Δημοφιλή Βιβλικά εδάφια από Juan 15

Κοινοποίηση

Me sem o kas drakhengo a tumen e krangura. Gua kai achel ande mande a me ande lete, gava del but drak, soke bi murno tumen nasti cheren niso.

Achen ande mande gia sar me achav ande tumende. O krango nasti del drak vou petar te na avela po kas e drakhengo, isto gia tumen te na achena ande mande.

Te achen ande mande, a me alava ande tumende, sogo te mangena ka dav tumen.

Tumen ni esvirisarden man, me esvirisardem tumen, ta thodem tumen te den ta te inllaren but drak, ta tumari drak te achel. Sogo ka mangen me Dadetar ande mo anav, vou ka del tumen.

O volipe mai baro si, o manus kai del po zivoto pala pe amal.

Iek krango kai ni del drak, chinel le. A gua kai del drak chistol le te del mai but drak.

Gava si murno zakono. Te volisaren tumen iek avere, gia sar me volisardem tumen.

Ande gava sikadol me Dadeko blagosipe, te den but drak gia te aven me disipulura.

Me sem o chachuno kas drakhengo, a mo Dad si ko arakhel le te bariol.

Gua kai ni achel manchar ka chudau le avri sargo krango, ta ka sukol sargo krangura kai chiden len pe iek than ta chuden len ande iag te phabon.

Gia dav orba tumenge te veselin tumen manchar, ta tumari veselia te avel pherdi.

Te kandena so phenen me zakonura, ka achen ande mo volipe, gia sar me kandau so phenen me Dadeke zakonura ta achav ande leko volipe.

Gava mangav te cheren: Te volisaren tumen iek avere.

Te avilena e suetoke, o sueto volisardaia tumen sar volil so si leko. A me esvirisardem tumen katar o sueto, goleke o sueto murzil pe tumende, soke ni sen e suetoke.