Δημοφιλή Βιβλικά εδάφια από Yohane 19

Κοινοποίηση

Kyasia ili Yesu andemaa inwa mfinyo ulya utaraṅaa, kanumbua: Kyammaa iva! Kainita nrwe kanutuka.

Numa ya ifo ili Yesu andemanya sheeli foose fammarisio̱, amu mitisine yawukie, kanumbua: Namaakuka.

Ili Yesu alolia mae na mwanalosho ulya amwitie mbele aselele kufui, kaia mae: Yeyo, uu yye mwana wafo. Numa kaia mwanalosho ulya: Uu yye yeyo wafo. Kuuka kyeeri kilya kyeni mwanalosho ulya kankurika andekaa kulya kwamwi.

Neeli vandefikia Yesu na ilolia sheeli ammaa ifwa, vakimfukya marende ndi. Kake nsikari umwi wawo kansimba ifumu lya mbari. Lia eni lukairika usao lusaangi na mura.

Fulya ifo fatanika, amu mitisine yawukie sheeli: ”Nta ifua lyamwi limwi lifukywaa“. Na mitisine ingi ikee inumbua: ”Vallaa ito vandensimba ifumu“.

Vakawaria Yesu. Nae kaenda akuriye nsalaba wamwi ye muni. Kauka muṛiń kafika andu avaangwaa Kiboṛoń, na irina lya Kiebrania nGoligota.

Na vasikari vakaoka kiṛeto kya miinga vakawika nrweń. Vakawika na nseto utondoṛie.