Δημοφιλή Βιβλικά εδάφια από लुका 3

Κοινοποίηση

सभइ मानिसहान्‍इ बप्‍तिस्‍मा लेतेखेरि, येसुइ पनि बप्‍तिस्‍मा लिहिक्। येसुइ पर्‌थना गरिरते स्‍वर्‌ग खोलिहिक, र पबित्‌र आत्‍मा ढुकुरको रुपमा ओख्‍रो उप्‍रो ओघ्‌रिकनि आइक। अनि स्‍वर्‌गभि यस्‍नो बोलि आइक, “तइ मोरो प्‍यारो छउना हो। तइसिन मइ जारे ज खुसि बाटिन्।”

उसिगर्‌ते युहन्‍नाइ सभइके कहिक्, “मइ ताहान्‍के पानिइ बप्‍तिस्‍मा देतिन, तर मइ कते बड्‌को एक जना आउतिहि बाटि, मइ ओख्‍रो जुत्‍ताको तुना खोलेके नास्‍वाहेतिन। ओइ ताहान्‍के पबित्‌र आत्‍मा र आगिइ बप्‍तिस्‍मा देताइ।

ताहान्‍इ साचिके आफ्‍नो आफ्‍नो पाप मानिकनि परमेस्‍वरपट्‌टि मन फर्‌कालो हो कनिसिन ओस्‍ने नाम्‍रो धन्‍दा गर्‌हेउ। ताहान अबराहामको सन्‍तान हो कहि बाच्‍ताहुँ कहिकनि झिनसोचेउ। मइ ताहान्‍के कतिन, परमेस्‍वरइ एइ पाथरभि पनि अबराहामको सन्‍तान जर्‌माए सक्‍तात्।

रुखको फेद्‌रामा बन्‍चर परिसकिक्। नाम्‍रो फर नाफर्‌लार सभइ रुखहान काटिकनि आगिमा हुर्‌राहेताइ।”

इसिगरिकनि यसइया अगमबक्‍ताइ धर्‌म सास्‍त्‌रमा लेखेलो बोलिहान पुरा होखिक्, “सुन्‍हेउ, सुनसान ठउँरिमा एक जनाइ बड्‌को सोर निस्‍काइकनि यस्‍नो कतिहिँ बाटि ‘पर्‌भु आउलाहार बाट बनाइधारो उ भउलार बाटहान सोझो बनाहेउ! सभइ खोल्‍सा खोल्‍सि पुरेपर्‌ताइ, डाडा पाहाड सम्‍याए पर्‌ताइ। घुमाइरि बाट सोझो बनाए पर्‌ताइ, र अप्‍ठ्‌यारो बाट सझिलो बनाए पर्‌ताइ। तब सभइ मानिसहान्‍इ परमेस्‍वरको मुक्‍ति देख्‍तात्!’”