Δημοφιλή Βιβλικά εδάφια από ലൂക്കോസു 24

Κοινοποίηση

എന്ന് അപ്പാന് നിമാക്ക് തന്റെ എന്റ് ബാക്ക് തന്തിന്താദ്‌ന നാന് നിമാക്ക് സൊല്ലി ബ്‌ഡ്‌വെ. ആന മേലോഗാത്ത്‌ലിന്ത് സക്‌തി നിമാക്ക് ബരമാട്ട്‌ക്ക് നിമ്മ എര്‌സലേമ്‌ല് താനെ കാത്ത്‌റ്‌ക്കുഡൊ>> എന്റ് അവാര്‌ക്ക് സൊന്നാന്.

അയാള് ഇദ്‌ലില്ലെ. ഉജുര്‌ളാഗിര്‌ക്ക്‌ന്റാന്. മുന്നുക്കു അയാള് നിമ്മോഡൊപ്പ ഗലീലാല് ഇര്‌ക്കാട്ടിതാനെ അയാള് നിമാക്ക് <മന്‌സാനായി പ്‌റാന്തവാന്‌ന പാവ ഗേന്റവാര് കയിക്ക് കൊഡുക്കുവാര് എന്റ്‌മ് അവാര് അയാള്‌ന കുരുസുക്കു സേത്തി ആണി അഡിത്ത് കൊല്ലുവാര് എന്റ്‌മ് പ്‌റ മൂറാവാദ് നാള് ഉജുര്‌ളാഗുവാന്> എന്റ്‌മ് സൊന്നാദ്‌ന നെനേത്ത് നോഡുനു>> എന്റ് സൊന്നാര്.

അയി ഗളിഗെ ഏസ്സ്‌ത്തെന്റ് തെരിവാദ്‌ക്കുള്ള ബുദ്ദി ബന്ത് അദ് ഏസ്സ്‌ത്തെന്റ് അവാര്‌ക്ക് നെപ്പ്‌കെ്ഡേത്ത്‌ദ്. ആന അയാള് അന്നാല് താനെ അവാര് കണ്ണ്‌ക്ക് കാട്ടദ്യാനാന്. <<ബട്ടേല് ബെത്ത് അയാള് നമ്മോഡ നായ നൊഡിഗാട്ടിമ് സാമി സൊല്ലുസുലാക്കാന സൊക്കാന സൊല്ലി തര്‌ഗാട്ടിമ് നമ്മ് മനേസ്സ്‌കുളാക്ക് തീ കത്ത്‌ന പാസെ ആറ്റല്ല?>> എന്റ് അവാര് ആങ്കീങ്ക് സൊന്നാര്.

<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്, തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്.

അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല്‌ന ഉറുട്ടി ജറേത്ത്‌റ്‌ക്കുവാദ്‌ന അവാര് കണ്ടാര്. അവാര് ഉളാക്ക് പോയി നോഡുഗാട്ടി ആണ്ടവാന് ഏസ്സ് സാവുന അദ്‌ല് കാണാലെ.