Δημοφιλή Βιβλικά εδάφια από SAN LUCAS 12

Κοινοποίηση

Lo'o jua'a̱ cu'ma̱ ni, tii ti ti' tyi'i̱ ma̱ chalyuu; tya̱a̱ na' nu cua nda Ni 'na lijya̱a̱ cha' caca na' ñati̱, ná tyiquee' tya̱a̱ na' sca hora nu ná culacua ti' ma̱ cha' ca̱a̱ na'.

Si'i xcui' cuentya ji'i̱ ycui' ca ti ma̱ culacua ti' ma̱. Ndi'ya̱ cua'ni ma̱: taquiya' ma̱ ji'i̱ lcaa cha' nu nchcui' ycui' Ni, cha' caca Ni loo ne' cresiya ji'i̱ ma̱ su ndi'i̱ ma̱ nde chalyuu; jua'a̱ ta Ni lcaa na nu lyiji xi ji'i̱ ma̱ li'.

Lo'o li' chaca cha' nchcui' Jesús lo'o ñati̱ nu nga'a̱ slo: ―Tii ti' ma̱ tyi'i̱ ma̱ chalyuu. Ná tyacui tsa ti' ma̱ ji'i̱ lcaa cha' tso'o nu ntsu'u ji'i̱ ñati̱ nu lo'o ndi'i̱ ma̱ nde chalyuu; ná caja chalyuu chañi ca ji'na xqui'ya cha' culiya' na, ni si'i xqui'ya cha' ntsu'u quiña'a̱ tsa cha' tso'o ji'na.

Cua ña'a̱ ca cha' nu tyaca'a la ji'i̱ ma̱ chalyuu, tyanu cresiya ji'i̱ ma̱ ca su ntsu'u cha' bi', masi sca cha' tso'o nu ndyu'u co'o ji'i̱ ma̱ nde chalyuu, masi cha' tso'o nu cua nchco'o Ni cuentya ji'i̱ ma̱ ca su ntucua ycui' Ni.

Nga'aa caca caluu la ma̱ ni sa cla'be metro cua̱ la, masi quiña'a̱ tsa cha' culacua ti' ma̱

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

Lo'o jua'a̱ cu'ma̱, nda Ni cuentya ji'i̱ scaa ma̱, cua jlo ti' Ni ni lcua tya'a quicha̱' hique scaa ma̱; bi' cha' ná cutsi̱i̱ ma̱, cha' quiña'a̱ tsa ntsu'u loo cu'ma̱ ca slo ycui' Ndyosi. Ná stu'ba ntsu'u loo quiñi sube lo'o ma̱ tsiya' ti, masi lo'o quiña'a̱ tsa bi'.

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

Culacua xi ti' ma̱ ñi'ya̱ laca ji'i̱ na'ni nu naa cuitya̱'; ná ntyaa ni' nscua', ná ndu'ni ni' clacua, ná ntsu'u ni'i̱ ji'i̱ ni', ni ná ndiñá ni' ja'ba su xco'o ni' na cacu ni'; pana nda Ni na cacu ni' jua'a̱ ti. Lo'o cu'ma̱ ni, quiña'a̱ la ntsu'u loo cu'ma̱ que cuitya̱' bi' cuentya ji'i̱ ycui' Ndyosi.

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi'

La cui' jua'a̱ lo'o quii nu ndi'i̱ ne' quixi̱' jua juani, ndyaluu quii bi' tso'o ti; pana chaca tsa̱, li' nga'aa tyaca̱' cha' cua ndyaqui̱. Ycui' Ndyosi ndu'ni cha' tso'o tsa ña'a̱ quii; jua'a̱ cu'ma̱ ni, chañi cha' ta ycui' Ni late' cacu' ma̱, masi xti tsa cha' jlya ti' ma̱ ji'i̱ Ni.

Tiya' la quijeloo ji'i̱ ñati̱ lcaa cha' nu ntsu'u yacu̱' ti juani; jua'a̱ tiya' la caja ñi'ya̱ nu ca cuayá' la ti' ñati̱ lcaa cha' nu ndyaca cuaana ti juani.