Δημοφιλή Βιβλικά εδάφια από Banoj 2

Κοινοποίηση

Ri Lu' xutzelej u bixic chque: “Chq'uexa' c'u'x alak, chban c'ut ri bautism alak pa ri u bi' ri Jesucrist chjujunal alak, chuc'utic chi e cuyutajinak chic ri mac alak, cäc'am c'u alak ri cochinic ri are' ri Ruxlabal ri Dios.

Co c'u xec'oji' conojel chupam ri qui tijonic ri takomxenlab, xukuje' xec'oji' pa ri comonic chquixo'l, cäquipir c'u ri caxlanwa junam, xukuje' cäquimulij quib cäquiban ch'awem.

Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

Xak c'ätetal, xtataj jun nimalaj jininem chicaj jas ri re jun nimalaj quiakik' ri cäjumumic. Xunojisaj ronojel ri ja ri e c'o wi. Xquic'utuxtaj quib ak'aj ri e je ta ne e rech k'ak' chquiwäch, ri quijachalan tak quib paquiwi'. Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

Ronojel k'ij quequimulij quib pa ri rachoch Dios, xa' junam qui chomanic, cäquipirila' ri caxlanwa cho tak cachoch, junam cäquic'amala' quech ri wa ruc' quicotemal, ruc' ch'ajch'ojalaj canima'. Cäquinimarisaj u k'ij ri Dios. Utz quebil wi cumal conojel ri winak; k'ij c'ut chi k'ij ri Ajawaxel quebutik che ri comon cojonelab ri quecolotajic.

‘Cac'ulmataj na chi pa ri q'uisbal tak k'ij, cächa ri Dios, quinjamij na ri Wuxlabal paquiwi' conojel ri winak. Ri e i c'ojol xukuje' ri e i mia'l quequik'axej na ri nu tzij chque ri winak, ri c'a e ac'alab quequil na c'utwächinic, ri e ri'jab quebichic' tak na.

Ri xecojonic kas qui junam quib quequijachala' c'ut ri jastak quech chquixo'l. Quequic'ayila' tak ri culew xukuje' ri c'o cuc' caquijach c'u ri rajil chquiwäch jas ri u cholajil ri rajawaxic chque chquijujunal.

Conojel c'ut ri cäquinataj ri u bi' ri Ajawaxel, quecolotaj na.’

Ri k'ij cäk'ekumar na, ri ic' cux na quic'. C'ä maja' c'ut cäpe ri u k'ij ri Ajawaxel, nimalaj k'ij ri cajuluwic.