 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢩَنْدٜ سِوْتٛرْدٜ ڢٜىٰرٜ، عِيسَى يٜحِ سَارٜ غٛوتٛ ندٜرْ مَوْࢡٜ ڢَرِسَعٜنْ، نغَمْ عٛࢩَامَ تٛنْ؞ وٛنْࢡٜ تٛنْ عَيْنِمٛ؞ ندَا غٛطّٛ مٛ ࢡَنْدُ مُمْ عُݠِّ دَلِيلَ ࢩَوُ طٛنْ ندَرِ يٜىٰسٛ مَاکٛ؞ عِيسَى ࢨَمِ مٛودِࢡّٜ تَوْرٜىٰتَ عٜ ڢَرِسَعٜنْ، وِعِ‏: «طُمْ دُنغَاطُمْ يَمْطِتِنْغٛ ࢩَنْدٜ سِوْتٛرْدٜ نَ؟» ࢡٜنجٜىٰطِ؞ ندٜنْ عِيسَى جٛغِ ࢩَوْطٛ غٛ، يَمْطِتِنِمٛ، عَشِّمٛ عٛدِلَّ؞ ندٜنْ عٛوِعِ ࢡٜ‏: «مٛيْ شَکَ مٛوطٛنْ، تٛ ࢡِنغٜلْ مُمْ مَلَّ نغَارِ مُمْ يٛلَّکٜ ندٜرْ ࢡُلْندُ، وُرْتِنْتَا طُمْ لَوْ کٛو تٛ ࢩَنْدٜ سِوْتٛرْدٜ نَ؟» ࢡٜمبَاوَايْ جَابَاغٛ مٛ کٛو طُمٜ دٛوْ مَاجُمْ؞

عِيسَى يِعِ نٛ عٜوْنَاࢡٜ شُࢡْرِ جٛولٜ تٜدُّطٜ، عٛوٛلْوَنِ ࢡٜ، عٛوِعِ‏: «تٛ غٛطّٛ عٜوْنَکٜ مَ حَا ࢩَامْدُوجِ ࢡَنغَلْ، تَا جٛوطٛيَ حَا بَبَلْ تٜدُّنغَلْ؞ تٜىٰمَ وٛودِ شَکَ عٜوْنَاࢡٜ مٛ ࢡُرِ مَ دَرَجَ؞ تَا مٛ عٜوْنِ عٛنْ طِطٛ ڢُو وَرَ وِعٜ‏: عَشَّنْ عٛو طٛ بَبَلْ نغَعَلْ؞ عَسٜمْتَنْ جٛوطٛيَاغٛ حَا بَبَلْ ࢡَاوٛوَلْ؞ عَمَّا تٛ عَعٜوْنَامَ، يَحْ جٛوطَ حَا بَبَلْ ࢡَاوٛوَلْ، حَا تٛ عٜوْنِيطٛ مَ وَرِ، وِعِ مَ‏: سٛوبَاجٛ عَمْ، وَرْ حَا جٛوندٜ ࢡُرْندٜ وٛوطُغٛ ندٜعٜ؞ طُمْ لَاتَنْتٜ تٜدُّنغَلْ يٜىٰسٛ ࢡٜ عَ ࢩَامْدَتَ ڢُو؞ نغَمْ مٛ مَوْنِنِ حٛورٜ مُمْ، عٛ لٜىٰسْتِنْتٜىٰطٛ، مٛ لٜىٰسْتِنِ حٛورٜ مُمْ بٛو، عٛ ࢡَنغْتٜتٜىٰطٛ؞»
ندٜنْ عٛوٛلْوَنِ بٛو عٜوْنِيطٛ مٛ غٛ‏: «تٛ عَوَطَنِ يِمْࢡٜ ࢩَامْدُوجِ کٛو ندٜيْ، تَا عٜوْنَ سٛوبِرَاࢡٜ مَ مَلَّ دٜىٰرْطِرَاࢡٜ مَ مَلَّ بَنْدِرَاࢡٜ مَ، کٛو حٜىٰدِّطِّرَاࢡٜ مَ رِسْکُࢡٜ، نغَمْ تَا ࢡٜعٜوْنٜ کَمْࢡٜ بٛو، ࢡٜمبَرْجٛ مَ؞ عَمَّا تٛ عَوَطِ ࢩَامْدُ جُولْدٜ، عٜوْنَ تَلَکَعٜنْ عٜ جِيجِيࢡٜ عٜ وٛوسْࢡٜ عٜ وُمْࢡٜ؞ عَحٜࢡَنْ بَرْکَ نغَمْ ࢡٜمبَاوَتَا وَرْجَاغٛ مَ؞ اَللَّه وَرْجٛتٛ مَ طُمْ ࢩَنْدٜ عُمِّتِنٜىٰکِ عَدِلِعٜنْ؞»


ندٜ غٛوتٛ شَکَ ࢩَامْدَنْࢡٜ بٜى عِيسَى نَنِ بٛلّٜ طٜعٜ، عٛوِعِ‏: «بَرْکَ لَاتَنْتٛ ࢩَامَنْطٛ ࢩَامْدُ مُمْ ندٜرْ لَامُ اَللَّه؞» عِيسَى جَابِمٛ‏: «غٛطّٛ ڢٜىٰرٜ وَطِ ࢩَامْدُ طُوطْندُ، عٛعٜوْنِ يِمْࢡٜ طُوطْࢡٜ؞ وَکَّتِ ࢩَامُغٛ، عٛنٜلِ سُکَ مَاکٛ عٛوِعَ عٜوْنَاࢡٜ‏: نغَرٜ، نغَمْ کٛو طُمٜ ڢُو تَاسْکَکٜ؞ ࢡٜ ڢُو مَࢡّٜ ࢡٜݠُطِّ يٜلْدِتَاغٛ؞ عَرَنٛ وِعِ سُکَ غٛ‏: مِسٛودِ نغٜسَ، سٜيْ مِيَحَ مِلَارَ کَ، مِتٛرِ مَ، يَاڢَمْ؞ غٛطّٛ بٛو وِعِ‏: مِسٛودِ غَعِ سَݠّٛ شِنْدَاطِ طِطِ طِطِ، مِيِطِ لَارْندَاغٛ طِ، مِتٛرِ مَ، يَاڢَمْ؞ غٛطّٛ ڢٜىٰرٜ بٛو وِعِ‏: مِࢡَنغِ نٜىٰࢡَايْ، نغَمْ مَاجُمْ مِحٜࢡَتَا وَرْغٛ؞ سُکَ لٛرْتِ حَا جَاغٛرْطٛ مُوطُمْ، يٜشِّمٛ طُمْ ڢُو؞ ندٜنْ جَوْمُ سَارٜ ࢡٜرْنِ، وِعِ سُکَ مُوطُمْ‏: يَحْ لَوْ حَا دَلْدٜ وُرٛ عٜ حَا لَابِ، عٜوْنَ تَلَکَعٜنْ عٜ جِيجِيࢡٜ عٜ وُمْࢡٜ عٜ وٛوسْࢡٜ؞ سُکَ يٜحِ، وَرْتِ، وِعِ‏: جَاغٛرْطٛ، کٛ عَعُمْرِ وَطَامَ، عَمَّا بَبَلْ طٛنْ لُتِّ ڢَحِنْ؞ جَاغٛرْطٛ وِعِ سُکَ غٛ‏: يَحْ حَا بُووِ عٜ لَابِ کٛمْبِ غٜسٜ، دٛولُ يِمْࢡٜ ࢡٜ عَ ڢٛتَّتَ بٜى مُوطُمْعٜنْ ڢُو ࢡٜنَسْتَ، نغَمْ حَا سَارٜ عَمْ حٜىٰوَ؞ مِطٛنْ وِعَ عٛنْ‏: کٛو غٛوتٛ حَا عَارْتُࢡٜ عٜوْنٜىٰغٛ مٜتَّتَا ࢩَامْدُ عَمْ‏!»


مٛوࢡٜ طُوطّٜ ندِلِّدِ بٜى عِيسَى؞ عٛيٜىٰسِتِ، عٛوِعِ ࢡٜ‏: «تٛ غٛطّٛ وَرِ حَا عَمْ عٜ عٛࢡُرَايْ يِطُغٛ يَمْ دٛوْ بَابَ مَاکٛ عٜ دَادَ مَاکٛ عٜ دٜبّٛ مَاکٛ عٜ ࢡِکّٛيْ مَاکٛ عٜ دٜىٰرْطِرَاࢡٜ مَاکٛ وٛرْࢡٜ عٜ رٜوْࢡٜ، کٛو يٛنغْکِ مَاکٛ بٛو، عٛوَاوَتَا لَاتَاغٛ ݠُکَرَاجٛ عَمْ؞ کٛو مٛيْ مٛ رٛونْدَاکِ غَاڢَانغَلْ مُمْ نغَمْ تٛکَّاغٛ يَمْ، وَاوَتَا لَاتَاغٛ ݠُکَرَاجٛ عَمْ؞ مٛيْ حَا مٛوطٛنْ، تٛ يِطِ مَحُغٛ سُودُ عَيْنِرْدُ، عٛجٛوطَتَاکٛ، عٛحِيمٛ کٛ عٛمَجِّنْتَ، عٛلَارَ تٛ عٛوَاوَنْ تِمِّنْغٛ؞ نغَمْ تَا عٛوَلِّنَ شَࢡَّوَلْ ندٜنْ عٛوَاوَايْ تِمِّنْغٛ، يِعْࢡٜ مٛ نجَنْشَنْ مٛ، مبِعَنْ‏: غٛرْکٛ عٛو ڢُطِّ مَحُغٛ، عٛوَاوَايْ تِمِّنْغٛ؞ مَلَّ لَامِيطٛ مٛيٜ، تٛ يِطِ يَحُغٛ وَطَ کٛنُ بٜى لَامِيطٛ غٛطّٛ، عٛجٛوطَتَاکٛ تَوٛنْ، عٛحِيمٛ، تٛ عٛوَاوَنْ يَحُغٛ بٜى يِمْࢡٜ عُجِنٜ سَݠّٛ، نغَمْ ڢٛتُّغٛ بٜى غَرَنَنْطٛ مٛ بٜى يِمْࢡٜ عُجِنٜ نٛوغَسْ؟ تٛ عٛوَاوَتَا، دِغَ لَامِيطٛ مَنْ طٛنْ دَايِ تَوٛنْ، عٛنٜلَنْ نٜلَاࢡٜ نغَمْ ࢨَمُغٛ نٛ ࢡٜشُلْحٛتِرَ؞ بَنَ نٛنْ حَا مٛوطٛنْ بٛو، مٛ عَشَّايْ جَوْدِ مُوطُمْ ڢُو، وَاوَتَا لَاتَاغٛ ݠُکَرَاجٛ عَمْ؞»


«مَنْدَ وٛوطِ، عَمَّا تٛ لَمّٜىٰنغَ مَاجَمْ عِتَّکٜ، نٛيْ طَمْ حٜࢡْتِرْتَ لَمّٜىٰنغَ مَنْ ڢَحِنْ؟ طَمْ نَڢَتَا حَا لٜسْدِ، طَمْ نَڢَتَا نغَمْ کٛونَلْ، ࢡٜندُڢَنْ طَمْ يَاسِ؞ مٛ وٛودِ نٛݠِّ نَنُغٛ، نَنَ‏!»

Listen to لُکَ 14