Δημοφιλή Βιβλικά εδάφια από Mateo 24

Κοινοποίηση

Na ɛnam sɛ amumɔyɛ bɛdɔɔso nti, wɔn mu dodow no ara dɔ ano bedwo. Na nea obegyina mu akodu awiei no, ɔno na wobegye no nkwa.

Na wɔbɛka ahenni no ho asɛmpa yi wiase nyinaa de adi amanaman nyinaa adanse; ɛno ansa na awiei no bɛba.

Na mobɛte ɔko ne akosɛm. Monhwɛ na mo bo antu, efisɛ etwa sɛ ɛba, nanso na awiei no nnya nnui ɛ.

Na ɔman bɛsɔre ɔman so, ne ahenni ahenni so; na ɔkɔm ne asasewosow bɛba mmeaemmeae. Na eyinom nyinaa ne awoko yaw mfiase.

Ɔsoro ne asase betwam akɔ, na me nsɛm de, ɛrentwam da.

Na nnipa bebree de me din bɛba abɛka sɛ: Mene Kristo no; na wɔabɛdaadaa nnipa pii.

Ɛnna wobeyi mo ama ahohiahia, na wɔakum mo; na me din nti aman nyinaa bɛtan mo. Na ɛno na ɛbɛto nnipa bebree hintidua; na wobeyiyi wɔn ho ama, na wɔatentan wɔn ho. Na adiyifo atorofo bebree bɛsɔre, na wɔabɛdaadaa nnipa bebree.

Na Yesu bua see wɔn sɛ: Monhwɛ na obi annaadaa mo.

Eyi nti munsiesie mo ho nsie, efisɛ dɔn a munsusuw no mu na onipa ba no reba.

Enti monwɛn, efisɛ munnim da ko a mo wura bɛba.

Na da no ne dɔn ko no de, obiara nnim, ɔsoro abɔfo ne ɔba no mpo nnim, gye Agya no nko ara.

Na kristofo atorofo ne adiyifo atorofo bɛsɔre, na wɔbɛyɛ nsɛnkyerɛnne akɛse ne anwonwade, na sɛ ebetumi a, anka wɔbɛdaadaa wɔn a wɔayi wɔn no mpo.

Na sɛnea Noa nna no yɛe no, saa ara nso na Onipa Ba no ba bɛyɛ. Na sɛnea nna a edi nsuyiri anim no mu no wodidii na wɔnomee, wɔwaree na wɔmaa aware, de kosii da a Noa hyɛn adaka no mu, na wɔanhu de kosii sɛ nsu yiri bɛfaa wɔn nyinaa kɔe no, saa ara nso na Onipa Ba no ba bɛyɛ.