Zlr 13
13
1Ka sliʼaftá Abram ma Masar, ka ŋlaghata nda ma Negev kawadaga nda markwa taŋ, nda inda tsa skwiha ni ya tani, mista ni Lut guli.
Vra Abram da Betel
2Nuna Abram ka gadghəl katakata kabga mamu rina ni, nda tsedi, nda dasu da tsi. 3Ka sliʼaftá tsi nzaha ma ya vli, nzaha ma ya vli daga ma Negev ha ka ɓhadaghata da Betel ma vla si dzugwata ni ta tumpula ni ma takataka Betel nda Ghay ya kay. 4Ma tsa vli si dzihwaf tsi ta gwir ya, hada, ka hgə Abram ta hga Yawe nda ma duʼa.
Dga vgha i Abram nda Lut
5Lut ta dzaʼa kawadaga nda Abram ya guli ná, mamu ŋa ni ma rina fisik, nda slaha, nda tumpulha guli. 6Slaghu a tsa vli ya ka ŋəglaftá həŋ demdem wu, kabga furtu furta ndəghata tsa gnaʼuha taŋ ya, laviŋ a həŋ ta nzuvusta wa. 7Ka slatá zlərɗa wi mataba gwal ta ngha rina Abram, nda gwal ta ngha rina Lut. Tsaw tata tsa haɗik ya ta nzakwa la Kanʼana, nda la Periz guli. 8Ka Abram nda Lut mantsa: « Wya dzvu, ma lam zlərɗa wi da taba u, ma lam tsi guli da taba gwal ngha rina ɗa nda ŋa gha, kabga zwaŋama u. 9Zugudughus a inda na haɗik na ta wa ira gha wu, dga u vgha. Ka ta dzaʼa nda ga zlaɓa ka, dzaʼa iʼi nda ga zeghwi. Ka ta dzaʼa nda ga zeghwi ka, dzaʼa iʼi nda ga zlaɓa, » kaʼa. 10Ka nghidiŋtá Lut ta inda tsa daɓi təv zala Yardeŋ ghənzəv nzakwa ni ya. Ma kɗaku Yawe ka zaɗanatá Sədum nda Ghamura, tsa daɓi ha ka laghwi təv Tsughwar ya ná, si manda gama Yawe nzakwa ni, manda Masar. 11Lagha Lut ka zəbaptá inda kwakwara Yardeŋ, ka sliʼaftá tsi ka laghu nda ma mndəra luwa. Mantsa ya ka həŋ dgatá vgha. 12Ka nzatá Abram ta haɗika Kanʼana, ta nzatá Lut ma tsa luwaha ma daɓi ya. Ka dzagu tsi ta tumpulha ni hada ka gavu təv Sədum. 13Ama tsa gwal ma luwa Sədum ya ná, ta sidi həŋ, dagala dmaku ta gə həŋ ta wa ira Yawe.
Kuraghuta vli dzaʼa vlaŋta Yawe ta Abram nda zivira ni tani
14Tahula dgata i Lut ta vgha nda Abram, ka Yawe nda Abram mantsa: « Kapaŋ ghəŋa gha ma tsa vli nza ka ya, ka nghadapta ka nda ga mazlay, nghadap ka nda ga maghura nghadap ka nda ma mndəra luwa, nghadap ka nda ga mazu. 15Inda na haɗik ta nghə ka na, dzaʼa vlaghatá kagha yu nda zivira gha tani ŋa ɗekɗek. 16Dzaʼa yanaf ya yu ta zivira gha tusak manda gəninika haɗik. Ka dzaʼa mbəɗaf mbəɗa lu ta gninika haɗik katsi ná, dzaʼa mbəɗaf mbəɗa lu ta zivira gha guli. 17Sliʼaf sliʼa ka ranafta ka ta na haɗik na, lab ka nda təv slrakwa ni, lab ka nda təv bughwata ni, kabga ŋa gha dzaʼa vlaghata yu, » kaʼa. 18Tahula tsa, ka sliʼanaftá Abram ta tumpulha ni, ka laghu da nzata ndusa nda fuha dagala dagala ma Mamre ndusa nda Hevruŋ. Ka dzihwanaftá tsi ta gwir ta Yawe hada.
Επιλέχθηκαν προς το παρόν:
Zlr 13: xed
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Wycliffe Bible Translators, Inc. All rights reserved.