Δημοφιλή Βιβλικά εδάφια από João 17

Κοινοποίηση

Ppotukatanna halikaka piranayma. Halikakalutni ptokanu.

Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

— Hiyrun-koxa hi nyi tshinanu tsonu nanjihohnetanu seyni nanjihohneyehitanna koxa hita halixatshinepa runkakle tshinan-koxna. Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

Hi nanjityi xye tshijne pkochpajyawakapna seyni nanjityi pinoxyawakna kamtshi hma kojwajyawakanupna.

Hiyrunu hoyaknutshi penejyano, wale nenekatkana wanna. Pa hchinikanurune rixyawakapna, pa hchinikanurune wixyawaka pixka. Hita wannayma hiyrunu pixa hitayma hike mmahaxikane rixyawakapna pa hchinikanurune rixyawakapna. Xye tshijne hajene himaxyawakaplu pixa yokanatno hiyrunu rimaxyawakapna puchinikna puchinikjexyawakno pixka.