Δημοφιλή Βιβλικά εδάφια από ଯୋହାନ୍ 1

Κοινοποίηση

ମେନ୍ଦୋ ଚିମିନାଙ୍ଗ୍ ହୋଡ଼ୋକୋ ଇନିଃକେ ଗ୍ରାହାନ୍ କିଜାକୋ, ଇନିଃ ଇନ୍‍କୁକେ ପାର୍ମେଶ୍ଵାର୍ ରାଃ ସାନ୍ତାନ୍ ହୋବାଅଃ ଲାଗିନ୍ତେ ଆଧିକାର୍ ଏମାଃ କୋୱାଏ, ମାନେ ଇନ୍‍କୁକେ ଅକନ୍‍କୋ ଇନିଃକେ ବିଶ୍ଵାସ୍ ୟାକୋ।

ଏନେଟେଃ ରେ ବାଚାନ୍ ତାଇକେନା, ହାର୍ ବାଚାନ୍ ପାର୍ମେଶ୍ଵାର୍ ଲୋଃ ତାଇକେନା, ହାର୍ ଏନ୍ ବାଚାନ୍ ପାର୍ମେଶ୍ଵାର୍ ତାଇକେନାଏ।

ମାସ୍କାଲ୍ ନୁବାଃ ରେ ଚାମ୍‍କାଅଃୱା, ହାର୍ ନୁବାଃ ଏନାକେ ଇଣିଃ କାଏ ଧାଡ଼ିକେଦା।

ବାଚାନ୍ ହୋଡ଼ମୋ ବାଇଜାନାଏ, ହାର୍ ଆନୁଗ୍ରାହ୍ ହାର୍ ସାର୍ତି ତେ ଫେରେଃ କେତେ ଆବୁ ଥାଲା ରେ ତାଇଜାନାଏ, ହାର୍ ଆବୁ ଇନିଜାଃ ନେଲେକା ମାନାରାଙ୍ଗ୍ ନେଲ୍ କେଦାବୁ, ଜେଲେକା ଆପୁ ପାର୍ମେଶ୍ଵାର୍ ଏତେ ହିଜୁଃକାନ୍ ମିୟାଃ ଗି କଡ଼ାହୋନ୍ ରାଃ ମାନାରାଙ୍ଗ୍।

ସବେନାଃ ଆଜାଃ ତେଗି ବାଇୟାକାନା, ହାର୍ ଅକନାଃ ଅଗି ବାଇୟାକାନା ଏନା କୋଏତେ ଜାହାନ୍ ଜିନିଷ୍ ହ ଆଜାଃ ବେଗାର୍ କା ବାଇୟାକାନା। ଇନିଜାଃ ରେ ଜୀଦାନ୍ ତାଇକେନା ହାର୍ ଏନ୍ ଜୀଦାନ୍ ହୋଡ଼ୋକୋୱାଃ ମାସ୍କାଲ୍ ତାଇକେନା।

ଏଟାଃ ହୁଲାଙ୍ଗ୍ ଯୋହାନ୍ ୟୀଶୁ କେ ଆଜାଃ ପାଡ଼୍ ହିଜୁଃତାନ୍ ନେଲ୍‍କେତେ କାଜିକେଦାଏ, “ନେଲିପେ, ନିଈ ପାର୍ମେଶ୍ଵାର୍ ରାଃ ମିଣ୍ଡୀ ହୋନ୍ ତାନିଃ ଅକନିଃ ଅତେଦିଶୁମ୍ ରାଃ ପାପ୍ ଗୋଅ ଇଦି କେତାନାଏ।

ଇନିଃ ଅତେଦିଶୁମ୍ ରେ ତାଇକେନାଏ, ହାର୍ ଅତେଦିଶୁମ୍ ଇନିଜାଃ ତେ ବାଇଲେନା, ଏଣ୍ଡେ ରେହଗି ଅତେଦିଶୁମ୍ ରେନ୍ ହୋଡ଼ୋକୋ ଇନିଃକେ କାକୋ ନେଲ୍ଉରୁମ୍ କିଜା। ଇନିଃ ଆଜାଃ ହୋଡ଼ୋକୋ ତାଃ ହିଜୁଃ ଲେନାଏ ହାର୍ ଇନିଜାଃ ହୋଡ଼ୋକୋ ଇନିଃକେ କାକୋ ଗ୍ରାହାନ୍ କିଜା।

ଇନିଃ ସାର୍ତି ମାସ୍କାଲ୍ ତାନିଃ ଅକନିଃ ସବେନ୍ ହୋଡ଼ୋକୋକେ ମାସ୍କାଲ୍ କୋୱାୟାଏ, ଅତେଦିଶୁମ୍ ରେ ହିଜୁଃ ରାଃ ତାଇକେନାଏ।

ଏନାମେନ୍ତେ ଚି ଆଇନ୍ ମୁଶା ନାବୀ ପାଡ଼୍ ଏତେ ଏମ୍‍ଜାନା, ମେନ୍ଦୋ ଆନୁଗ୍ରାହ୍ ହାର୍ ସାର୍ତି ୟୀଶୁ ମାସୀହ୍ ହୋରାତେ ଥେବାଃ ଜାନା।