Δημοφιλή Βιβλικά εδάφια από लुका 7

Κοινοποίηση

एइ क्‍यारे यस्‍नो गरिक् मइ तोर्‌हाइ कतिन, एख्‍रो धेरे पापहान माफ होख्‍लाटि, उसिगर्‌ते एइ मराइ धेरे माया देखाइक। थोरे पाप माफ होख्‍लो मानिसइ चाहि थोरे माया गर्‌ताइ।” अनि येसुइ बेटिके कहिक्, “तोरो पाप माफ होखिसक्‍लाटि।”

तर येसुइ बेटिके कहिक्, “तोरो बिस्‍वासइ तोर्‌हाइ बचालाटि। आब नाम्‍रोसिन जाहेस्।”

उ पाछुभि आइकनि, येसुको गोड नजिक ठेढाइकनि, रोए लागिक् अनि आँसुइ येसुको गोड भिजिक र ओख्‍रो गोड केसइ पोछतिहि चुम्‍मा गरिक्, र सेन्‍ट लगाइ दिहिक्।

मइ आफि पनि तोरोठुँ आएके लाएक्‍को नाटिन्। तइ आग्‍या दिहि, मोरो नोकर सन्‍चो होख्‍ताइ। मइ पनि बड्‌को हाकिमको अधिनमा बिस्‍तिन, क्‍यारेकनिसिन मोरो अधिनमा पनि सिपाहिहान रतात्। एउटाके, ‘जा!’ कतिन उ जिताइ आर्‌कोके, ‘आइ!’ कतिन आउताइ अनि आफ्‍ने नोकरके, ‘इसि गर!’ कतिन अनि ओइ गर्‌ताइ।” इ बोलि सुनिकनि येसु छक्‍क परिक् आफ्‍नो पाछु लाग्लो मानिसहान्‍को भिडके चाहातिहि कहिक्, “मइ ताहान्‍के कतिन, एस्‍नो बड्‌को बिस्‍वास गर्‌लार मानिस त मइ इजराएलमा पनि नाभेट्‌लाटिन!”

ओइबेरामा येसुइ धेरे रोग, र भुत लाग्लो मानिसहान्‍के सन्‍चो बनाइक्, र धेरे अन्‍ध्‌राहान्‍के देख्‍लार बनाइक्। तब येसुइ युहन्‍नाको चेलाहान्‍के कहिक्, “ताहान्‍इ ज्‍या ज्‍या देख्‍लाटो र सुन्‍लाटो जाइकनि युहन्‍नाके कहिदेहेउ: अन्‍ध्‌राहान्‍इ देख्‍तात्, लङ्‌डाहान भोए सक्‍तात्, कुस्‍टरोगिहान सन्‍चो होख्‍तात्, बहिराहान सुन्‍तात्, मर्‌लोहान जिउते होख्‍तात्, दुखि र गरिबहान्‍इ परमेस्‍वरको नाम्‍रो खबर सुने पाउतिहि बाटाइ।