Δημοφιλή Βιβλικά εδάφια από YOANES 14

Κοινοποίηση

Ma liʼi mia mvoʼé , ma ve mia mvoʼé jam. Sake avale si ndône ja ve mia e nde ma fe ma ve mia. Nlem ô boʼo te kumetane mia, nge ko woñ.

Ane Yésus a nga jô nye na: Ma me ne zen , me to fe bebela, a ényiñ. Teke môt éziñ a ne ke be Tate, nye teke lôte be ma.

Nlem ô boʼo te kumetane mia; bunaʼane Zambe, bunane fe ma.

Ve Mvolô minlem, Mfufub Nsisim Tate a ye lôme mia a jôé dam, e nye a ye tuʼa yeʼele mia mam mese a baʼalane simesane mia e mam mese mamien me nga yeʼele mia.

E môt a bili metiñe mam a baʼale fe me, e nye a nyeʼe ma. E nde fe, e môt a nyeʼe ma, Esaa wom a ye nyeʼe nye, ma fe ma ye nyeʼe nye a ma ye liti nye mamien.

A mamien ma ye yeʼelan Esaa wom, éyoñe te a ye ve mia Mvolô minlem mfe na a zu tabe mia be nye nnôm éto. Nsisim benya mejôô, e wu si ndôn é se ngule ya nyoñ, amu é nji yene wô nge yeme ke wô. Ve mia mia yeme wô, amu ô too be mia, ô ne fe be mia.

Ajô te, e jam ése mia ye jaʼé a jôé dam, ma ye bo jame te, nalé Esaa a ye bi duma e be Mon. Nge mia sili me jôm éziñ a jôé dam, ma ye bo je.

Nge mia nyeʼe ma, mia ye baʼale metiñe mam.

E nda be Esaa wom, bitabaʼa bi ne abui. Nge nalé momo, ve me nga ye kate mia, amu ma ke kôme mia vôm.

Nge ma ke a mane kôme mia vôm, mamien ma ye bulane zu nyoñe mia, e vôm me too, vôm ate fe mia yé tabe.

E nde Thomas a nga jô nye na: A Nti, bi te yem e mfaʼa wo ke, bia ye yeme zene ya wôé aya?