Δημοφιλή Βιβλικά εδάφια από Blasi Sturka 11

Κοινοποίηση

Bara Dawan luki kaikan: “Kaiks naha uplika nani sut na upla kumi baman sa, ai bîla aisinka kumi baman aisisa, baha mita witin nani warkka na pat dauki tâ krikan sa. Diara kumi mita sin witin nani daukaia lukan ba takaskan kabia apia. Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Baha tasbaya ra upla nani sut iwi kan ba, bîla aisinka nani ba tanis turban Dawan mita bara tasba aiska ra turwi taki wan. Baha tâka ba mita, tawanka nina ba Babel mâkan.

Blasi piua ra tasba ra upla sut ba yapti bîla kumi baman aisi kan.

Sakuna Dawan bal iwan, baha tawanka tara ra utla karnakira purara pali upla nani mita mâki kan ba kaikaia.

Bara baku Dawan mita witin nani ba tanis turban tasba aiska ra, bara tawanka sin paskras mahka swin.