Δημοφιλή Βιβλικά εδάφια από Luk 17

Κοινοποίηση

Joˀ Yesu a ɓaŋ: «Slikiɗ, a ru, tiɓi ɗik a lihuw le.»

«Da a guw mungra le is tarnaˀ angi hin purla, amma da ara mo ng'avi ka, a ɓuw: ‹Wereke, wereke› hã is tarnaˀ aya na, kisa pula ɓi nah teˀ si.›»

Mbur pal a wuzla taŋ mupura a ɗiyi le na, a mo ng'ava bal ti hunuma Buymisemuŋ, ˀay paɗ a muŋ. A huruk huruk asi sar ngi Yesu, a gaŋ sise. Dambalaka i mbur Samari.

Jiginaka hirnga kumo kuy kuy! Da sukum ɗik a guw mungra le na, kutaŋ. Da a zil marava le na, pula ɓi nah teˀe.

Dar Yesu a ɓi: «Mizli mukuruˀhoy na gar a ɗiyam le takwa? Na, mungoltir mekelemeye, taŋ amaka?

Buy Yesu a mbiɗa taŋ di: «Da kum ada ti tiɓi ko neˀ, ka zinga ngi lar ada kwana, kisa ɓaka bazlawar hana: ‹Muɗ muroh, ara ngi a hur mubuliy› na, a sa cinukum mi.

Mbur masa pur jiviɗ ngi laha siifa naŋ na, a sa zizaŋ, amma mbur masa ziza siifa naŋ na, a sa luuma a muŋ.

Yesu a ɓa mizli ngi seˀeheye: «Gwat mahizigiɗa mizli ng'ar mungra na, a tik ta. Amma mbur mahizigiɗ mizli ng'ar mungra na, kay, naŋ ar bonoy! Zuwen taŋ majuwakaŋ ngurvuŋ tindriŋ asi ˀaya, a hizigakaŋ ng'ar mubuliy, ɓa anja a hizigiɗ mbur pal a wuzla mizli mizlew tayna ng'ar mungra mata.

Gwat migi zleˀe ti hin ngi Nowe na, a sa gi kanah ti hin ngi Mangal ngi mbur aya. Ti hin ngi Nowe, mizli ara zumam, ara sam, ara zuɓam ngwasay, ara vulam ziri ngi hay ziley, hã a ndila hin ngi Nowe mici a hur palalama. Dar mekepel madiɗa a zuɓawa, a ziza mizli leɗeɗ gar.