Δημοφιλή Βιβλικά εδάφια από मति 10

Κοινοποίηση

हिङसु, का नेलाइहेङ स्याइलेको माझाता भेडा भाइपा दिङगिल्लाङका, इङको भाअ्सिङ पुय्याँ, भाइपा आगाल धाअ् कालाउ कुर्जा भाइपा सोझा जेङ।

हाइपालिपानु जाइ दोङ या सुमिङता ताइको प्रानहेङ बान्चिपालि खाङखे, “वा इङको मोअ्पावा, कालाउ इम्बालाइ जाइ दोङ ताइको प्रानहेङ काङको भाअ्सिङ कालाउ सुसमाचारको भाअ्सिङ जातिङको प्रान मोअ्पाखे कालाउ वा निनावा।”

द्‍याङगेलाइसो माअ्थिसु, ओबालाइ नाङको जिउहेङ खिनिङ सेअ्तावा कालाउ प्रानहेङ सेअ्लि मादावा। नेलाइ वासेहेङ खिनिङ थिलि गोइस्वाना जेदोङ परमेस्वर नाङको जिउ कालाउ प्रानहेङ नरकता चुम्पुखे।

हासु बुङ ताइको क्रुस फाअ्तेङ काङको दोफा मालोखे, उङको काङको चात्या जेङलि योग्य मान्थु।

जाइ कासेहेङ द्‍याङगेलाइको आगाता सुइकार पाखे, वासेहेङ का बुङ स्वर्गता हिका परमेस्वर आबाको आगाता काङको चात्या दोअ्तेङ सुइकार पाङका। कालाउ जेसापा द्‍याङगेलाइको आगाता कासेहेङ सुइकार मापानु, का बुङ स्वर्गता हिका आबा परमेस्वरको आगाता दोअ्ताङका कि या काङको चात्या माको।

मिसा लोकालाइहेङ एल्पासु, सिकालाइहेङ सिन्हुपासु, रोग्या खोअ्कालाइहेङ ओसेरे पैति पासु, द्‍याङगेलाइसो भुत-आत्मा दिगिल्पिसु। का नेलाइहेङ एन्साङ या खाबारागेलाइ प्याङका जेसाङ नेलाइ बुङ एन्साङ पासु।

ओदोङ भाअ्सिङ माअ्थिसु! नेलाइ इङको सारन्ह्यागेलाइ खान्तेङ हेन्जा महत्वको हिसुना।

का प्रिथिबिता द्‍याङगेलाइको माझाता सान्ति चुमालि ल्होघा दोअ्तेङ मासम्झे। भरु सान्ति चुमालि माको, कालाउ का ते फेअ्सुपालि लोका हिघा।