Δημοφιλή Βιβλικά εδάφια από Záan 19

Κοινοποίηση

Tányɩɛ́ mʋ́ ɔ́ yráa nʋ́ɔ́ a, bhʋ́ ɔ́ sané, ɔ́ anɩ́: «Wɔlíɛ́ fɩ́ɛ́ a zɔ̀ bhɩada lɛ̀!» Ɔ́ cíí lé ɔ́ bhle wlú sá a, ɔ́ɔ dí nyobhuo.

Bháa yɩ́ ʋ́ jɩ̀ a, Zozíi yì yɩ́ saá mà nɔnʋɔ́ fɩ́ɛ́ ɔ́ yi wá kʋ́ a, ʋ́ ya yɩ́ zɔ̀ bhɩɔ̀, bhʋ́ ɔ́ sa yɩ́ cɩɩ né, ɔ́ anɩ́: «Mnátʋ bhlá mɔ́ɔ!» Cémʋ́ ɩ jɩ́jrɔ̀ wá Lagɔ̀bɔ̀gʋ̀ɔ̀ mnɩ́ ɔ́ zà a, sɩ́tɛ̀ mʋ́ ɩ́ plɩ́ɩ̀.

Zozíi yɛ́ ɔ nɛ́ lé ɔ́ kʋjɩ̀nyɔ̀ɔ̀ ɔ́ wà lɛ́ kpanyɩ a, ɔ́ nynʋ́vʋ̀ ɔ nɛ́ gɔ̀. Lé Zozíi srʋ ɔ nɛ́ mà: «Máà, lɛbhɛɛ nà yʋ́ lɛ̀ɛ̀!» Lé ɔ́ srʋ sáà ɔ́ kʋjɩ̀nyɔ̀ɔ̀ mà: «Mɔ̀, nà sɛ́fʋ, ɩ̀ nɛ́ lɛ̀ɛ̀!» Bhá yɩ́ ʋ́ jɩ̀ a, ɔ́ kʋjɩ̀nyɔ̀ɔ̀, ɔ́ɔ bhá yɩ́ Malíi lé ɔ́ fa yɩ́ mɔ́ ɔ gbó ɔ nyoku gɔ̀.

Mà á ŋnɩ Zozíi jɩ̀ lé á dʋdʋ̀ a, ɔ́ ya kú. Ɩ́ ka ŋnɩ́ lé a nɩ́ ɔ́ yɩ́ bhɩɩ́ zɛzɩ̀à. Mà sʋ́jàà nyièdɩ a sʋ́jàyʋ a múó kpla ɔ jrɛ̀ɛ̀ lé ɔ́ gblúu Zozíi a gbakɩ, mà ɔ́ gblúo a, nyú yà dòlú sɔ́ ʋ̀ wlʋ́ ɔ́ mʋ́.

Wɔlíɛ́ fɩ́ɛ́ lɩ̀à, ɩ́ɩ ŋnɩ lé Lagɔ̀bɔ̀gʋ̀ɔ̀ a mnɩ́ a wɔlɩ́ɛ́ ká neé sralɔɔ̀: A nɩ́ ka ɔ fée zɛ. Lé á jɩ́jrà wá sɔ́kʋ́ mà: Nyɔɔ́ kɔ̀ɔ gbakɩ á bhá jrɛ̀ lé á gblúu a, ɔ́mɔ́ á na ká kɛ́zɔ̀ klʋ́ gà.

Zozíi mɔ̀glʋ̀ gbɩdɩ̀ ɔ kúsuó lé á wlʋ́ dú lé á mʋ bhlɩ́ɛ́jɩ̀ á wlele Kúwlukofó a, mɔ̀ɔmɔ̀ Ebléenyʋa wlele wá Glɔgɔtáa.

Sʋ́jàà bhá nyríci lé á bhla wlúgblè lé á ŋwʋ́ ɔ́ wlú. Lé á bhá bànɩ̀zàla lé á plɔɔ mʋ́.