Kabavelamu 2
2
1Beqa abama, pwayapwaya wete saku puedi pwayapwaya tabwaneye Yaubada gunabeida ivalabubuna-kakavadi. 2#Isa 20:11Beqa kaiata kanavesikisi waineye valabubuna puena ivekakavadi, we kaiata kanaveseveni waineye lituqaeqa iveyawai. 3We kaiata kanaveseveni ivonavenapwayeweni. Kaiatanina ivesinueni wete igiavemaqetai Kaiata Kabaveyawai, paina dede kaiatanina vakai puepuena pwayepwayeye gunabeida ivalabubunidi ikakava beqa nalituqa waineye iveyawai.
Iave tomo'otoqa ivalabubunidi
4Iave Yaubada abama wete pwayapwaya ivalabubunidi ikakava. Vesipusipupunina dede mesaida: Tutuyanina Iave Yaubada abama wete pwayapwaya ivalabubunidi, 7pwayapwaya ikewai beqa tomoqo ivalabubuni. Iave yawasa kanayawaina iyuvedamaneni tomoqo gabunineye, we tomoqo iyawasa.
8Gunabeida Iave Yaubada kaivuavuaqa kanatanoqa ibaguli vikai Ideni waineye, bolimanaeqa (isiti), we no waineye tomoqo iyatoi. 9Kaivuavuaqa kadikisa giamaidi Iave Yaubada igiavetabwadi no waineye itabwa ivuavuaqa giamaidi. We kaivuavuaqa kanatanoqa gamwaneye kaivuavuaqa kailuqa vesivesinuadi itovotovoi. We yawaina kanakaivuavuaqa vuana ikalaqei yawaina vaqata, we tamo yagova kanakaivuavuaqa vuana kanasala tomo'otoqa inagiaveyagovi giamaina kapoina matatabuna waidie'eqa.
15Iave Yaubada tomoqo iyatoi kaivuavuaqa kanatanoqe Ideni naqeneye nalituqi wete inakisavekavini. 16We Iave Yaubada tomoqo ivoneni ivo, “Kaivuavuaqa kanatanoqa naqeneye kanasala kaivuavuaqa puedi vuadi kikanidi. 17We no kaivuavuaqanina kanasala tomo'otoqa inagiaveyagovidi giamaina kapoina matatabuna waidie'eqa, beqa ge kikania. No kaivuavuaqanina vuana ge kikania. Kago kikaniaqa, we kaiatanina kiwapa.”
18We Iave Yaubada ivo, “Tomoqo imiamia kaisena ge giamaina. Kanatokaivaisa aivalabubuni gumanina kanakweyabu.” 19Gunabeida Iave Yaubada pwayapwaya tupwaidiavo ikewadi we kaisaya wete manuqa matatabudi ivalabubunidi. Matautauda ikewadi imaiedi tomoqo waineye nakisedi vakai inaqoledi we vakai tomoqo iqoledi, kadiwavaqa kaia mesaida. 20Beqa tomoqo manuqa matatabudi wete kaisaya matatabudi, tauvanuqa wete kaisaya walawalakai kadiwavaqa iqoledi, we ge tamo waidie'eqa gumanina kanatokaivaisa we kanakweyabu giamaina idababaneni.
21Beqa Iave Yaubada tomoqo igiavekenomataivi, we tutuyanina ikenokeno tomoqo lumalumana tamo ikewai, we vovona itutubodai. 22We Iave Yaubada tomoqo lumalumanaeqa vavine ivalabubuni, we tomoqo waineye imaieni.
23We tomoqo ivo,
“O, deqoina tutuyanina gumanina luluna lulugueqa we vaiqona vaiqogueqa.
Dede gumanina tomoqo waineye'eqa ikewai,
beqa aiqoleni vavine.” #2:23 Ibeliu bonadi vavine paipaina kananoqaya mesaida Ibeliu tomoqo paipaina.
24 #
Mak 10:7, 8 No mesaida isauyeni beqa tomoqovo tamadiavo wete inadiavo inabailedi we memwanediavo inavemialuqedi inavebunu tamoqana.
25We tomoqo wete mwanena kadikailuqa ivekayakaigwene, we ge idavovomayamayaqa.
Επιλέχθηκαν προς το παρόν:
Kabavelamu 2: mzz
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2023 (Active), Wycliffe Bible Translators, Inc. All rights reserved.