Chiyambo 10
10
Mbumba yaku Nowa
(1 Mikoka 1.5-23)
1Iyi ndi mphapu ya ŵana ŵanthurumi ŵaku Nowa, Shemu, Hamu, ndi Yafete, ndipo kwaku iwo kungupapika ŵana ŵanthurumi pavuli pa zandi.
2Ŵana ŵanthurumi ŵaku Yafete; Gomere, Magogi, Mada, Yavani, Tubula, Meshek, ndi Tirasa. 3Ŵana ŵanthurumi ŵaku Gomere Ashikenaza, Rifata, ndi Togarama. 4Ŵana ŵanthurumi ŵaku Javana: Elisha, Tarshishi, Kitimi, ndi Dodanimi. 5Kutuliya mwaku yaŵa ŵanguchpaliya ŵanthu ŵa mulikumba. Yaŵa mbana ŵanthurumi ŵaku Yafete mu vyaru vyawo, we yose ndi mazu ghake, mu mbumba zawo, mu mitundu yawo. 6Ŵana ŵanthurumi ŵaku Hamu: Kushi, Ejupiti, Putu, ndi Kanani. 7Ŵana ŵanthurumi ŵaku Kushu: Sebe, Havila, Sabita, Rama, ndi Sabiteke. Ŵana ŵanthurumi ŵaku Rama: Sheba ndi Dedana. 8Kushi wangupapa Nimirode; ndiyu wenga wakudanga pa charu chapasi kuŵa chirimbi. 9Wenga chiŵinda wakulimba paurongo pa Ambuya; chifukwa cho kuneneka “Uli ndi Nimirode chiŵinda wakulimba paurongo pa Ambuya.” 10Kwamba kwa ufumu wake kwenga Babele, Ereke, ndi Akada, vyose ivi mu charu cha Shinara. 11Kutuwa ku charu chiya wanguruta ku Asiriya, ndi wanguzenge Nineve, RehobotiIri, Kala, 12ndi Resene pakati pa Nineve ndi Kala, wo ndiwo msumba ukuru. 13Egipiti wangupapa Ludimi, Anamimu, Lehabimi, Naputuhimi, 14Patrusimu, Kasluhimu mo mungutuwa ŵaFilisti ndi Kapatorimi. 15Kanani wangupapa Sidoni wa umwali wake, ndi Hete, 16ndi ŵaYebusi, ŵaAmori, ŵaGirgashi, 17ŵaHivi, ŵaArki, ŵaSini, 18ŵaArivadi ndi ŵaZemari ndi ŵaHamati, Pavuli mbumba za ŵaKanani zingusapatiya kwakurutiriya. 19Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha. 20Yaŵa mbana ŵanthurumi ŵaku Hamu, mu mbumba zawo, malilime ghawo, vyaru vyawo, ndi mitundu yawo. 21Kwaku Shemu nako, wiske wa ŵana wose ŵaku Ebere, muku waku Yafete, kungupapika ŵana. 22Ŵana ŵanthurumi ŵaku Shemu: Alama, Ashuru Arpakahadi, Ludi, ndi Aramu. 23Ŵana ŵanthurumi ŵaku Aramu: Uzi, Hulu, Getere, ndi Masha. 24Arpakahadi wangupapa Shela, ndipo Shela wangupapa Ebere. 25Kwaku Ebere kungupapika ŵana ŵanthurumi ŵaŵi, zina la yumoza lenga Pelege, pakuti mu mazuŵa ghake charu chapasi chingugaŵikana, ndipo zina la mhurwa wake, lenga Yokotani. 26Yokotani wangupapa Almodada, Shelepe, Hazaramavete, Jera, 27Hadoramu, Uzala, Dikila, 28OBala, Abimaele, Sheba, 29Ofiri, Havila ndi Yobaba; wose yaŵa ŵenga ŵana ŵanthurumi ŵaku Yokotani. 30Charu chenicho ŵajangamo chingurutiriya kutuwa ku Mesha kurata ku Sefara kuya ku charu cha mapiri cha ku vuma. 31Yaŵa mbana ŵanthurumi ŵaku Shemu, mu mbumba zawo, malilime ghawo, vyaru vyawo, ndi mitunda yawo. 32Izi ndi mbumba za ŵana ŵanthurumi ŵaku Nowa, ndi mphapu zawo, mu mitundu yawo, ndipo kuturiya mwaku yaŵa mitunda yingusapatiya kwakututiriya pa charu pavuli pa zandi.
Επιλέχθηκαν προς το παρόν:
Chiyambo 10: TongaMw
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Bible Society of Malawi