 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s1">Dealachadh&#8209;P&#242;saidh</div><div class="p"> 1A&#8209;nis nuair a bha &#204;osa air na faclan sin a chr&#236;ochnachadh, chaidh e air falbh o Ghalile, agus th&#224;inig e gu ce&#224;rnaidhean Iud&#232;a, thar I&#242;rdan. 2Agus lean sluagh m&#242;r e, agus shl&#224;naich e iad an sin.</div><div class="p"> 3Agus th&#224;inig Pharasaich thuige ga dhearbhadh, agus ag r&#224;dh ris, &#8220;A bheil e laghail do dhuine a bhean a chur uaithe air adhbhar sam bith?&#8221;</div><div class="p"> 4Fhreagair e, &#8220;Nach do leugh sibh, an t&#8209;Aon a chruthaich iad anns an toiseach, &#8216;rinn e fireann agus boireann iad&#8217;#Gen. 1:27 5agus thuirt e, &#8216;Air an adhbhar seo f&#224;gaidh duine athair agus a mh&#224;thair, agus aonaidh e ri bhean, agus bidh an dithis nan aon fhe&#242;il&#8217;#Gen. 2:24? 6Mar sin chan eil iad tuilleadh nan dithis, ach nan aon fhe&#242;il. Mar sin, na chuir Dia c&#242;mhla, na sgaradh duine.&#8221;</div><div class="p"> 7Thuirt iad ris, &#8220;Carson, mar sin, a dh'&#224;ithn Maois teisteanas&#8209;dealachaidh a thoirt dhi, agus a cur air falbh?&#8221;</div><div class="p"> 8Thuirt esan riutha, &#8220;Air sg&#224;th cruas ur cridhe cheadaich Maois dhuibh ur mnathan a chur air falbh uaibh, ach cha robh e mar sin on toiseach. 9Agus tha mise ag r&#224;dh ribh, ge b' e a chuireas uaithe a bhean, ach airson str&#236;opachais, agus a ph&#242;sas bean eile, tha e a' d&#232;anamh adhaltranais.&#8221; 10Thuirt a dheisciobail ris, &#8220;Ma tha a' ch&#249;is mar sin eadar fear is a bhean, tha e nas fhe&#224;rr gun ph&#242;sadh.&#8221;</div><div class="p"> 11Ach thuirt esan riutha, &#8220;Chan e a h&#8209;uile neach as urrainn gabhail ris an fhacal seo, ach iadsan dhan tugadh e. 12Oir tha caillteanaich ann a rugadh mar sin o bhroinn am m&#224;thar, agus tha caillteanaich ann a chaidh a dh&#232;anamh nan caillteanaich le daoine, agus tha caillteanaich ann a rinn iad fh&#232;in nan caillteanaich air sg&#224;th r&#236;oghachd n&#232;imh. An neach as urrainn seo a ghabhail, gabhadh e e.&#8221;</div><div class="s1">Clann Bheaga agus &#204;osa</div><div class="p"> 13An uair sin chaidh leanabanan a thoirt thuige airson 's gun cuireadh e a l&#224;mhan orra, agus gun d&#232;anadh e &#249;rnaigh; ach chronaich na deisciobail iad.</div><div class="p"> 14Ach thuirt &#204;osa, &#8220;Leigibh le na leanabanan, agus na cuiribh bacadh orra on a bhith a' tighinn thugam, oir is ann dhen leithidean sin a tha r&#236;oghachd n&#232;imh.&#8221;</div><div class="p"> 15Agus &#224;s d&#232;idh dha a l&#224;mhan a chur orra, chaidh e &#224;s a sin.</div><div class="s1">Am Fear &#210;g Beairteach</div><div class="p"> 16Agus, seall, th&#224;inig duine suas thuige ag r&#224;dh, &#8220;Fhir&#8209;Teagaisg, d&#232; an rud math a n&#236; mi airson 's gum faigh mi a' bheatha sh&#236;orraidh?&#8221; 17Agus thuirt esan ris, &#8220;Carson a tha thu a' faighneachd dh&#242;mhsa mu na tha math? Chan eil ann ach an t&#8209;Aon a tha math. Mas e do thoil a dhol a&#8209;steach dhan bheatha, c&#249;m na h&#8209;&#224;itheantan.&#8221;</div><div class="p"> 18Thuirt esan, &#8220;D&#232; an fheadhainn?&#8221;</div><div class="p">Agus thuirt &#204;osa, &#8220;Na d&#232;an murt, na d&#232;an adhaltranas, na d&#232;an goid, na toir fianais&#8209;bhr&#232;ige, 19thoir urram dhad athair agus dhad mh&#224;thair#Ecs. 20:12&#8209;16; Deut. 5:16&#8209;20, agus gr&#224;dhaich do choimhearsnach mar thu fh&#232;in.&#8221;#Lebh. 19:18</div><div class="p"> 20Thuirt an duine &#242;g ris, &#8220;Iad sin uile ch&#249;m mi. D&#232; a tha fhathast a dh&#236;th orm?&#8221;</div><div class="p"> 21Thuirt &#204;osa ris, &#8220;Mas e do thoil a bhith coileanta, thalla, reic na th' agad agus thoir dha na bochdan, agus bidh ionmhas agad air n&#232;amh; agus trobhad 's lean mise.&#8221;</div><div class="p"> 22Ach nuair a chuala an duine &#242;g am facal sin, dh'fhalbh e gu br&#242;nach, oir bha m&#242;ran saidhbhreis aige.</div><div class="p"> 23Agus thuirt &#204;osa ri a dheisciobail, &#8220;Gu f&#236;rinneach tha mi ag r&#224;dh ribh, tha e doirbh do dhuine saidhbhir a dhol a&#8209;steach do r&#236;oghachd n&#232;imh. 24A&#8209;rithist tha mi ag r&#224;dh ribh, tha e nas fhasa do ch&#224;mhal a dhol tro chr&#242; sn&#224;thaid na do dhuine beairteach a dhol a&#8209;steach do r&#236;oghachd Dh&#232;.&#8221;</div><div class="p"> 25Nuair a chuala a dheisciobail seo, ghabh iad iongnadh m&#242;r, ag r&#224;dh, &#8220;C&#242; mar sin as urrainn a bhith air a sh&#224;bhaladh?&#8221;</div><div class="p"> 26Ach sheall &#204;osa orra agus thuirt e, &#8220;Do dhaoine tha seo eu&#8209;comasach, ach do Dhia tha a h&#8209;uile s&#236;on comasach.&#8221;</div><div class="p"> 27An uair sin fhreagair Peadar, &#8220;Seall, dh'fh&#224;g sinne a h&#8209;uile rud agus lean sinn thusa! D&#232; mar sin a bhios ann dhuinne?&#8221;</div><div class="p"> 28Thuirt &#204;osa riutha, &#8220;Gu deimhinn, tha mi ag r&#224;dh ribh, sibhse a lean mise, anns an linn nuadh, nuair a shuidheas Mac an Duine air a chathair ghl&#242;rmhor fh&#232;in, suidhidh sibhse cuideachd air d&#224; chathair dheug, a' toirt breith air d&#224; threubh dheug Israeil. 29Agus a h&#8209;uile neach a dh'fh&#224;g taighean no br&#224;ithrean no peathraichean no athair no m&#224;thair no clann no achaidhean air sg&#224;th m' ainme&#8209;sa, gheibh e a cheud uiread agus sealbhaichidh e a' bheatha sh&#236;orraidh. 30Ach bidh m&#242;ran a th' air thoiseach air dheireadh, agus air dheireadh a bhios air thoiseach.&#8221;</div>
 </div>
 </div>
</div>

A‑nis nuair a bha Ìosa air na faclan sin a chrìochnachadh, chaidh e air falbh o Ghalile, agus thàinig e gu ceàrnaidhean Iudèa, thar Iòrdan. Agus lean sluagh mòr e, agus shlànaich e iad an sin.
Agus thàinig Pharasaich thuige ga dhearbhadh, agus ag ràdh ris, “A bheil e laghail do dhuine a bhean a chur uaithe air adhbhar sam bith?”
Fhreagair e, “Nach do leugh sibh, an t‑Aon a chruthaich iad anns an toiseach, ‘rinn e fireann agus boireann iad’ agus thuirt e, ‘Air an adhbhar seo fàgaidh duine athair agus a mhàthair, agus aonaidh e ri bhean, agus bidh an dithis nan aon fheòil’? Mar sin chan eil iad tuilleadh nan dithis, ach nan aon fheòil. Mar sin, na chuir Dia còmhla, na sgaradh duine.”
Thuirt iad ris, “Carson, mar sin, a dh'àithn Maois teisteanas‑dealachaidh a thoirt dhi, agus a cur air falbh?”
Thuirt esan riutha, “Air sgàth cruas ur cridhe cheadaich Maois dhuibh ur mnathan a chur air falbh uaibh, ach cha robh e mar sin on toiseach. Agus tha mise ag ràdh ribh, ge b' e a chuireas uaithe a bhean, ach airson strìopachais, agus a phòsas bean eile, tha e a' dèanamh adhaltranais.” Thuirt a dheisciobail ris, “Ma tha a' chùis mar sin eadar fear is a bhean, tha e nas fheàrr gun phòsadh.”
Ach thuirt esan riutha, “Chan e a h‑uile neach as urrainn gabhail ris an fhacal seo, ach iadsan dhan tugadh e. Oir tha caillteanaich ann a rugadh mar sin o bhroinn am màthar, agus tha caillteanaich ann a chaidh a dhèanamh nan caillteanaich le daoine, agus tha caillteanaich ann a rinn iad fhèin nan caillteanaich air sgàth rìoghachd nèimh. An neach as urrainn seo a ghabhail, gabhadh e e.”

An uair sin chaidh leanabanan a thoirt thuige airson 's gun cuireadh e a làmhan orra, agus gun dèanadh e ùrnaigh; ach chronaich na deisciobail iad.
Ach thuirt Ìosa, “Leigibh le na leanabanan, agus na cuiribh bacadh orra on a bhith a' tighinn thugam, oir is ann dhen leithidean sin a tha rìoghachd nèimh.”
Agus às dèidh dha a làmhan a chur orra, chaidh e às a sin.

Agus, seall, thàinig duine suas thuige ag ràdh, “Fhir‑Teagaisg, dè an rud math a nì mi airson 's gum faigh mi a' bheatha shìorraidh?” Agus thuirt esan ris, “Carson a tha thu a' faighneachd dhòmhsa mu na tha math? Chan eil ann ach an t‑Aon a tha math. Mas e do thoil a dhol a‑steach dhan bheatha, cùm na h‑àitheantan.”
Thuirt esan, “Dè an fheadhainn?”
Agus thuirt Ìosa, “Na dèan murt, na dèan adhaltranas, na dèan goid, na toir fianais‑bhrèige, thoir urram dhad athair agus dhad mhàthair, agus gràdhaich do choimhearsnach mar thu fhèin.”
Thuirt an duine òg ris, “Iad sin uile chùm mi. Dè a tha fhathast a dhìth orm?”
Thuirt Ìosa ris, “Mas e do thoil a bhith coileanta, thalla, reic na th' agad agus thoir dha na bochdan, agus bidh ionmhas agad air nèamh; agus trobhad 's lean mise.”
Ach nuair a chuala an duine òg am facal sin, dh'fhalbh e gu brònach, oir bha mòran saidhbhreis aige.
Agus thuirt Ìosa ri a dheisciobail, “Gu fìrinneach tha mi ag ràdh ribh, tha e doirbh do dhuine saidhbhir a dhol a‑steach do rìoghachd nèimh. A‑rithist tha mi ag ràdh ribh, tha e nas fhasa do chàmhal a dhol tro chrò snàthaid na do dhuine beairteach a dhol a‑steach do rìoghachd Dhè.”
Nuair a chuala a dheisciobail seo, ghabh iad iongnadh mòr, ag ràdh, “Cò mar sin as urrainn a bhith air a shàbhaladh?”
Ach sheall Ìosa orra agus thuirt e, “Do dhaoine tha seo eu‑comasach, ach do Dhia tha a h‑uile sìon comasach.”
An uair sin fhreagair Peadar, “Seall, dh'fhàg sinne a h‑uile rud agus lean sinn thusa! Dè mar sin a bhios ann dhuinne?”
Thuirt Ìosa riutha, “Gu deimhinn, tha mi ag ràdh ribh, sibhse a lean mise, anns an linn nuadh, nuair a shuidheas Mac an Duine air a chathair ghlòrmhor fhèin, suidhidh sibhse cuideachd air dà chathair dheug, a' toirt breith air dà threubh dheug Israeil. Agus a h‑uile neach a dh'fhàg taighean no bràithrean no peathraichean no athair no màthair no clann no achaidhean air sgàth m' ainme‑sa, gheibh e a cheud uiread agus sealbhaichidh e a' bheatha shìorraidh. Ach bidh mòran a th' air thoiseach air dheireadh, agus air dheireadh a bhios air thoiseach.”

Listen to Mata 19