Δημοφιλή Βιβλικά εδάφια από Jân 6

Κοινοποίηση

Jisus a vâki na bâ, na, Umba ndi pěmbě ya ’měnâ: a ka viyě o ’Mba‐mbi jadi, a yoke nja; a kamakidě ’Mba, a yoke evělě.

I ndi Ilina i umwakidě; mehoni mea kovaka elombo: ndaga jamě i kalakě n‘ inyěni, i ndi ilina na eměnâ.

O hakiyeni beja be nyangakě, ndi hakiyani beja be diyakě egombe yěhěpi, bea Mwana moto be ka věyě inyěni: ’kabojana Anyambě ya Hangwě a ndi Mâ lěnděngo male.

Upango mua A lomaki ’Mba nd‘ ekamu, na uěhěpi a yěněkě Mwana, na mâ‐a kamakidě Mâ, a na ’měnâ ya egombe yěhěpi: Mbi ka pumbudi mâ o buhwa boa madikanido.

Jisus a yavwanaki bâ ka Mâ‐a vâ, na, Ehavu ’a Anyambě nd‘ ekae, na, Kamakidi Mâni uaju A di lomango.

Běhěpi ba Hangwě ba di ’Mba věngo ba ka pândi o ’Mba‐mbi jadi; a ka viyě tepě o ’Mba‐mbi jadi

Ka Saimân Pitě a yavwana Mâ, na, Upangiyi ho ka vala lě o nja jadi? âvě ndi O di na ndaga ja eměnâ ya egombe yěhěpi.

Umba ndi pěmbě e di mihâ, e vakiyed‘ o Hěvěn: oningě moto a jengě pěmbě těkaně, a ka diyandi egombe yěhěpi: pěmbě ’amě e ka věyě ndi mehoni meamě, imeamě me ka věyě o eměnâ ya he.

O ’bě na moto a ka viyě o ’Mba‐mbi jadi, kabo Hangwě a lomaki ’Mba a dula mâ: na Mbi ka pumbudi mâ o buhwa boa madikanido.

Ikabojana pěmbě ’a Anyambě ndi Mâ‐a vakiyed‘ o Hěvěn

Umba ndi pěmbě tě ya eměnâ.

Ka Jisus a nângâ membunda; o Mâ‐a diyakidi a vě akeva, ka Mâ‐a kaba na beyokwedi, na beyokwedi bea vě ba diyakudwě o he; a haki tepě bejaka nonaně nyang‘ ’abu e vahakidi. O bâ‐ba diyaki ba vula, A vâki na beyokwedi beaju, na, Yolakěni nguhu i ma dikana, ovaně nd‘ o elombo e ka měndě e nyange.

O bâ‐ba diyaki ba duka pani ka mabo ma fâlâng mabale na fâlâng itano naba mabo malalo, ba yěněkindi Jisus a tamwaka o manga, A bengakiyi piělě na elende: ka bâ‐ba banga. Nd‘ A vâki na bâ, na, A te ’Mba: o bangakeni.