Δημοφιλή Βιβλικά εδάφια από MATÉUS 2

Κοινοποίηση

Itus kali ocokd isé oné mbaru hitu, agu itag néng lisé Anak hitu, agu endén hi Maria, io agu suju néng lisé Hia. Og emi agu podo cecad oné Hia: emas, kemenyan agu mur.

Du poli loasn Mori Yésus oné béo Bétléhém tana Yudéa, lété du perénta de raja Hérodés, mais ata majus awo mai par te nggersalé Yérusalém, nénét kéta réid, mai taéd: “Nia kéta péng Hia, raja data Yahudi hitut loas weru? Polig itan lami ntalan awo par, mai dami ho’o kudut suju Hiakm.”

Du itan lisé ntala hitu, cembes kéta naid.

Landing woko polig toin oné nipi le Mori Keraéng kudut isé néka cénggo kolé oné hi Hérodés, itus kali lako salang bana kolé tanad. Du koléd ata majus situ ga, ita li Yosép oné nipi, malékat de Mori Keraéng, mai taén: “To’o ga, dadé Anak hitu agu endén, losi nggeroné Mesir, agu ka’éng nitum dengkir manga kolé reweng’g Aku agu hau, ai hi Hérodés kudut mbelé Anak hitu.”