Δημοφιλή Βιβλικά εδάφια από ወንጌል ዘዮሐንስ 11

Κοινοποίηση

ወይቤላ እግዚእ ኢየሱስ አነ ውእቱ ትንሣኤ ወሕይወት ዘየአምን ብየ እመኒ ሞተ የሐዩ። ወኵሉ ዘሕያው ወየአምን ብየ ኢይመውት ለዓለም ተአምኒኑ ዘንተ።

ወይቤላ እግዚእ ኢየሱስ ኢይቤለኪኑ ከመ እመ ተአመንኪ ትሬእዪ ስብሐተ እግዚአብሔር ወአእተትዋ ለይእቲ እብን።

ወአንብዐ ካዕበ እግዚእ ኢየሱስ።

ወሰሚዖ እግዚእ ኢየሱስ ይቤ ዝንቱ ደዌ ኢኮነ ለሞት አላ በእንተ ስብሐተ እግዚአብሔር ወከመ ይሰባሕ ወልደ እግዚአብሔር በእንቲኣሁ።

ወዘንተ ብሂሎ ከልሐ በዐቢይ ቃል ወይቤ አልዓዛር አልዓዛር ነዓ ፃእ አፍኣ። ወወፅአ ውእቱ ምዉት እንዘ ግኑዝ ወእሱር እደዊሁ ወእገሪሁ ወገጹኒ ጥብሉል በሰበን ወይቤሎሙ እግዚእ ኢየሱስ ፍትሕዎኬ እንከሰ ወኅድግዎ ይሑር።

ወካዕበ ተከዘ በልቡ እግዚእ ኢየሱስ ወሖረ ኀበ መቃብሩ እንዘ ያነብዕ ወበኣት ውእቱ ወክዱን እብን ዐቢይ ዲቤሁ።

ወዘንተ ነገረ ይቤሎሙ ለአርዳኢሁ ወእምዝ ይቤሎሙ አልዓዛር ዐርክነ ኖመ ወባሕቱ አሐውር አንቅሆ።