Δημοφιλή Βιβλικά εδάφια από ZAWHÂNA 13

Κοινοποίηση

Biepiepa thiehpa ei cha pie ei, kyh a pachâ raihrie teh u. Kei ta kyh ei pachâpa hawh ei ta, nâmo chhao kyh a pachâ raihrie teh u. Kyh namâ pachâ raihriepa liana chata, chyhsa zydua ta ei pachupazy nama châ tahpa ama pahno aw,” tah ta.

Kei, nama Beipa nata Pachutuhpa ta nama phei ei pasi khiahta cha, nâmo chhao nama phei namâ pasipa raihrie awpa a châ. Nama chô liata ei taopa hawhta, nâmo chhao tao hra awpa ta, pamosana ei cha taopa ei.

Zisu ta a chhy ta, “Ei hmotaopa he tahmâ pahno ngyu va chi, châhrasala noh hro ta na pahno aw,” tah ta.

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

Cha hmozy cha nama pahno khiahta cha, tao u la nama nohlao aw.

Zâpati a dôhpa cha thyu ta, a viahkao pasipa pahluh ta, hruna poh la ta, a chai liata a saih ta. Rahô liata ti patlai ta, pachupazy phei pasi pathao ta, hruna poh â saihpa chata ama pheizy hru lymâ ta.