Δημοφιλή Βιβλικά εδάφια από Lukas 12

Κοινοποίηση

Tauɗa ʄalageɗimː mi ha inyawik hakitaɗahom, oroge Ana-Na Kaɗaꞌ Ata maina ta rah ai pahawaumi.’’

Tabolo mi runɗahoge kamtadawe agawe hakab atenai Alla, ma tangnga-tangngage aika ɗaana tabarami enga nayiimidi Alla.”

Maɓeggei Yesus linadi ata buta kaɗaana neɗo, “Ha atege mono hamataragela, ilam alpu kamaꞌkage tannam kampik kolena hapote kareih butaꞌna. Oroge kaɗaꞌ ata walena koleꞌmage mourha kalagahara mono moul, loko ɓana butahingɗui hapotena.”

Oroge ɓagid hapotem dau ɗaad, yoɗa ʄalawe atem!”

Iyaꞌkai walta jongam oro gelagagana naɗaꞌwe ɓana matabawe malauge lolongahna langɓa hoꞌkakiwe? Walaꞌmaǃ

Malinagei Yesus tabaraɗa raɗa ata kaɗoku-Ni, “Nyiɗawe maluggim, ‘Ilam gelagaga tutge mourhamu, tut agana hayaam waleka agana hawaim.’

Wuu ta katakumu baꞌ yapud tangngadi. Oro ɓatauɗage ilam madautaka; mi athogim panghiim wal raɗa manguu!”

“Mi kaɗouk-Ga kahoꞌkina mono kaloʄa, tabolo ilam madautaka! Oroge Amamu nyiꞌna Rajam kabaige hamaringim mono kakarawanekem.

Hamataraɗaɗid gaka! Yiɗɗa walɗa hamulaꞌma, walɗa mangatiꞌma, walaꞌma umma hadau ijalaɗa waleka gal. Taboloi Alla nakarawai! Mi athogim panghiim wal raɗa kawurna!

Nyiɗawe, ilam alpu hangaɗage tutge agana hayaam mono ha enum, lohho ilam gelagagage tut yaa-enu.

Ruta ta maraɗa natum nehe laɗo mono ɗammagetana namut. Taboloi Alla nakarawai mono nahajoroi naɗa ruta. Atɗahoge mi! Tabolo mi hoꞌhege hatenami!

Tangngad hakab ate kajapata haɓunyɗa ata engage ɓapik etai, mono tangngad doku-jala hakuurɗa ata engage ɓana maɓugerai.