Δημοφιλή Βιβλικά εδάφια από Yoa 1

Κοινοποίηση

E bôte bese be nga nyoñe nye, a nga ve be ngule ya bo bone be Zambe, e ba bese ba buni e jôé dé

E metata'a Ajôô a nga too, a Ajôô a mbe baa Zambe, a Ajôô a mbe Zambe.

Efufub ki ja faé e dibi été, ve dibi teke kômbô nyoñ éfufup.

Ane Ajôô a nga bo môt, e nde a nga lôñe mvô'ô be bia, ane bi nga yene duma dé, e funa'ane étôto'o atyi'i mon da nyoñ e be Esaa, njalane ne lut a *mvam a bebela.

Mame mese me nga boban a ngule jé, a jôm éziñ é nji boban teke'e nye. E ne ényiñ é mbe e be nye, a ényiñ éte é mbe éfufub ya bôt.

Tyé kpwaa, éyoñ Yôanes a yeneya Yésus a za'a nye ôsu, ane a nga jô na: Mi lôô, e mone ntômba Zambe a vaa nseme ya si ndôn!

Efufubu a nga zu e si ndôn, a si ndôn é nga boban a ngule jé, ve si ndôn teke kômbô yeme nye. Eyoñ a zuya e vôma wé, e bôte bé teke kômbô nyoñe nye.

Efufubu émien a mbe, e nye a faé môt ase a zu e si ndôn nyô.

Amu na Môze a nga ve bia metiñ, ve *mvam a bebela kik bi nga so e be Yésus Krist.