Matthew 3
3
NAKATA 3
John Baptaiektikun unipkak
1Tapfumani John Baptaiekti tikittainaktuk ilithauyyivluni Judaemi inuilgulmi, 2“Ihumaliukikpagittiguk kilaum atanguvia kaglilengman”. 3Isaiam tamna inuk ukautigiyaa ukakpagami,
“Inuilgulmi inum tukhulautum nipaa tuhaanaktuk, apkuhiugitti Atanek pivlugu, apkutingit nalguktihigit.”
4Ilaa John annugakakhimayuk camelim amianik, tapfihimavluni ayyikutaanik amingmik. Negivaktuk milugiayuanik igutamlu ukhuiniktauk. 5Talva inuit Jerusalemiullu Judaemiullu, Jordam nunaaninlu John upaktaat 6baptaiektauyumavlutik kugagmi Jordanmi tapfumanga ukautigivlugit huinekutitik. 7Pharisekut, Sadducekullu amihut tikinmata baptaiektauyumangmata Johnim ukautiyain, “Nimegiangukpiagaluaktuhi kia kimaukuyaahi nangianaktumin kailektumin? 8Takki allangukuvluhi nagutkiyamun naguyumik havakpagluhi, 9ilipfingniglu ukaktailuhi, 'Uvagut Abraham angutigiyagaluakput'. Ukautigapfi, God piyumagumi kitungakliukhunguyuk Abrahamun uyagangnin hapkunanga. 10Atuaktaun upalungayaktuk napaaktumun. Napaaktun nalliat ahianiyuitkumik kipiyauyukhat ikualakuvlugit. 11“Uvanga imengmun baptaiekpagipfi ihumaliukikuvluhi, kingunipkunlunin inuk tikittukhak uvamnin ataniukiyauyuk. Ilaa tapfuma kamiitlunin tigumiaktakhagingitagaluakka kanguhutikhakakpallaagama. Tapfumali baptaiekhunguyaahi Anengnimik Naguyumik, ingnengmiglu. 12Tapfuma pualgitini atugniaktaa ihuakuvlugu tutkugvium natia kattikuvlugit mukpauyakhait naguyun mukpauyakhagvingmun igitugit igitauyukhat ingnengmun kamilaitumun.
Jesus baptaiektauyuk
(Mk. 1:9-11; Lk. 3:1-17)
13Tapfumani Jesus Galileemin kaivluni Jordanmun kugagmun tikittuk baptaiektauyumavluni Johnmin. 14Johnli taimaliugumangngitgaluaktuk ukakhuni, “Uvanga baptaiektauyukhauyugaluyungali ilingnin. Hug ilvin tikitpinga?” 15Kiugamiuk Jesus ukallangmiyuk, “Takkili, Godim piyumangit pilit.” Johnlu angektuk. 16Jesuslu baptaiektaugami kakivluni imangmin, tayyainak kilak angmangman tautuktaa Godim Anengniga atkaktillugu tingmiaktun inminun tikittuni. 17Aahintauk nipi kilangmin tuhaanaktuk ukakhuni “Una engniga nagugiyaga akhun kuviahutigivlugulu.”
Επιλέχθηκαν προς το παρόν:
Matthew 3: Sperry
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
©1972 Canadian Bible Society