Δημοφιλή Βιβλικά εδάφια από Dunuɲa Fɔlɔna 27

Κοινοποίηση

Ala xa xiila fi i ma naxan kelima kore. Ala xa dahamu bɔxɔn fi i ma. Ala xa barakan sa i ya xɛɛni. Ala xa wudi bogi igen fi i ma. Ala xa i dɔxɔ siyane xun na. Ala xa siyane magodo i xa. I xa findi i ngaxakedenne yɛɛratiin na. E birin xa e magodo i bun ma. Muxu yo na i danga, na dangan xa xɛtɛ a kanna ma. Muxu yo na duba i xa, na kanna fan xa duban sɔtɔ.”

Esayu yi a fala, a naxa, “A xinla yatina a xun ma, Yaxuba. A sanɲa yi firinden ni i ra a n yanfama. A bata n ma foriya tiden tongo. Iki a bata n ma duban fan tongo.” Esayu mɔn yi a fala, a naxa, “Duba yo mi fa i yii sɔnɔn, i lan i xa naxan ti n tan xa?”

A baba Isiyaga yi a yabi, a naxa, “A kolon, i mi fama bɔxɔ faɲi sɔtɔdeni, hanma xiila naxan kelima kore. I ya silanfanna nan fama i balodeni. I fama walideni i xunyɛn nan bun ma, koni i fama nɛn i yɛtɛ sɔtɔdeni. A nɔɔn naxan sama i ma, i murutɛma nɛn na bun.”

Esayu yi a fala a baba xa, a naxa, “N ba, duba keden peen nan i yii ba? N baba, duba n fan xa.” A yi wuga a xuini texin na.