Δημοφιλή Βιβλικά εδάφια από Echos 1

Κοινοποίηση

A kana o Santo Duo ka avel upral pe tumende, ka len zor ta ka llan te den mi orba ando Jerusalem, ande sa o Juda ta e Samaria, ta pe thana kai si mai dur pe phuv.

O Jesus phenda lenge: Inai tumenge te llanen o llive ni o vreme kai o Dad thoda ande po gazdaripe.

Ta kana saia e apostolenchar, o Jesus phenda lenge: Na llantar katar o Jerusalem. Mai sukar aduricharen te cherdol o alav kai mo Dad dia tumen ta kai me phendemle tumenge. Chachimaia o Juan kristisarda e paiea, a nesave llivesa mai angle, tumen ka aven kristime e Santone Duoia.

Ta kana o Jesus ustilo katar o meripe sikadilo lenge, ta gia dikhle kai chachimaia saia llundo. Ta saranda llive sikadilo lenge ta dela lenge orba katar e charoina e Devleki.

Ta kana phenda gala alava, von dikhle sar vazdinailo ando miloso ta iek oblako ucharda le ta ni dikhle le pale.

Ta kana dikhena ando miloso sar o Jesus duriola, dui llene furiade ando parnipe avile pasa lende ta phende lenge: Galileura, ¿soke dikhen upre? Isto gava Jesus kai saia maskar tumende ta inllardilo ando miloso, ka avel pale isto gia sar dikhlen le kai llaltar.