Kuman - 2008 Edition (NT) Drama

<div class="version vid1334 iso6393kue" data-vid="1334" data-iso6393="kue">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ka wu yomba ongwa</div><div class="p"> 1Okuna imbo Ka i pai moglkwa. Ana Ka i God bogl moglkwa. Ana Ka i God moglkwa. 2Ye okuna imbo God bogl moglkwa.</div><div class="p"> 3Ye mina taragl prapra God ere yongwa, taragl kanekane ere yongwa i ye moglko keunde ere yongwa. 4Kor meglkwa ye mina yongwa ana kor-meglkwa i yomba ambuglangeno. 5Ana ken i mim ormara suna ambuglange sungwa, ba mim i wu sigongonagledi orkwa manga.</div><div class="p"> 6Yagl ta wu pene pi moglkwa ye God diendungo ungwa, kangiye Jon. 7Ye ken ambuglange kamo i dipene endinan ana ye mina yomba prapra pirngi dinaglkwa pre ye ka-singiye yomba ungwa. 8Jon yene ken ambuglange ta moglkrukwa, ba ken ambuglange i kamo ana ye dipene endina pre ungwa. 9Ana ken ambuglange kaima i ambuglangesi yomba makan uglo koglkoglo tenapre ungwa.</div><div class="p"> 10Ye makandle moglko ana ye mina God dumo makan koglkoglo ere yongwa ba makan yomba ye pirkanpogl sikrikwa. 11Yene dumo makanmo mina ungwa. Ba yene yombama diwakai yeitekrikwa. 12Yomba tau ye di-ingwa ana ye kangiye mina pirngi dingwa, yeglpre ye pra God nangiglma meglme dungwa. 13God nangiglma i neno mano bormaino mina kugl yei kiurika te yomba ka dikogl erimere i manga te enene pirmere i manga ba God yene prumere ere i nangiglma endungwa.</div><div class="p"> 14Ana Ka wu yomba pindre nono mina suna moglkwa. No ye ambuglangemo kamga. Ana ambuglange i ye suwara, Nem diendungo ungwa. Yeglpre ye wakaimo ya Ka kaima ye mina kau sungwa. Ye God Wam kaima moglkwa.</div><div class="p"> 15Jon eremogl Yesus pre dinongugl endungwa, ye ka kande dindre dungwa, &#8220;Na yomba ipre dingra, na komnaiye winga ba yomba i na mokonamugl ungwa, ye okuna imbo mogltre ana mogl-mitna ende na engrukwa.&#8221; 16Ye wakaimo kausi moglko i mina no prapra ere wakai ere mundu-mundu yumga. 17God lomo Moses tongwa ba ye wakaimo ya ka kaima i Yesus Krais mina ungwa. 18Yomba ta God kankrikwa, ba God Wam suwara ye Nem bogl akiye miurka pre ye mina Nem ombuno dipene endungwa.</div><div class="s">Jon Baptais na Krais moglkriye dungwa</div><div class="r">(Matyu 3:1-12; Mak 1:7-8; Luk 3:15-17)</div><div class="p"> 19Jerusalem dumo suna Juda yomba eremogl pris ya Levai wagle diende ana Jon ira moglmda krapogl piryo dingwa. 20Ye uglmange erekre dinongugl ende dungwa, &#8220;Na Krais ta moglkrikwa.&#8221;#1:20 God yomba i-ikine endinambuka pre yagl ta pinde yungwa i, Grik ka mina ye, &#8220;Krais&#8221;.</div><div class="p"> 21Ana ye krapeglkwa, &#8220;Ene irane? Ene Elaija motno?&#8221;</div><div class="p">Jon di ikine endungwa, &#8220;Na tamanga.&#8221;</div><div class="p">Ana ye dingwa, &#8220;Ene Propet ta motno?&#8221;</div><div class="p">Ye di ikine ende dungwa, &#8220;Na tamanga.&#8221;</div><div class="p"> 22Ana okuwo ye dingwa, &#8220;Ene irane? Dinotn no pi diendigo umga yomba ye ene ira motnga i ka mongo ditenamga.&#8221;</div><div class="p"> 23Jon eremogl propet Aisaia ka muno boglkwa i di ikine endungwa, &#8220;Makan waule suna yomba ta wiyau dungwa i na mina pai yungwa. Yaglkande pre konbo si-ake du endiyo.&#8221;#Aisaia 40:3</div><div class="p"> 24Parisi wagle yomba diendingo wingwa ikra 25krapogl Jon teingwa, &#8220;Ene Krais mo Elaija, mo Propet ta moglkitn ana ene sraglpre yomba baptais tene?&#8221;</div><div class="p"> 26Jon di ikine ende yegl dungwa, &#8220;Na nigl mina baptais teinga, ba ene meglmara suna i yomba ta moglkwa ene pirkan erekrikwa. 27Ye mokonamugl ungwa, na yomba wakai ta moglmbo kade ye kagle towo mina kan tonguma pangwa i na ta pirka sinaglka kuno erekrukwa.&#8221;</div><div class="p"> 28Taragl prapra plau dungwa i Jodan Nigle koglo imbo Betani makan Jon yomba baptais ere tomara igle.</div><div class="s">Yesus, ye God Sipsipmo Nangigle</div><div class="p"> 29Ana enge tangina Jon kango Yesus ende ye moglmara ungwa. Ana Jon yegl dungwa, &#8220;Kaniyo, Yomba i God Sipsipmo Nangigle makandle yomba tandaglmeno koko endina pre ungwa. 30Na ka dinga ikra yomba ipre mendigl digra, &#8216;Yomba ta na mokonamugl ungwa i mogl-mitna ende na engrukwa. Sraglpre na moglkriko ye okuna imbo moglkwa.&#8217; 31Na nana ye ira moglkwa i ta pir kanpogl sikrika, ba na mambuno ta pango wu nigl mina baptais teinga i Israel yomba meglmara igle wu pene enan kanaglkwa pre erika.&#8221;</div><div class="p"> 32Ana Jon yene mambunomo dipene ende tongwa, &#8220;Na kaninga Holi Spirit kua yumugl mereyegl heven imbo ende atne undre ye mina moglkwa. 33Yomba i ira moglkwa, i ta pirkan erekrika, ba God na diende nigl mina baptais to dindre ana yegl dinarkwa, &#8220;Ene kanmin Holi Spirit ende atne wu yagl ta mina ake morambuka i ye yomba Holi Spirit mina baptais tenambuka. 34Na i kandre, ana ye God Wam kaima moglme dinga.</div><div class="s">Yesus disaipel 4 komuno pinde yungwa</div><div class="p"> 35Ana tangina Jon eremogl disaipelmo suwo bogl akiye aglke kordagl igle meglkwa. 36Jon kango Yesus konbauna ende wongo ana ye dungwa, &#8220;Kaniro, i God Sipsipmo Nangigle.&#8221;</div><div class="p"> 37Ye disaipelmo suwo ka i dungo pirmbrika enge, ana Yesus omara mokomugl embrika. 38Yesus kan ikine endungo yagl suwo i mokomugl embriko ana krapogl tongwa, &#8220;Ene aglokra moglpai etne?&#8221;</div><div class="p">Ye dimbrika, &#8220;Rabai&#8221; (i mambuno yegl, Beke Notnga), &#8220;Ene yungu aglokra motne?&#8221;</div><div class="p"> 39Ye di ikine endungwa, &#8220;Ene undre, ana kanambrika.&#8221;</div><div class="p">Yeglpre ye endpi moglmara igle kanbriko ana ande enge mundu ye akiye igle meglko ana ande kuiya 4 klok yongwa.</div><div class="p"> 40Ana Jon ka dungo pirtre, Yesus omara mokomugl embrika ikra ta Andru, ye Saimon Pita angigle. 41Ana komnaiye Andru ta orkwa i, ye angigle Saimon doko kan indre ana ditongwa, &#8220;No Mesaia kan imbuglka.&#8221; (I mambuno Krais we dingwa.)</div><div class="p"> 42Ana Andru eremogl Saimon auro yu Yesus moglmara ungo ana ye Saimon kandre dungwa, &#8220;Ene Saimon, Jon wam. Ene kangin Sipas we dinaglkwa.&#8221; Sipas i Aram ka mina kangiye yeingwa, i Juda yomba kanno pangwa. Te Grik ka mina Pita.</div><div class="s">Yesus eremogl Pilip ya Nataniel diyungwa</div><div class="p"> 43Ana tangina Yesus ende Galili kamun enagledi orkwa. Ye pi Pilip kan indre yegl ditongwa, &#8220;Na wimara wo.&#8221;</div><div class="p"> 44Pilip, ye Betsaida taun nem, dumo igle ombugl Andru ya Pita ye kamuno yongwa. 45Pilip eremogl Nataniel kandre yegl ditongwa, &#8220;Yomba ta pre Moses lo mina pepa muno boglko te propet wagle ye pre ama pepa beglko pangwa ikra no kan yumga. I Yesus ye Josep wam. Nasaret kamun nem.&#8221;</div><div class="p"> 46Ana Nataniel ye ka kra yegl pogl tongwa, &#8220;Taragl wakai ta Nasaret kamun plau dinambo?&#8221;</div><div class="p">Pilip ye di ikine ende tongwa, &#8220;Ene undre ana kano.&#8221;</div><div class="p"> 47Ana Yesus kango Nataniel ye moglmara ungo ana ye pre yegl dungwa, &#8220;Kaniyo, yagl i Israel yomba kaima, ye mina suna kakimbi ta paikrukwa.&#8221;</div><div class="p"> 48Nataniel kra yegl poglkwa, &#8220;Ene sraglmere na pirkan etne?&#8221;</div><div class="p">Yesus di ikine endungwa, &#8220;Okuna imbo Pilip ene aglendi ikrukwa enge ene endi kogla mambuno mina mogl panga enge ikra, ana na ene kan-kondinga.&#8221; 49Nataniel di ikine endungwa, &#8220;Beke Notnga, ene God Wam, Israel yomba Kingno.&#8221;</div><div class="p"> 50Ana Yesus dungwa, &#8220;Ene endi kogla mambuno mina motngo, ene kaniye dinga ikra pre ene pirngi dinga ba kanere yeglmere okuwo taragl giglendi ama kanatnga.&#8221; 51Yesus ka ta aine yegl dungwa, &#8220;Na ka kaima ene diteinga, okuwo heven audinan ana Yomba Wam mina God angelomo ende mitna pi ende atne wu erimbi ene kanaglkwa.&#8221;</div>
 </div>
 </div>
</div>

Okuna imbo Ka i pai moglkwa. Ana Ka i God bogl moglkwa. Ana Ka i God moglkwa. Ye okuna imbo God bogl moglkwa.
Ye mina taragl prapra God ere yongwa, taragl kanekane ere yongwa i ye moglko keunde ere yongwa. Kor meglkwa ye mina yongwa ana kor-meglkwa i yomba ambuglangeno. Ana ken i mim ormara suna ambuglange sungwa, ba mim i wu sigongonagledi orkwa manga.
Yagl ta wu pene pi moglkwa ye God diendungo ungwa, kangiye Jon. Ye ken ambuglange kamo i dipene endinan ana ye mina yomba prapra pirngi dinaglkwa pre ye ka-singiye yomba ungwa. Jon yene ken ambuglange ta moglkrukwa, ba ken ambuglange i kamo ana ye dipene endina pre ungwa. Ana ken ambuglange kaima i ambuglangesi yomba makan uglo koglkoglo tenapre ungwa.
Ye makandle moglko ana ye mina God dumo makan koglkoglo ere yongwa ba makan yomba ye pirkanpogl sikrikwa. Yene dumo makanmo mina ungwa. Ba yene yombama diwakai yeitekrikwa. Yomba tau ye di-ingwa ana ye kangiye mina pirngi dingwa, yeglpre ye pra God nangiglma meglme dungwa. God nangiglma i neno mano bormaino mina kugl yei kiurika te yomba ka dikogl erimere i manga te enene pirmere i manga ba God yene prumere ere i nangiglma endungwa.
Ana Ka wu yomba pindre nono mina suna moglkwa. No ye ambuglangemo kamga. Ana ambuglange i ye suwara, Nem diendungo ungwa. Yeglpre ye wakaimo ya Ka kaima ye mina kau sungwa. Ye God Wam kaima moglkwa.
Jon eremogl Yesus pre dinongugl endungwa, ye ka kande dindre dungwa, “Na yomba ipre dingra, na komnaiye winga ba yomba i na mokonamugl ungwa, ye okuna imbo mogltre ana mogl-mitna ende na engrukwa.” Ye wakaimo kausi moglko i mina no prapra ere wakai ere mundu-mundu yumga. God lomo Moses tongwa ba ye wakaimo ya ka kaima i Yesus Krais mina ungwa. Yomba ta God kankrikwa, ba God Wam suwara ye Nem bogl akiye miurka pre ye mina Nem ombuno dipene endungwa.


Jerusalem dumo suna Juda yomba eremogl pris ya Levai wagle diende ana Jon ira moglmda krapogl piryo dingwa. Ye uglmange erekre dinongugl ende dungwa, “Na Krais ta moglkrikwa.”
Ana ye krapeglkwa, “Ene irane? Ene Elaija motno?”
Jon di ikine endungwa, “Na tamanga.”
Ana ye dingwa, “Ene Propet ta motno?”
Ye di ikine ende dungwa, “Na tamanga.”
Ana okuwo ye dingwa, “Ene irane? Dinotn no pi diendigo umga yomba ye ene ira motnga i ka mongo ditenamga.”
Jon eremogl propet Aisaia ka muno boglkwa i di ikine endungwa, “Makan waule suna yomba ta wiyau dungwa i na mina pai yungwa. Yaglkande pre konbo si-ake du endiyo.”
Parisi wagle yomba diendingo wingwa ikra krapogl Jon teingwa, “Ene Krais mo Elaija, mo Propet ta moglkitn ana ene sraglpre yomba baptais tene?”
Jon di ikine ende yegl dungwa, “Na nigl mina baptais teinga, ba ene meglmara suna i yomba ta moglkwa ene pirkan erekrikwa. Ye mokonamugl ungwa, na yomba wakai ta moglmbo kade ye kagle towo mina kan tonguma pangwa i na ta pirka sinaglka kuno erekrukwa.”
Taragl prapra plau dungwa i Jodan Nigle koglo imbo Betani makan Jon yomba baptais ere tomara igle.

Ana enge tangina Jon kango Yesus ende ye moglmara ungwa. Ana Jon yegl dungwa, “Kaniyo, Yomba i God Sipsipmo Nangigle makandle yomba tandaglmeno koko endina pre ungwa. Na ka dinga ikra yomba ipre mendigl digra, ‘Yomba ta na mokonamugl ungwa i mogl-mitna ende na engrukwa. Sraglpre na moglkriko ye okuna imbo moglkwa.’ Na nana ye ira moglkwa i ta pir kanpogl sikrika, ba na mambuno ta pango wu nigl mina baptais teinga i Israel yomba meglmara igle wu pene enan kanaglkwa pre erika.”
Ana Jon yene mambunomo dipene ende tongwa, “Na kaninga Holi Spirit kua yumugl mereyegl heven imbo ende atne undre ye mina moglkwa. Yomba i ira moglkwa, i ta pirkan erekrika, ba God na diende nigl mina baptais to dindre ana yegl dinarkwa, “Ene kanmin Holi Spirit ende atne wu yagl ta mina ake morambuka i ye yomba Holi Spirit mina baptais tenambuka. Na i kandre, ana ye God Wam kaima moglme dinga.

Ana tangina Jon eremogl disaipelmo suwo bogl akiye aglke kordagl igle meglkwa. Jon kango Yesus konbauna ende wongo ana ye dungwa, “Kaniro, i God Sipsipmo Nangigle.”
Ye disaipelmo suwo ka i dungo pirmbrika enge, ana Yesus omara mokomugl embrika. Yesus kan ikine endungo yagl suwo i mokomugl embriko ana krapogl tongwa, “Ene aglokra moglpai etne?”
Ye dimbrika, “Rabai” (i mambuno yegl, Beke Notnga), “Ene yungu aglokra motne?”
Ye di ikine endungwa, “Ene undre, ana kanambrika.”
Yeglpre ye endpi moglmara igle kanbriko ana ande enge mundu ye akiye igle meglko ana ande kuiya 4 klok yongwa.
Ana Jon ka dungo pirtre, Yesus omara mokomugl embrika ikra ta Andru, ye Saimon Pita angigle. Ana komnaiye Andru ta orkwa i, ye angigle Saimon doko kan indre ana ditongwa, “No Mesaia kan imbuglka.” (I mambuno Krais we dingwa.)
Ana Andru eremogl Saimon auro yu Yesus moglmara ungo ana ye Saimon kandre dungwa, “Ene Saimon, Jon wam. Ene kangin Sipas we dinaglkwa.” Sipas i Aram ka mina kangiye yeingwa, i Juda yomba kanno pangwa. Te Grik ka mina Pita.

Ana tangina Yesus ende Galili kamun enagledi orkwa. Ye pi Pilip kan indre yegl ditongwa, “Na wimara wo.”
Pilip, ye Betsaida taun nem, dumo igle ombugl Andru ya Pita ye kamuno yongwa. Pilip eremogl Nataniel kandre yegl ditongwa, “Yomba ta pre Moses lo mina pepa muno boglko te propet wagle ye pre ama pepa beglko pangwa ikra no kan yumga. I Yesus ye Josep wam. Nasaret kamun nem.”
Ana Nataniel ye ka kra yegl pogl tongwa, “Taragl wakai ta Nasaret kamun plau dinambo?”
Pilip ye di ikine ende tongwa, “Ene undre ana kano.”
Ana Yesus kango Nataniel ye moglmara ungo ana ye pre yegl dungwa, “Kaniyo, yagl i Israel yomba kaima, ye mina suna kakimbi ta paikrukwa.”
Nataniel kra yegl poglkwa, “Ene sraglmere na pirkan etne?”
Yesus di ikine endungwa, “Okuna imbo Pilip ene aglendi ikrukwa enge ene endi kogla mambuno mina mogl panga enge ikra, ana na ene kan-kondinga.” Nataniel di ikine endungwa, “Beke Notnga, ene God Wam, Israel yomba Kingno.”
Ana Yesus dungwa, “Ene endi kogla mambuno mina motngo, ene kaniye dinga ikra pre ene pirngi dinga ba kanere yeglmere okuwo taragl giglendi ama kanatnga.” Yesus ka ta aine yegl dungwa, “Na ka kaima ene diteinga, okuwo heven audinan ana Yomba Wam mina God angelomo ende mitna pi ende atne wu erimbi ene kanaglkwa.”

Listen to Jon 1