Δημοφιλή Βιβλικά εδάφια από SAN MATEO 15

Κοινοποίηση

Pe nu ca i pøxi ir nejʉ, guehca̱ rí hñe̱h pʉ jer tzi mʉyjʉ. Cja̱ bbʉ rá nttzo ca guí ma̱, nubbʉ́, cierto ca Ocja̱ i cca̱jtiqui guí tu̱ ca rá nttzo. Porque rí hñe̱h pʉ jer tzi mʉyjʉ cʉ nttzomfe̱ni. Car mfe̱ni ca grí pöhti quer hñohui, car mfe̱ni ca grí jiöhtibi cár bbɛjña̱ pé hnar hñøjø o cár da̱me̱ pé hnar bbɛjña̱, car mfe̱ni ca grí jiöti hnar bbɛjña̱ o hnar hñøjø ca jin guí ntja̱jtihui, car mfe̱ni ca grí mpe̱, car mfe̱ni ca grí ña̱jqui bbɛtjri, car mfe̱ni ca grí jiøx quer mi̱nga̱‑cja̱hnihui tema cosa rá nttzo, göhtjo yʉ nttzomfe̱ni‑yʉ́ rí hñe̱h pʉ jer tzi mʉyjʉ.

Digue yʉ cosa yʉ dí tzijʉ, jin te i bbʉh ca i ccaxquijʉ ca Ocja̱ pa jin gu tzijʉ, como guegue jin gui nu̱guijʉ rá nttzo por rá ngue cʉ dí tzijʉ. Bbʉ da ma̱ngui palabra rá nttzo hnar cja̱hni, nucá̱ cierto, jin gui tzøh ca Ocja̱‑cá̱.

Yʉ cja̱hni‑yʉ, xøtzetjo ga hñizquigö‑yʉ́, Pe mbo ʉ́r mʉyjʉ, jin gui cuajqui‑yʉ́. Jin te ntju̱mʉy ga xöjtiguijʉ, Como jin gui gue cam palabragö i u̱jti quí mi̱nga̱‑cja̱hnijʉ pa da dɛn‑cʉ́, Gue quí mfe̱ni yʉ cja̱hnitjo i u̱jtijʉ. Ncjapʉ gá ma̱n car profeta‑cá̱.

Diguebbʉ, bi da̱h car Jesús, bi hñi̱na̱: ―Nuquɛ, na̱na̱, rá zö guir hñe̱me̱gui. Da ncja como ngu̱ guí neguɛ.― Cja̱ bi zö cár tti̱xu̱ desde car hora‑cá̱.

Nu car bbɛjña̱ nde̱jma̱ bi guati car Jesús, bi nda̱ndiña̱jmu̱ pʉ jáy hua, bi ndo dyöjpi favor, bi hñi̱na̱: ―Nuquɛ, Tzi Jmu̱, gui föxqui tzʉ.― Bi da̱j ya car Jesús, bi xifi: ―Jin gui tzö gu ja̱mbi cár tju̱jme̱ quí ba̱jtzi ca Ocja̱ pa gu ɛmbi yʉ tzi dyo.― Bi ma̱n car bbɛjña̱, bbʉ, i̱na̱: ―Cierto, Tzi Tada, pe nde̱jma̱ da jogui gui föxqui hne̱je̱. Porque guejti yʉ tzi dyo i tzí cʉ ngʉnti tju̱jme̱ cʉ i jøh pʉ jár mexa cár jmu̱jʉ.