Δημοφιλή Βιβλικά εδάφια από Jowǎ̤ni̤ 6

Κοινοποίηση

Dě Běcǎ Ye̤shǔ hî̌shǔ asî, “He mî̌ shǎǎ dě a ǐ kò ta̤htûpwa̤ hǒ. Kòyò htě a hè dě heǒnu, a hǒwi̤sǎǎpe dǐ꤮ khò̌ tò̤. Kòyò htě a yṳǎ henu, a sò̌ope dǐ꤮ khò̌ tò̤.

Běcǎ sǎcahtǐnu a ǐ ta̤htûpwa̤ tûjûpwa̤. Kòyòhǎkhû̌phû̌nu, a ǐjò ta̤htûpwa̤ tûjûpwa̤ tò̤. Yo̤sǎ htě he hî̌bǎ sî htǒotoǒ numî̌, Běcǎ sǎcahtǐ a ta̤hî̌bǎ toǒ dě a ǐbò̌ kò ta̤htûpwa̤ tûjûpwa̤.

Jipwi̤ wè̤pû shǎǎ la̤ǎla̤o htě a nṳso a sojònu toǒ aya ma̤. Jipwi̤ wè̤pû shǎǎshǎo htě a glè ǐ sî yolahtûpwa̤ tûjûpwa̤ htǒotoǒ ayanu. Kòyòphû̌khûhtǒo, a ǐ kò shǎǎ hǐnu toǒ pě, ma̤tè̤hî̌dě pha Cǒmara dǔlṳ ta a sò̌phlǒǒ nû̌û hǒ.”

Ma̤tè̤hî̌dě, hepha a ta̤sò̌yṳ mî̌ bò kòyò htě a kè̌shǐ aphû̌khû htǒo dě a yṳǎ toǒnu, a bǎ nî̤bǎ yolahtûpwa̤ tûjûpwa̤, dě he ma̤ htûpwa̤gesǒ asî htû̌꤮ mṳni̤ gutṳ̌lò̤nu ti̤ni̤ pě.”

Dě Běcǎ Ye̤shǔ hî̌shǔ asî, “Yṳǎ lǒkho he, htě Cǒmara nohè yǎ htǒonu.”

Bò kòyò htě hepha ǐ he toǒnu, a hè dě heǒ pě. Ûpèpè̌ bǎbǎ, a dè hè dě heǒnu, he wṳ̂hǎhtò̌kè nǒ a dî̌kî̌꤮ tò̤.

Shîmǒ̤nè̤ Petru hî̌ geshǔ nû̌û, “Běcǎ, pa glè̌ cû̌shǔ ûpè? Ta̤sû̌ǐtòwòǐ htě a ǐ pa yolahtûpwa̤ tûjûpwa̤nu a ǒ pwǎpǒ̤ dě naǒ pwǎ.

He mî̌ shǎǎ htě a ǐkò ta̤htûpwa̤ dě a ǒ mǒkhû̌ hèlò̤. Ûpèpè̌ bǎbǎ, a dè ǎ shǎǎ htǒonu, a htûpwa̤ tûjûpwa̤ pě. Shǎǎ htǒonumî̌ heyî̌ htǒonu hǒ. Ma̤pûhǐ kòyòhǎkhû̌phû̌ htûpwa̤ ayanu, he ǐlò̤kè he na̤saklû htǒo ta asîya hǒ.”

Dè mè̤ ta hepha htě a nohè hehtǒo tapwa̤ glè nohè kò dě heǒ tò̤ hî̌nu, kò hèbò̌ dě he ǒ dǐpwǎ̤꤮ tò̤. Kòyò htě a hè dě heǒ toǒnu, he ma̤ htûpwa̤gesǒ asî htû̌꤮ mṳni̤ gutṳ̌lò̤ ti̤ni̤ pě.

Ma̤tè̤hî̌dě Cǒmara ashǎǎ na̤cè̌ mî̌ a ǒ dě mǒkhû̌ hèlò̤ dě a ǐ kòyòhǎkhû̌phû̌ ta̤htûpwa̤nu tapwa̤ hǒ,” a hî̌ asî hǐnu.

He mî̌ shǎǎ htě a ǐ kò ta̤htûpwa̤.

Běcǎ Ye̤shǔ phî̌ mû̌ htǒotoǒ dě a hî̌bwǐhî̌sîrîhtò̌ Cǒmara. Htodě a ǐlò̤ nû̌ûta akhophijaû̌ toǒ dě asî yṳ̂ǎlò̤ nû̌ûta kòyò hǎnòò̌ bǎnu toǒ. A phî̌lè̌ tò̤phû̌ htǒoginǐ̤plṳ̂ dě a ma̤ sǒsǒnû̌û pwǐ mû̌nu. Dě kòyò htǒotoǒ a sǎǎ pwî̌tènu a phî̌ǎ lǒkho. Bǎ asî ǎkǒobebòhto pṳ̂̌꤮ tapwa̤ akhanu, Běcǎ Ye̤shǔ hî̌ akhophijaû̌ toǒ, “Phî̌wǒbòge shǎǎǒkènu toǒ, noǒkè nòdû̌ pû yǎma̤,” a hî̌ asî hǐnu.

Bǎ asî khlòcû̌to̤ sumè̤, lǐ̤mè̤ akhanu, asî kè̌shǐ Běcǎ Ye̤shǔ cû̌ shikhû̌ dě ahèphǔto ta asî sǒkhli. dě asî ǐsha sò̌gònò̤bò nû̌ûla̤. Dě Běcǎ Ye̤shǔ hî̌ asî, “Hepwǎ! Ǐsha lǒkho pûma̤.”