Δημοφιλή Βιβλικά εδάφια από YOHANÉS 6

Κοινοποίηση

Mai wantil de Mori Yésus: “Akuy roti hitut te mosé laing; céing kaut ata mai oné Akuy, hia toé manga darem kolén, agu céing kaut ata imbi Aku, hia toé manga masa kolén.

Nai de Morin ata téing mosé, weki dité toé kéta manga betua laingn. Sanggéd tombo Daku situ kamping méu, hitus dé nai ata téing mosé.

Seber koém te gori, toé latang te hang bara hitut ngancéng pandé calang laing, maik latang te hang hitut ngancéng te mosé tédéng lén, hitut téing le Anak Manusia oné méu, ai Hia ata poli palasn le Mori Keraéng Ema.”

Ai ho’oy ngoéng de Ema Daku; kudut sanggéd taung ata siot poli ita Anak agu imbi Hias, ita mosé tédéng lén agu porong Aku pandé to’o isé du cemol lino.”

Mai walé de Mori Yésus: “Ho’o kéta gori ata henan oné nai de Morin; méu paka imbi oné Hia ata wuat le Mori Keraéng.”

Sanggéd taung ata situt téing li Emag oné Aku, te mai oné Akus, agu céing situt mai cé’é Akus, hia toé okéy Laku.

Mai walé di Simon Pétrus ngong Hia: “Mori, ngo kolé oné céingkm di ami? Reweng Dité tu’ung-tu’ung reweng te mosé tédéng lén

Akuy dé roti te mosé laing, ata poli wa’u éta mai Surgag. Céing kaut ata hang roti ho’o, hia te haéng mosé tédéng lén. Roti ho’ot téing Daku, hituy weki Daku ata téing Laku te mosé de lino.”

Toé kéta manga cengatan ata mai oné Akum, émé toé poto Liha Ema ata wuat Aku, agu hia pandé to’oy Laku du cemol lino.

Ai roti hitut oné mai Mori Keraéng, hituy roti ata wa’u éta mai Surga agu téing mosé oné lino.”

Akuy dé roti te mosé laing.

Poli hitu, Mori Yésus emi roti situ, étan wali di’a, agu pati péar oné isét lonto nitu; nenggitu kolés ikang situ pati péars Liha latang te ata dos situ, poro ngoéngd. Woko poli becurd taung ata do situ, mai taé'N agu ata nungku'N: “Nongko taung sanggéd roti situt récid boto manga ata oké bod.”

Remon wa ga aram lima ko enem kilo métér tadangn bisé wangka disé, ita lisé Mori Yésus lako kauty lobo waé mai ruis wangka disé. Isé rantang kéta taungs. Maik mai taé Diha ngong isé: “Aku ho’o, néka rantang!”