Lukah 13
13
Ngaladukana natou nahariaha walingu ta doku-jala
1Ta rahi nou natou nalolukuya lahi Yehu witin ɗama toumpirrah ɗa tou Galilea ɗapahamatina hi Pilatuh. Ɗuɗa hou hamatiha atanga manuatunguɗ taguna hi Alla. 2Na rangukiyaka napalolukuɗa, hi Yehu wina, “Manga ɗa tou Galilea ahamati tohouɗaja, ami pangaɗanya ɗuɗa reihiha ɗa doku-jalaɗ waling ngaladukaɗa ta tou Galilea hawanguk? 3Da tekkamangǃ Jiaɗinguk namuyaː A dami hariakak waling ta doku-jala nyiami ngaladukami enga mati ʄellam, mearang lahi ɗuɗa. 4Gikihou ʄellakaɗak ɗama tou habulu waluha ɗama mati ta Hiloam, ana pitakuha menara?#13.4 Menara nahawiɗang ta hilu ʄawa, ʄiayak napa patetiwaing muhu. Hanaɗuga, tou Wanukaka napa patetiwaing muhu na ngaran lowatuya. Nou ami pangaɗanya, tadananya ɗuɗa reihi doku-jala waling ta ngaladukaɗ ɗa tou heaka nama engang ta koata Yeruhalem? 5Da tekkamangǃ Hadekaling awigugimː A dami hariakak waling ta doku-jalam, nyiami ngaladukam enga mati ʄellam, mearang lahi ɗuɗa.”
Natou dama keriya nahawukuna hi Alla mearana na ping kapilit dama wua
6Namengaka nou, hi Yehu naloluk ʄellaya na lii-pangearang nei, “Einya hatou nama eingu pingi kapilit ta kahibu anggurun. Nama hangina na laɗɗu nahalaku ana manyerang wuana na pingi kapilit nou, ʄiaɗinguka damali hangimang pakollin. 7Jiayaka, hina panewi ta maʄawananya na kahibun, ‘Patetipanya, langa tillu dounaka nyouwa a amig manyerang wuan na pingi kapilit nei, ʄiaɗinguka dakumali kollimang hangitekka. Pogu luruhuya na pingi ai neiǃ Hi dana wuakaɗingǃ Gawaing wiɗakanyak ana paduka walla wainya na wei baku tana.’ 8Jiayaka na maʄawa kahibu nou nagapiya, ‘Mata letunya kana morik ta doungu ya, mori. Nyouwa enga kukajakarɗiya na tana ta kaligirun ʄaka kaku taunya pakabokahwain. 9Luim panawuaꞌa baaru hadoung. Jiaɗinguk a dana wua ʄellakak, poguyay.’’
Hi Yehu napateggahuya na mawinni lawohu ta laɗɗu hangahu ana habayang natou Yahudi
10Ta mahangina na laɗɗu hangahu ana habayang natou Yahudi, hi Yehu nahakoalaha ɗa tou ta umma pingi pakaɓuangu tou Yahudi.#13.10 Umma pingi pakaɓuangu tou Yahudi ʄiayak na umma nahawaingu abahhaya ʄaka ahalidikuya na Hurat Ɓakul ta Lii Dei, pingi pahabayang ʄaka kaɓua-kawoting, umma pingi papanunga-papeakang tou. Ta Ihrael ɗa umma pingi pakaɓuang tou Yahudi tik ha ei bollunya ta deha, ʄiaɗinguk hangipana na ɓei Umma Pingi Pahabayang tou Yahudi nama einya ta koata Yeruhalem. 11Noulau einya na mawinni nama langa habulu walu dounaka ana hiɗɗu, kaɗang einya na waddi tana ta ihina. Na mahiɗɗun na mawinni nou ʄiaya nama palawohuya ʄaka dana piakumang ana dedi diɗar. 12Hi Yehu ana itayaka, kawulananyak, ‘‘Iana, muteggahuk waling ta hiɗɗumǃ” 13Manga hi Yehu natauya na limman ta pinu ihin na mawinni nou, ʄaka ta rahi nouʄellaka ana dedi diɗar manga hina wuatu-haliya hi Alla.
14Na kapalang umma pingi pakaɓuang tou Yahudi nou, baninanyak kaɗang hi Yehu napateggah tou ta laɗɗu hangahu ana habayang natou Yahudi. Manga ʄiayaka hina panewi ta tou, “Eija ɗama nammuɗa ɗa laɗɗu ɗapakera waing; aming ta joanga laɗɗu nou kapateggahumi, abi ta laɗɗu hangahu ana habayang natou Yahudiɗingǃ”
15Hi Moiri Yehu nagapiya, “Nyiami nani tou deha ɗeataǃ Ta laɗɗu hangahu ana habayang natou Yahudi, ngaladukaɗa ɗa tou ɗapahelah ɗa beabuɗ, ɗa kamemiɗ waling ta galluɗ hiɗa louhung aɗa inung wei. 16Ya atouna, einya hatou na mawinni wallana hi Abraham, nama langa habulu walu douna ana pinya moritana. Dana piakumang apahelaya ta laɗɗu hangahu ana habayang natou Yahudi?’’ 17Napagapinguna hi Yehu nou, ɗa geꞌana ɗa makii tetekka. Jiaɗinguka ɗa tou hawanguk ɗa ohal ɗa atiɗa aɗa itaya napakaɓarraɗengang nahawoluna hi Yehu.
Lii-pangearang na watu sesawi
(Mat. 13:31-32; Mrk. 4:30-32)
18Hi Yehu napatutur, ‘‘Gikinouꞌikanaka namaʄaʄi ana papareahakak hi Alla ʄaʄi Raja? Ganakanyaka napahameara wai-Gunya? 19Nama ʄaʄi enga meara nouna na lii-pangearang ya. Nama hangina nawatu nama duku merrahuya nangaran watu sesawi#13.18 Pingi sesawi ta tana Palestina, namerrahingking nawatuna, ʄiaɗinguka ana tubukak, na pingi na ɓakul mearana koku lim ʄaka reihi ʄagaya waling ta tou. Jiahak ɗama wurung hiɗa wolu houngu hiꞌuɗa. Ta hilu ʄawa ɗa sesawi a da ɗa sawi daɗa hamearamang ta roawi sawi ɗahapeangu tou. naɗekiya natou hina tadunya ta kahibuna. Na watu sesawi nama duku merrahuya nou natubu naʄaʄi pingi ai, ʄaka ɗa mawurung ɗa wolu hiꞌuɗa ta pingi ai nou.”
Lii-pangearang na bibit roti#13.20 bibit rotinahawiɗang ta hilu ʄawa, ʄiaya ɗapa hawunal waiɗa ɗa kababa.
(Mat. 13:33)
20Hadeka ʄellapanguh hi Yehu ana patutur, “Ganakanyaka napahameara wai-Gunya ana papareahakak hi Alla ʄaʄi Raja? 21Na hameara noung na bibit roti nama hakudukina, napaɗekina hatou na mawinni manga hina pahaꞌurunya ta ittu gandum#13.21 Gandumnamhamearang ta pari. nama patumbulu kaꞌana, lapakung hina hawunal bollu.”
Na ɓinna nama hagang ta morik malodung na kapingat
(Mat. 7:13-14, 21-23)
22Hi Yehu napangalanya nahalakun ta koata Yeruhalem, nalinoung ana ledipalaja ɗa koata ʄaka ɗa praing ana lii pahakoalaha. 23Manga einya natou nama patutur lahi Ɗunna, “Ama, hakuɗuk pakiɗak ɗa tou ɗapa pamanumarana hi Alla?’’
Hi Yehu nagapiya, 24‘‘Kapik kolling morik malodung napiaku ahameara wainya natou nama tama linoung ta ɓinna hurga nama kapingat. Nounam paruhung kam piaku patama linoung ta ɓinna nama kapingat nou. Kam namuyaǃ Ɗangu natou nama paruhung ana tama ʄiaɗinguka dana piakumang. 25Ta rahina na mori umma ana kiɗi ʄaka natoaɗiya na ɓinnana, nyiami mi dedi ta habalihiɗi ʄaka mi kadokkuk manga hiwimi, ‘‘Mori umma, wehakigama nyiama ɓinnaǃ’ Na mori umma nou napagaping, ‘Nyouwa daku peꞌamagim, bayaaka waliyamiǃ’ 26Nyiami enga pagapingumi, ‘Nyiama langa angu-inung ɗenga-Mugamak, ʄaka Mori langa hakoala ʄella Mugamaka ta kabolu-tana, ta koatamaǃ’ 27Jiaɗinguka na Mori nou napanewi ʄellapah, ‘Nyouwa daku peꞌamagimi bayaaka waliyami. Heling waling ya, nyiami namawoluya nama irrakǃ’ 28Baaru enga itamija ɗa apu-ɓokum hi Abraham, hi Ihak, hi Yakub ʄaka ngaladukaɗa ɗa nabi ɗa egi ati ta rahin ana papareahakak hi Alla ʄaʄi Raja. Jiaɗinguka nyiami enga houmi ʄaka mi mawilla kaɗang nyiami wiki wurutugim ta habalihiɗǃ’ 29Ɗa tou enga amija waling ta haguꞌul pinu-tana, ʄaka baaru hiɗa egi ati ɗa angu-inung ta rahin ana papareahakak hi Alla ʄaʄi Raja. 30Mapaɗeninguya, ɗa tou dapayapuɗa ɗa tou ta dalar ya, hi Moiri enga napaʄaʄija ɗuɗa tou payapu. Jaka ɗa tou ɗapareihi yapu tou heaka ta dalar ya, hi Moiri enga napaʄaʄija ɗuɗa tou dapayapu.”
Hi Yehu namillanya ati na koata Yeruhalem
(Mat. 23:37-39)
31Ta rahi nouʄella, eija ɗama toumpirrah ɗa tou waling ta kaɓuangu Parihi amija lahi Yehu ʄaka ɗapanewi, “Abi engamangǃ Halaku waling ta padoung ya, kaɗang hi Herodeh hamatiya wina-Gu.”
32Hi Yehu nagapiya, “Hi Herodeh tou irrakuya ʄaka tou nama peangu wolu mahala, nama pata-nogu ahu omangung nama irrak.#13.32 Ta Hurat Ɓakul na hilu ʄawana ‘rubah.’ Ɗa tou Yahudi ɗa peanya na maɗaga ‘rubah’, maɗaga nama ɗangu kahelina, porrat ʄaka daꞌeimang gohu. Mihalakuya kam peakanya, ‘Laɗɗu ya ʄaka baaru wehang Nyouwa kuwurutung waddi tana ʄaka kupateggah tou kadauk. Jiaɗinguka dana hilu madeimah, Nyouwa enga kumenga bolluya napakera-Gu.’ 33Atounou ʄella ana, Nyouwa kupangala ʄellanyah napakera-Gu laɗɗu ya, baaru wehang ʄaka ɗua maɗung. Mengaka nou Nyouwa hiku halaku ta koata Yeruhalem. Kaɗang ɗa nabi aɗa hamati ʄuaha ta rongu koata Yeruhalem da ta habali koatamah.
34Nyiami tou Yeruhalemǃ Ɗa nabi mihamatihaǃ Ɗa tou papaleawana hi Alla mikaɓeanaha watu lapakung aɗa maetiǃ Langa pabira wudanguka Nyouwa ak kabu ating pa apulum nyiami bollu mearang ɓei manu nama kaɓuꞌuluha ɗa anan ta dawa kapana, ʄiaɗinguka dami weakumangǃ 35Kaɗang ʄiayaka hi Alla dana hilu haɗiɗimi. Kam peanyaya, waling ya nyiami dami hilu itamawah Nyouwa, lapakung ami panewi, ‘Kanyuru-kanaga Ɗunna, na Rajada nama aming ta ɗalu ngarana hi Moiri.’ ”
Επιλέχθηκαν προς το παρόν:
Lukah 13: wnk
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2024 (Active), Wycliffe Bible Translators, Inc. All rights reserved.