Genesis 4
4
I Cain at i Abel
1Sipingnan neng Adan ing asawa nang i Eva at mebuktut ya, at beit ne i Cain. Ngana, Mikayanak kung metung a lalaki king saup na ning Ginu. Inya Cain#4:1 CAIN: Iting lagyu kawangis ne ning amanung Hebreong tinggap. ing pemalagyu na king anak na. 2Beit ne ing metung pang anak a lalaki. Abel ing lagyu na. Pastul ya i Abel at i Cain naman ortelanu ya. 3Dinatang ing aldo at i Cain migdala yang aibie na king Ginu ibat king bunga na ning gabun. 4#Heb 11:4.I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain. 5Oneng e ya metula kang Cain at king ain a darala na. Mimua ya i Cain at meslam ya lupa. 6Ngana ning Ginu kang Cain, Obat mua ka? Obat maslam ka lupa? 7Nung mayap ing gewa mu, sukat kang tumula;#4:7 sukat kang tumula: O kaya: tinggap ku sa ing ain mu. nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.
8 # Kab 10:3; Mt 23:35; Lc 11:51; 1 Jn 3:12. Misan a aldo, nganang Cain kang Abel a kapatad na, Tara, munta kata king marangle. Minta la king marangle at kabang atyu la karin, lepitan neng Cain i Abel at pete ne.
9Kanita nganang mengutang ning Ginu kang Cain, Nukarin ya ing kapatad mung i Abel?
E ke balu, nganang mekibat. Aku wari ing talaingat king kapatad ko?
10 # Heb 12:24. Kanita ngana ning Ginu, Obat gewa mu ing anti kanyan? Kukulait kanaku ibat king gabun ing daya na ning kapatad mu. 11Manibat ngeni makasumpa ka at mitabi ka king gabun a mistulang asbuk a mininum king dayang pepatulu mu king kapatad mu. 12Mananaman ka man, oneng ala yang ibie pupul ing gabun; ala kang pupulan. Maglibut-libut ka king mabilug a yatu at e ka malyaring mipaindatun nu man karin.
13Nganang Cain king Ginu, Kabayat nang pusanan niting binie yung parusa! 14Palakuan yu ku king gabun a iti at mabating ku ban e yu na ku akit; maglayas-layas kung alang tuknangan king lupa na ning yatu, at paten na ku ning ninumang manakit kanaku!
15E makanyan, ngana ning Ginu kang Cain. Itang makamate keka, makatapitu yang besis miparusan. Mibili yang metung a tatak ing Ginu kang Cain ban e ne paten ning ninumang taung manakit kang Cain. 16Meko ya i Cain king arapan na ning Ginu at menuknangan ya king sakup ning Nod,#4:16 NOD: ing kabaldugan na maglito-lito. king dane nang aslagan ning Eden.
Ding Lahi nang Cain
17Sipingnan neng Cain ing asawa na; mebuktut ya at beit ne i Enoc. Telakad neng Cain ing metung a siudad, at pekilagyu ne iti king anak nang i Enoc. 18I Irad ya ing meging anak nang Enoc, at meging anak na ne man Irad i Meuyael. Anak neng Meuyael i Metusael, at anak neng Metusael i Lamec. 19Adua ya asawa i Lamec; i Ada at i Zilla. 20Beit neng Ada i Jabal; ya ing pipumpunan da ring taung manuknangan karing tolda at manese animal antimo ding baka. 21Jubal ne man lagyu ing kapatad na; ya naman ing pipumpunan da ring sablang manigtigan lira at plauta. 22Beit neng Zilla i Tubal-Cain a pipumpunan da ring taung biasang gawa karing kasangkapan a tangsu at bakal. Naama ya lagyu ing kapatad nang babaing Tubal-Cain.
23Nganang Lamec karing asawa na,
Ada at Zilla, pakiramdaman yu ku!
Pete ke ing metung a kayanakan uli ning penasakit na ku.
24Nung ing makamate kang Cain makatapitu yang besis miparusan,
ing kang Lamec naman makatapitung pulu't pitung besis.
I Set at i Enos
25Pasibayu neng sipingnan Adan ing asawa na, at menganak yang lalaki at pemalagyuan neng Set. Dininan na kung aliwang anak ning Dios, nganang Eva, bilang kalibe nang Abel a pete nang Cain. 26Mikayanak yang metung a lalaki i Set, at pemalagyuan neng Enos. Kanita la megumpisang minaus ding tau king lagyu na ning Ginu king karelang pamanyamba.
Επιλέχθηκαν προς το παρόν:
Genesis 4: PmPV
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Philippine Bible Society New Testament © 1981, Bible © 1994