kitai rinduka Allah Taala lalu ngasika pesan Iya. 3 Laban reti rinduka Allah Taala nya kitai ngasika pesan Iya. Lalu pesan Iya ukai utai ti mar dititihka kitai. 4 Laban barang sapa diadaka Allah Taala, ngalahka dunya. Lalu kitai ngalahka dunya ngena pengarap kitai. 5Sapa ulih ngalahka dunya kelimpah ari orang ke arapka Jesus nya Anak Allah Taala?</div><div class="s">Saksi Pasal Jesus Kristus</div><div class="p"> 6 Jesus Kristus datai ngagai dunya ngena ai enggau darah, ukai semina ngena ai aja tang ngena ai enggau darah. Lalu Roh Kudus Empu ke besaksika nya, laban Roh Kudus nya pemendar. 7Nya alai tiga bengkah utai ti besaksi: 8Roh Kudus, ai, enggau darah, lalu sida tiga nya besetuju enggau pangan diri. 9 Enti kitai teterimaka saksi mensia, saksi Allah Taala lebih besai agi ari nya, laban tu saksi ti diberi Allah Taala pasal Anak Iya. 10 Orang ke arapka Anak Allah Taala bisi saksi nya dalam ati sida. Barang sapa enda arapka Allah Taala, udah ngumbai Allah Taala bula, laban iya enda arapka saksi Allah Taala pasal Anak Iya. 11 Tu meh saksi nya: Allah Taala meri kitai pengidup ti meruan belama iya, lalu pengidup nya dalam Anak Iya. 12 Barang sapa bisi Anak Allah Taala, bisi pengidup. Barang sapa nadai Anak Allah Taala, nadai pengidup.</div><div class="s">Pengidup Ti Meruan Belama-iya</div><div class="p"> 13 Aku nuliska tu ngagai kita ke arapka nama Anak Allah Taala, ngambika kita nemu diri bisi pengidup ti meruan belama iya. 14 Baka tu ku pemerani kitai di mua Allah Taala, iya nya enti kitai minta sebarang utai nitihka peneka Iya, Iya ninga kitai. 15Lalu enti kitai nemu Iya ningaka kitai genap kali kitai minta sebarang utai ari Iya, kitai nemu diri udah bulih utai ti dipinta kitai ari Iya.</div><div class="p"> 16Enti kita meda menyadi kita bedosa, tang dosa nya enda ngujung ngagai pemati, kita patut besampi ngagai Allah Taala, lalu Allah Taala deka meri pengidup ngagai iya, enti dosa nya enda ngujung ngagai pemati. Bisi siti dosa ti ngujung ngagai pemati; aku ukai madahka kita patut besampika nya. 17Semua penyalah endang dosa magang, tang bisi dosa ti enda ngujung ngagai pemati.</div><div class="p"> 18 Kitai nemu, orang ke diadaka Allah Taala, enda agi bedosa tang dijaga Anak Allah Taala, lalu Sitan enda ulih negu iya.</div><div class="p"> 19Kitai nemu diri anak Allah Taala, lalu kitai mega nemu semua dunya di baruh kuasa Sitan.</div><div class="p"> 20 Lalu kitai nemu Anak Allah Taala udah datai lalu udah meri kitai penemu, ngambika kitai nemu Allah Taala ti bendar. Lalu kitai meruan dalam Allah Taala ti bendar, dalam Anak Iya Jesus Kristus. Iya nya meh Allah Taala ti bendar, enggau pengidup ti meruan belama iya.</div><div class="p"> 21Anak, kejangka diri jauh ari engkeramba! </div>
 </div>
 </div>
</div>

Barang sapa arapka Jesus nya Kristus, sigi anak Allah Taala, lalu barang sapa rinduka apai, rindu mega ke anak. Baka tu ku jalai kitai nemu diri rinduka bala anak Allah Taala, lebuh kitai rinduka Allah Taala lalu ngasika pesan Iya. Laban reti rinduka Allah Taala nya kitai ngasika pesan Iya. Lalu pesan Iya ukai utai ti mar dititihka kitai. Laban barang sapa diadaka Allah Taala, ngalahka dunya. Lalu kitai ngalahka dunya ngena pengarap kitai. Sapa ulih ngalahka dunya kelimpah ari orang ke arapka Jesus nya Anak Allah Taala?

Jesus Kristus datai ngagai dunya ngena ai enggau darah, ukai semina ngena ai aja tang ngena ai enggau darah. Lalu Roh Kudus Empu ke besaksika nya, laban Roh Kudus nya pemendar. Nya alai tiga bengkah utai ti besaksi: Roh Kudus, ai, enggau darah, lalu sida tiga nya besetuju enggau pangan diri. Enti kitai teterimaka saksi mensia, saksi Allah Taala lebih besai agi ari nya, laban tu saksi ti diberi Allah Taala pasal Anak Iya. Orang ke arapka Anak Allah Taala bisi saksi nya dalam ati sida. Barang sapa enda arapka Allah Taala, udah ngumbai Allah Taala bula, laban iya enda arapka saksi Allah Taala pasal Anak Iya. Tu meh saksi nya: Allah Taala meri kitai pengidup ti meruan belama iya, lalu pengidup nya dalam Anak Iya. Barang sapa bisi Anak Allah Taala, bisi pengidup. Barang sapa nadai Anak Allah Taala, nadai pengidup.

Aku nuliska tu ngagai kita ke arapka nama Anak Allah Taala, ngambika kita nemu diri bisi pengidup ti meruan belama iya. Baka tu ku pemerani kitai di mua Allah Taala, iya nya enti kitai minta sebarang utai nitihka peneka Iya, Iya ninga kitai. Lalu enti kitai nemu Iya ningaka kitai genap kali kitai minta sebarang utai ari Iya, kitai nemu diri udah bulih utai ti dipinta kitai ari Iya.
Enti kita meda menyadi kita bedosa, tang dosa nya enda ngujung ngagai pemati, kita patut besampi ngagai Allah Taala, lalu Allah Taala deka meri pengidup ngagai iya, enti dosa nya enda ngujung ngagai pemati. Bisi siti dosa ti ngujung ngagai pemati; aku ukai madahka kita patut besampika nya. Semua penyalah endang dosa magang, tang bisi dosa ti enda ngujung ngagai pemati.
Kitai nemu, orang ke diadaka Allah Taala, enda agi bedosa tang dijaga Anak Allah Taala, lalu Sitan enda ulih negu iya.
Kitai nemu diri anak Allah Taala, lalu kitai mega nemu semua dunya di baruh kuasa Sitan.
Lalu kitai nemu Anak Allah Taala udah datai lalu udah meri kitai penemu, ngambika kitai nemu Allah Taala ti bendar. Lalu kitai meruan dalam Allah Taala ti bendar, dalam Anak Iya Jesus Kristus. Iya nya meh Allah Taala ti bendar, enggau pengidup ti meruan belama iya.
Anak, kejangka diri jauh ari engkeramba!

Listen to 1 John 5