Δημοφιλή Βιβλικά εδάφια από يوحانّا 1

Κοινοποίηση

ءيمّا كولّو وينّا‑ت‑رانين امنّ سرس، ءيفكا‑ياسن لحقّ اد‑گن تاروا ن‑ربّي.

ءيلّا‑واوال غ‑يسيزوار ن‑كولّو ما‑يلّان. ربّي ا‑دار‑يلّا‑واوال‑ان، ءيگ‑واوال‑ان ربّي.

ار‑تّيسفيو تيفاوت غ‑تيلّاس، ءيمّا تيلّاس ءور‑اس‑سوگيرنت يات.

اوال‑ان يوورّي ءيگا بنادم، ءيزدغ غ‑گراتنّغ، نژر لمجد‑نس. ءيگا لمجد ن‑والّي ءيگان يان دار باباس، تيگات گيس لباراكا د‑لحقّ.

سرس ا‑س‑يخلق كولّو ما‑يلّان. ءور‑يلّي كرا ءيخلق‑ت ربّي ابلا ءيتياوخلاق سرس. اوال‑ان ا‑غ‑تلّا تودرت، تگ‑تودرت‑ان تيفاوت ءي‑مدّن.

نديد ازكّا ءيژر‑ن يوحانّا ياسوع ءيفتا‑د س‑دارس، ييني فلّاس: «هان القّاغ ن‑ربّي لّي‑را‑يسّيتّي دّنوب ن‑دّونيت.

يوشكا‑د س‑دّونيت، د‑سرس ا‑س‑تّياوخلاق دّونيت، والاينّي ءور‑ت‑وكُزن ايت‑دّونيت. يوشكا‑د دار وينس، والاينّي ءور‑ت‑رين مدّن‑نس.

اشكو س‑دّونيت ا‑س‑را‑د‑ياشك غوالّي ءيگان تيفاوت لّحقّ لّي‑يتّيسفيون ف‑كولّو مدّن.

ف‑وفوس ن‑موسا ا‑ف‑د‑يتياوفكا شّرع، ءيمّا ف‑وفوس ن‑ياسوع لماسيح ا‑ف‑دي‑توشكا لباراكا د‑لحقّ.