Δημοφιλή Βιβλικά εδάφια από Johani 16

Κοινοποίηση

Tsitsitsi ndivavulye ṅani pwu ukuta mwitse muluvonele mwane ulunotsehetso. Nkilunga umu ndi nukukuvilwa mańa nsipage vuvule, lola ndikilemile ikilunga.

Lola lungave lusiku angave itsile jujwa ju Mepo va jilweli, pwu alavalongolelaga mbulongolo jujwa, alavingitsaga mbwajilweli vwoni. Mańa umwene nalisuṅe mwene pakutsova, bako umwene alavavula itsikwitsa.

Ukutsisika kulino pwu nandovili isinge isya kudovela mwitavwa lyango. Lino ndovage pwu ndupilila, pwu nuluhekelo lwińo lulipelaga ululuti sitso.

Lola ndikuvavula itsa jilweli ndita: pwu ndi vannonu uńe ndingave ndibiha. Mańa ndingave nandibiha, pwu ndilinikwitsa ju Ntangili kwańe, lola ndingave ndibiha pwu ndikunsuṅaga kwańe. Vwu itsile umwene, pwu alakilema ikilunga nimbivi nuvugolosu nuvuhigi.

Nuńe lino vwu ngahile ndi nulususuvalo, lweli ndavuja mukumbona pwu ninumbula tsińo tsilahekelaga, nuluhekelo lwińo lulwa pwu nakuli uvi alapoka. Palitsuva lilyo nandambutse ilinge. Jilweli-lweli ndikuvavula ndita: Syoni isyu kwa dada mudovela mwitavwa lyango, syu alavapa.

Jilweli-lweli ndikuvavula ndita: Uńe ndalilaga ndakutaga, ikyene ikilunga kyu kilahekelaga. Uńe ndasusuvalaga, lola ulususuvalo lwińo lulakilivukaga lulipelaga ukuva luhekelo.