Δημοφιλή Βιβλικά εδάφια από Chan 6

Κοινοποίηση

Mihma Chisʋs ash ot, Ʋno ak osh ai‐okcha̱ya pʋska ya̱ sia mak oke: kʋna hosh ʋno ak o̱ ʋm ʋla hokʋt nitak nana hohchʋfa he keyu; micha kʋna hosh ʋno a̱ a̱ yimmi hokʋt nitak nana itukshila he keyu hoke.

Okchalinchi ʋt shilombish ak oke; yohmikma nipi ʋto nana ho̱ isht ai ʋlhpesa keyu hoke; anumpa hʋchim anumpuli li yʋmmak osh shilombish okmʋt, anonti isht ai‐okcha̱ya yoke.

Ilhpak ʋt okpula hi okʋno ahnit hʋch ik toksalo kashke; amba ilhpak ʋt ik taho hosh ai‐okcha̱yʋt bilia ya̱ ona hinla, yʋmma Hatak Ushi ʋt hʋch ima he yʋmmak ash ke: yʋmmak o̱ I̱ki Chihowa yʋt ai atokolit ai im aia̱hlichi hatuk oke, im achi tok.

Micha Ushi a̱ pisa cha, yʋmmak ash i̱ yimmi hokʋto, momʋt ai‐okcha̱yʋt bilia ya̱ pisa he, ilʋppak o̱ auet sa kanchi tok ʋt aiahni hoke; yohmi ka nitak ont ishtaiyopikma yʋmmak ash o̱ falaminchit tanichi la hi oke.

Chisʋs ʋt afalaminchi mʋt, Auet sa kanchi tok yʋmmak o̱ hʋch i yimmi ilʋppak osh Chihowa i̱ na toksʋli mak oke, im achi tok.

A̱ki ʋt ʋma hokʋno momʋt ʋm ʋla hi oke; mikma kʋna hosh ʋm ʋla hokʋno, ik kaniohmi kia falaminchit kocha pit tobli la he keyu hoke.

Mihma Saimon Pita yʋt afalaminchi mʋt, Kʋta hak o̱ il im ia hinla cho? chishno ak osh ai okcha̱yʋt bilia isht anumpa ha̱ ish ieshishke.

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Hatak nana kia ʋm ʋla he keyʋ, amba auet sa kanchi tok A̱ki ak osh halʋlli hok mak a hi oke: mikma nitak ont ishtaiyopikma falaminchit tanichi la hi oke.

Ʋba mintit ʋla cha, yakni a̱ ai‐okcha̱ya ihi̱ma kak osh, yʋmmʋt Chihowa i̱ pʋska mak oke, im achi tok.

Ʋno ak osh ai‐okcha̱ya pʋska sia mak oke.

Mihma Chisʋs ʋt pʋska yash ishi cha, ʋba pit aiokpʋchi mʋt, nan im ai ithʋna ʋhleha ha̱ ima ma, nan im ai ithʋna ʋhleha hash ot aka binohli tuk ash ima tok: mihmʋt nʋni mʋt kaniohmi ho̱ okla bʋnna hinla tuk a̱ yʋmmak atuk ash inli ho̱ okla chohmichi tok. Mihma okla hash ot kaiyʋt taha ma, nan im ai ithʋna ʋhleha hash o̱, Boshulli ʋt atampʋt a̱sha ka oh itahobí, nanasi kia ik kʋnio kashke, im achi tok.

Yohmi hatuk o̱ peni ash okla mo̱fi kʋt, kowi tuchinakmá, keyukmʋt ushtakmá, nana foka ho̱ ona mʋt, Chisʋs ʋt okhʋta paknaka a noho̱wa hosh peni ash i̱ bili̱ka ona na okla pisa tok; yohmi mʋt okla nukshopa tok. Yohmi kia yʋmmak ash ot, Hʋchi nukshopa ná, ʋno sia hash oke.