Δημοφιλή Βιβλικά εδάφια από Iruka 23

Κοινοποίηση

Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.

Miꞌi hawyi Iesui tiwesat raꞌyn -Pywo pe ti mesup eꞌat pe ereineꞌen uiwywo uhetama sese pe e Iesui tomohey pakup takat pe mekewat saꞌawyꞌi miitꞌin auka hat pe ariaꞌyp posak pyi.

Miꞌi hawyi Iesui pe toꞌe -Mehin e yt uiwaure teiꞌo En karapeĩ ereineꞌen Wuatꞌi Miitꞌin Potypot nuat turan e.

Miꞌi hawyi ariaꞌyp posak pyi Iesui toꞌe tehay pirik wo Tupana pe -Papai e epo pe raꞌyn atoiat Uipaꞌãu e. Mio tã toꞌe ipyhu tek taꞌyn hawyi ikuꞌuro raꞌyn.

Miꞌi hawyi putꞌok iꞌatuꞌe itote mekewat yityꞌok saꞌag note mekewat yityꞌok nu kawiat miit akag kag ewywuat hap tote hawyi taꞌatupehik taꞌyn Iesui imoheg hap koꞌi wo teꞌariaꞌyp posak ete. Miꞌi hawyi taꞌatupoĩꞌam ywaipe. Miꞌi hawyi taꞌatupehik wy mekewat typy ok yt naku i sese nug haria wy taꞌatuꞌariaꞌyp posak koꞌi ete hawyi taꞌatupotꞌam wẽtup ok Iesui po sese kai hawyi wẽtup ok ipo ran kai.

Miꞌi hawyi atposake putꞌok e hawyi wãtym kape putꞌok e myẽꞌym ora turan iꞌypyryp kahato wãtym ewy mesuwat yi tote. Aat yt hẽtyhot hin i mesuwat yi tote hawyi mekewat Tupana motypot yat eꞌokenꞌypy sokpe kawiat hiotꞌe kahato myasetpuo yi kape.

Miꞌi hawyi wẽtup ok suraraꞌin akag taꞌakasa yne hawyi tuwehum kahato Tupana pe -Pywo pe ti Meiũ Miit Iesui waku kahato rakat are e.