Δημοφιλή Βιβλικά εδάφια από ማቶሳ 5

Κοινοποίηση

ፆምፒያ ፆምፒዴ፥ ሶዪን ዴዒያ ኣሳ ኡባው ፖዓና ማላ፥ ቂያ ሳን ዎፔ ኣቲን፥ ካሚያ ሚሻ ጊዶን ቁምዒ ዎያ ኣሳይ ኦኒኔ ባዋ። ሄዋዳንካ፥ ኣሳይ ሂንቴ ኦያ ሎዖ ኦሱዋ ቤዒዴ፥ ሳሉዋን ዴዒያ ሂንቴ ኣዉዋ ቦንቻና ማላ፥ ሂንቴ ፖዑ ኣሳ ሲንን ፖዖ።

«ሃ ኣላሜው ሂንቴ ፖዖ፤ ዴሪያ ሁጲያን ኬፄቴዳ ካታማይ ጌማና ዳንዳዬና።

ዎዛና ጌሻቱ ኣንጄቴዳዋንታ፤ ኣዪሲ ጎፔ፥ ኡንቱንቱ ፆሳ ቤዓና።

ፂሎቴ ኮሻቲያዋንቱኔ ሳሜቲያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ካሊሳና።

ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።

«ባሬንቱ ኣያና ዴዑዋን ሂዬሳ ጊዴዳዋ ኤሪያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ።

ኣሳ ሲጌያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ፥ ባሬ ናና ጊዴ ፄሳና።

ካዮቲያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ሚኒሳና።

ፂሎቴ ዲራው ዬዴርሴቲያዋንቱ ኣንጄቴዳዋንታ፤ ኣዪሲ ጎፔ፥ ሳሉዋ ካዉቴይ ኡንቱንቱሳ።

ማሪያዋንቱ ኣንጄቴዳዋንታ፤ ኣዪሲ ጎፔ፥ ፆሳይ ኡንቱንታ ማራና።

«ሂንቴ ታና ካሊያ ዲራው፥ ኣሳይ ሂንቴና ቦሪያ ዎዴኔ ዋዪሲያ ዎዴ፥ ቃሲ ሂንቴ ቦላ ኢታባ ኡባ ዎርዱዋን ሃሳዪያ ዎዴ፥ ሂንቴ ኣንጄቴዳዋንታ። ሂንቴው ሳሉዋን ዎልቃማ ዎይታይ ዴዒያ ዲራው፥ ናሼቲቴ፤ ሃሹ ጊቴ፤ ኣዪሲ ጎፔ፥ ኣሳይ ሂንቴፔ ካሴ ዴዔዳ ናባቱዋ ሄዋዳን ዬዴርሴዲኖ።

ኣሺኬ ጊዴዳዋንቱ ኣንጄቴዳዋንታ፤ ኣዪሲ ጎፔ፥ ኡንቱንቱ ሳዓ ላታና።

«ኣሳ ኡባሲ ሂንቴ ማፂኔ ማላ፤ ሺን ማፂኒ ማልዓና ዮፔ፥ ዛሪዴ ኣ ዎቲ ማልዔኔ? ካሬ ኦሊና፥ ኣሳይ ኣ ዬ ሃሜታናፔ ኣቲን፥ ሲንው ኣይኔ ማዴና።

ሄዋ ዲራው፥ ሳሉዋን ዴዒያ ሂንቴ ኣዉ ፖሎ ጊዶዋዳን፥ ሂንቴካ ፖሎ ጊዲቴ።

ሺን ሂንቴ፥ ‹ኤ› ዎይ፥ ‹ጊዴና› ጊቴ፤ ሃዋንቱፔ ሃራይ ሴፃናፔ ዬ።

« ‹ኣዪፊያ ዲራው ኣዪፊያ፤ ኣቻ ዲራው ኣቻ› ጌዳዋ ሲሴዲታ። ሺን ታኒ ሂንቴው ያጋይ፤ ‹ሂንቴው ኢታባ ኦያ ኡራው ኢታን ዛሮፒቴ፤ ኦኒኔ ኔ ኡሼቻ ባጋ ሻዪያ ባቆፔ፥ ኔ ሃዲርሳ ባጋ ሻዪያካ ኣ ቤሳ፤

ኔ ኡሼቻ ኣይፊ ኔና ናጋራ ኦሲሶፔ፥ ኔፔ ዎጫዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ። ቃሲ ኔ ኡሼቻ ኩሺ ኔና ናጋራ ኦሲሶፔ፥ ኔፔ ቃንፃዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ።