Δημοφιλή Βιβλικά εδάφια από Marko 12

Κοινοποίηση

Penas o Jesus leske: “O bareder lab hi kowa: Shun tu, Israel! Maro Dewel hi o rai, hi kek wawar. Tu kamess tiro Debles o tselo djijestar an tiro tselo djipen, an lauter, hoi tu kreh un djineh. O duito Debleskro lab hi kowa: Te wess jaake latches ap koleste, kai pash tute hi, har hal latches ap tute kokres. Kek wawar lab, hoi penell, hoi o Dewel mendar kamella, hi bareder har kolla dui.”

Koi das job peskre malen pash peste gole, un penas ap lende: “Tchatchepah, me penau tumenge: Koi romni das budeder o Debleske, har kol tsele wawar, kai tchiwan lowe dren. Kol tsele wawar dan lowe dran pengro brawlepen. Kai tchorweli romni das halauter, hoi lat his, halauter, hoi lat his djipaske.”

An o Debleskro baro kheer his i lowengri piri tardo, kai i menshe lowe o Debleske dren tchiwan. Un o Jesus beshas pes pashel un dikas, har kol menshe lowe dren tchiwan. Un bud brawele tchiwan bud dren. Koi was i tchorweli djuwel, kolakro rom meras. Joi tchiwas dui tikne kotja dren. Kowa his jaake bud har jek bema.

Te kamah mer les o tselo djijeha, an lauter hoi krah un djinah, un te ham jaake latcho ap koleste, kai pash mende hi, har ham latcho ap mende kokres, palle hi kowa feteder, har i tsele bakre un grumja, hoi mer marah un chatchrah o Debleske.”

Un o Jesus penas ap lende: “Jaake denn leste, hoi leskro hi, un denn o Debleste, hoi leskro hi!” Un jon kran bare jaka pral leste.