လံာ်စီၤမိၤရှ့အခီၣ်ထံးတဘ့ၣ်. ၁၄
၁၄
1ဒီးတၢ်မၤအသးလၢၡံနၢ်အစီၤပၤအးမရၤဖ့လး, အ့း လးစၢ်အစီၤပၤအၤရယိာ်, ဧ့ၤလၣ်အစီၤပၤကဒၢ်လဧိ မ့ၢ်, ဒီးပှၤကလုာ်တဖၣ်အစီၤပၤတံးဒၤလးသ့ၣ်တဖၣ် အမုၢ်နံၤတဖၣ်န့ၣ်, 2လၢအဝဲသ့ၣ်ဒုးလိာ်အသးဒီးစဒိၣ် အစီၤပၤဘ့ရၤဒီးဂမိရၤအစီၤပၤဘံးရၡၤ, အၤဒမၤအစီၤ ပၤၡံးနာ်, ဒီးစဘိအံၣ်အစီၤပၤရှ့မ့ဘ့ၢ်, ဒီးဘ့လၤ (အဝဲ န့ၣ်မ့ၢ်စိၤဧၢ်) အစီၤပၤလီၤ. 3ပှၤတဖၣ်အံၤဒီတံၤဒီသ ကိးလိာ်အသးခဲလၢာ်လၢတၢ်ပၢၤခိၣ်စံးဒံၣ် (အဝဲန့ၣ် မ့ၢ်ပီၣ်လဲၣ်အံသၣ်) လီၤ.
4အဝဲသ့ၣ်မၤကဒၢ်လဧိမ့ၢ်အတၢ်တဆံခံနံၣ်, ဒီးတဆံ သၢနံၣ်တနံၣ်န့ၣ်ဂဲၤထၢၣ်ထီဒါထီၣ်အီၤလီၤ. 5ဒီးတဆံ လွံၢ်နံၣ်တနံၣ်န့ၣ် ကဒၢ်လဧိမ့ၢ်ဟဲဝဲဒီး စီၤပၤသ့ၣ်တ ဖၣ်လၢအအိၣ်ဒီးအီၤ, ဒီးကျီကွံာ်ပှၤရၤဖၤဖိအိၣ်လၢဧၤ ၡတါရိၤကၢ်နါယံၣ်, ဒီးပှၤစူစၤဖိအိၣ်လၢဟၣ်အပူၤ, ဒီးပှၤအ့ၣ်ဖိ အိၣ်လၢၡၤဝ့ကးရယးသံၣ်, 6ဒီးပှၤဃိၢ်ဖိ အိၣ်လၢအကစၢၢ်စ့ဧၢ် ပၢၢ်လၢအ့လးဖရၣ် လၢအအိၣ် လၢပှၢ်မုၢ်ကနၢအဃၢၤန့ၣ်လီၤ.
7ဒီးဟဲက့ၤကဒါက့ၤဝဲ, ဒီးလဲၤဝဲဆူဧ့ၣ်မံးၡပး (အဝဲ န့ၣ်မ့ၢ်ကၤဒ့ၣ်)လီၤ. ဒီးကျီကွံာ် ပှၤဧမၤလ့းဖိအကီၢ်ဒီ ဘ့ၣ်ညါ, ဒီးပှၤအမိၢ်ဖိစ့ၢ်ကီးလၢအအိၣ်အဆိးလၢဃၤ စစိၣ်တါမၢ်အပူၤလီၤ.
8ဒီးစဒိၣ်အစီၤပၤ, ဒီးဂမိရၤအစီၤပၤ, ဒီးအၤဒမၤအ စီၤပၤ, ဒီးစဘိအံၣ်အစီၤပၤ, ဒီးဘ့လၤ (အဝဲန့ၣ်မ့ၢ် စိၤဧၢ်) အစီၤပၤသ့ၣ်တဖၣ်လဲၤထီၣ်ဒီး ဒုးတၢ်ဒီးအီၤ လၢတၢ်ပၢၤခိၣ်စံးဒံၣ်လီၤ.
9ဒုးတၢ်ဒီးဧ့ၤလၣ်အစီၤပၤ ကဒၢ်လဧိမ့ၢ်, ဒီးပှၤက လုာ်တဖၣ်အစီၤပၤတံးဒၤလး, ဒီးၡံနၢ်အစီၤပၤအးမရၤ ဖ့လးဒီးအ့းလးစၢ်အစီၤပၤအၤရယိာ်လီၤ. စီၤပၤလွံၢ်ဂၤ ဒုးတၢ်ဒီးယဲၢ်ဂၤလီၤ.
10ဒီးတၢ်ပၢၤခိၣ်စံးဒံၣ် ပှဲၤဒီးကျဲတံးအပူၤ, ဒီးစဒိၣ်ဒီး ဂမိရၤအစီၤပၤတဖၣ်ဃ့ၢ်ဝဲ, ဒီးလီၤတဲာ်ဖဲန့ၣ်, ဒီးပှၤ လၢအအိၣ်လီၤတဲာ်တဖၣ်န့ၣ် ဃ့ၢ်ဝဲဆူ ကစၢၢ်ကလိ လီၤ. 11ဒီးပှၤဟံးန့ၢ်စဒိၣ်ဒီး ဂမိရၤအတၢ်ဖိတၢ်လံၤခဲ လၢာ်, ဒီးအတၢ်အီၣ်တၢ်အီခဲလၢာ်, ဒီးလဲၤတၢ်လီၤ.-
12ဒီးဟံးန့ၢ်စီၤအၤဘြၣ်အဖိဒိၣ်စီၤလိာ် လၢအအိၣ်လၢစ ဒိၣ်အပူၤ, ဒီးအတၢ်ဖိတၢ်လံၤ, ဒီးလဲၤတၢ်လီၤ.
13ဒီးပှၤလၢအထူၣ်ဖျဲးတဂၤ ဟဲစံးဘၣ်တဲဘၣ် ပှၤဧ့ၤ ဘြံၤဖိစီၤအၤဘြၣ်လီၤ. ဒီးအဝဲဒၣ်န့ၣ်အိၣ်ဝဲဖဲ မၤမရ့ အသ့ထိးဖၣ်လီၤ. ဒီးမးမရ့မ့ၢ်ပှၤအမိၢ်ဖိ, ဒီပုၢ်ဝဲၢ်ဒီးစီၤ အ့ၡကိၤလး, ဒီးဒီပုၢ်ဝဲၢ်ဒီးစီၤဧၤန့ၢ်လီၤ. အဝဲသ့ၣ်တ ဖၣ်န့ၣ်ဒီသိၣ်ဒီးစီၤအၤဘြၣ်လီၤ.
14ဒီးတုၤစီၤအၤဘြၣ်နၢ်ဟူလၢ တၢ်ဖီၣ်န့ၢ်အဒီပုၢ်ဝဲၢ်ဒီး, ကတဲာ်ကတီၤပှၤလၢ အသိၣ်လိအီၤလၢအအိၣ်ဖျဲၣ်လၢ အဟံၣ်ပူၤ, ပှၤသၢကယၤတဆံဃိးဂၤ, ဒီးလူၤပိာ်အခံ ဆူဒၣ်လီၤ.
15ဒီးအဝဲဒၣ်ဒီးအကုၢ်အပှၤနီၤဖးလိာ်အသး ထီဒါအီၤ လၢမုၢ်နၤဒီးကျီကွံာ်အီၤ. ဒီးလူၤအီၤဆူဃိဘၤ, လၢအ အိၣ်လၢဝ့ၢ်ဒၤမ့ၤစ့းအစုစ့ၣ်တခီလီၤ. 16ဒီးဟဲက့ၤစိာ်က ဒါက့ၤတၢ်ဖိတၢ်လံၤခဲလၢာ်, ဒီးဟဲက့ၤစိာ်စ့ၢ်ကီးအဒီ ပုၢ်ဝဲၢ်စီၤလိာ်, ဒီးအတၢ်ဖိတၢ်လံၤ, ဒီးပိာ်မုၣ်ပိာ်မၢၤ စ့ၢ်ကီး, ဒီးပှၤဂီၢ်မုၢ်ဂီၢ်ပၤလီၤ.
17ဒီးလၢစီၤအၤဘြၣ်ဟဲက့ၤကဒါက့ၤ လၢအကျီကွံာ် ကဒၢ်လဧိမ့ၢ်, ဒီးစီၤပၤသ့ၣ်တဖၣ်လၢအအိၣ်ဒီးအီၤအ လီၢ်ခံန့ၣ်, စဒိၣ်အစီၤပၤလဲၤသဂၢၢ်ထီၣ်အီၤ လၢတၢ် ပၢၤခိၣ်ၡၤဝ့အပူၤလီၤ. အဝဲန့ၣ်မ့ၢ်စီၤပၤအတၢ်ပၢၤခိၣ် လီၤ.
18ဒီးၡၤလ့ၣ်အစီၤပၤ မးလကံစဒ့းဟဲက့ၤစိာ်ထီၣ်ကိၣ် ဒီးစပံးထံလီၤ. အဝဲန့ၣ်မ့ၢ် တၢ်ထီကတၢၢ်ကစၢ်အပှၤ လုၢ်တၢ်အဒိၣ်လီၤ. 19ဒီးဆိၣ်ဂ့ၤအီၤ, ဒီးစံးဝဲဒၣ်, စီၤ အၤဘြၣ်ဘၣ်ဃးဒီး တၢ်ထီကတၢၢ်ကစၢ်လၢအအိၣ်ဒီး ဟီၣ်ခိၣ်ဒီးမူခိၣ်န့ၣ်, မ်အဘၣ်တၢ်ဆိၣ်ဂ့ၤအီၤတက့ၢ်.-
20ဒီးတၢ်ထီကတၢၢ်ကစၢ်လၢအဟ့ၣ်လီၤ နဒုၣ်နဒါလၢန စုပူၤန့ၣ်, မ်အဘၣ်တၢ်ဆိၣ်ဂ့ၤအီၤတက့ၢ်. ဒီးအဝဲဒၣ် ဟ့ၣ်အီၤလၢတၢ်ခဲလၢာ်ဆံဆဲၣ်ပူတပူလီၤ.
21ဒီးစဒိၣ်အစီၤပၤစံးဘၣ် စီၤအၤဘြၣ်, ဟ့ၣ်ယၤလၢ ပှၤကညီ, ဒီးဟံးန့ၢ်တၢ်ဖိတၢ်လံၤလၢနဂီၢ်ဒၣ်နဲတက့ၢ်.
22ဒီးစီၤအၤဘြၣ်စံးဘၣ်စဒိၣ်အစီၤပၤ, ယယူာ်ထီၣ်ယ စုဆူယွၤတၢ်ထီကတၢၢ်ကစၢ်လၢအအိၣ်ဒီး ဟီၣ်ခိၣ်ဒီး မူခိၣ်န့ၣ်, 23လၢယတဟံးန့ၢ်ဘၣ်တၢ်အိၣ်ဒီးနၤနီတမံၤ, ထဲလုၣ်တဘိ, ထဲခီၣ်ဖံးပျံၤတဘိယတဟံးဘၣ်. နက စံးဘၣ်ဖုး, ယဒုးထူးထီၣ်တီၤထီၣ်စီၤအၤဘြၣ်လီၤ.
24ယကဟံးန့ၢ်ထဲတၢ်လၢ ပှၤဖိၣ်သၣ်ခွါတဖၣ်အီၣ်တၢ်, ဒီးပှၤလၢအလဲၤတၢ်ဒီးယၤ, စီၤဧၤန့ၢ်, စီၤအ့ၡကိၤလး, ဒီးစီၤမးမရ့အဂီၢ်လီၤ. အဝဲသ့ၣ်တဖၣ်န့ၣ် ကဟံးန့ၢ် ဒၣ်ဝဲလၢအဂီၢ်တက့ၢ်.
Επιλέχθηκαν προς το παρόν:
လံာ်စီၤမိၤရှ့အခီၣ်ထံးတဘ့ၣ်. ၁၄: KSWM
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Sgaw Mason Bible © Bible Society of Myanmar, 1853.